an image an image

ສົກປີ 2015-2016 ແຂວງຫລວງພະບາງຈັດເກັບລາຍຮັບໄດ້ລື່ນຄາດໝາຍ

pulpit rock
ອີງຕາມການລາຍງານຂອງທ່ານ ສີສຸພັນ ສີສະຫວັດ ຮອງຫົວໜ້າພະແນກການເງິນແຂວງຫລວງພະບາງ ຕໍ່ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ພ້ອມດ້ວຍຄະນະ ທີ່ເຄື່ອນໄຫວຊຸກຍູ້ການຈັດຕັ້ງປະຕິບັດແຜນງົບປະມານ ປະຈຳປີ 2017 ຢູ່ແຂວງຫລວງພະບາງ ເມື່ອບໍ່ດົນມານີ້ ໂດຍໄດ້ຮັບການຕ້ອນຮັບຈາກທ່ານ ຄຳຂັນ ຈັນທະວີສຸກ ເຈົ້າແຂວງຫລວງພະບາງ, ມີບັນດາຫົວໜ້າ-ຮອງຫົວໜ້າພະແນກຂອງແຂວງ, ພະນັກງານວິຊາການທີ່ກ່ຽວຂ້ອງເຂົ້າຮ່ວມ, ທ່ານ ຮອງຫົວໜ້າພະແນກການເງິນແຂວງຫລວງພະບາງໄດ້ຍົກໃຫ້ເຫັນວ່າ: ຜ່ານການຈັດຕັ້ງປະຕິບັດວຽກງານການຈັດເກັບລາຍຮັບ-ຄຸ້ມຄອງລາຍຈ່າຍໃນສົກປີ 2015-2016 ແລະ 3 ເດືອນຂ້າມຜ່ານ ແລະ ທິດທາງແຜນການສົກ 2017, ພະແນກການເງິນແຂວງຫລວງພະບາງ ໄດ້ເອົາໃຈໃສ່ຢ່າງຕັ້ງໜ້າໃນການປະຕິບັດວຽກງານໃນຄວາມຮັບຜິດຊອບສູງ ໂດຍສະເພາະແມ່ນການຈັດຕັ້ງປະຕິບັດວຽກງານເກັບລາຍຮັບ-ຄຸ້ມຄອງລາຍຈ່າຍຂອງແຂວງ ແມ່ນມີຜົນສຳເລັດໃນຫລາຍດ້ານເປັນຕົ້ນໃນການຈັດຕັ້ງປະຕິບັດແຜນງົບປະມານ ສົກປີ 2015-2016 ລວມຍອດແຜນເກັບລາຍຮັບທັງໝົດແມ່ນ 637 ຕື້ກີບ, ສາມາດປະຕິບັດໄດ້ 617,28 ຕື້ກີບ, ບັນລຸເກືອບ 97% ລວມພູດສູນກາງດັດແກ້ 21,03 ຕື້ກີບ, ປະຕິບັດໄດ້ 25,28 ຕື້ກີບ, ທຽບໃສ່ແຜນແມ່ນລື່ນຄາດໝາຍທີໄດ້ກໍານົດໄວ້.
ສິ່ງພົ້ນເດັ່ນກວ່າໝູ່ແມ່ນສາມາດເກັບລາຍຮັບຈາກບັດວີຊ່າປະຕິບັດໄດ້ 22,13 ຕື້ກີບ, ຕາມແຜນ 16,20 ຕື້ກີບ, ທຽບໃສ່ແຜນລື່ນຄາດໝາຍ 36,62%, ພ້ອມດຽວກັນນັ້ນການເກັບລາຍຮັບພາຍໃນແຂວງຕາມແຜນດັດແກ້ແມ່ນ 227,87 ຕື້ກີບ, ສາມາດປະຕິບັດໄດ້ 225,39 ຕື້ກີບ, ທຽບໃສ່ແຜນປີລື່ນຄາດໝາຍ 10,49% ເຊິ່ງມີ 8 ເມືອງປະຕິບັດໄດ້ລື່ນຄາດໝາຍລວມ 2 ຕື້ກວ່າກີບ, ເທົ່າກັບ 96,55%. ນອກນີ້, ການເກັບຈາກສ່ວຍສາອາກອນປະຕິບັດໄດ້ 210,51 ຕື້ກີບ, ທຽບໃສ່ແຜນປະຕິບັດໄດ້ 98,46%, ເກັບຈາກພາສີທີ່ດິນ ໄດ້ 9,46 ຕື້ກີບ, ທຽບໃສ່ແຜນປະຕິບັດໄດ້ 84,13%, ເກັບຈາກພາສີຈາກພູດ 3 ສ້າງໄດ້ 242 ລ້ານກີບ ທຽບໃສ່ແຜນປະຕິບັດໄດ້ລື່ນຄາດໝາຍ 35,11%, ເກັບຈາກການຄຸ້ມຄອງຊັບສິນ ໄດ້ 14,40 ຕື້ກີບ, ທຽບໃສ່ແຜນປະຕິບັດໄດ້ລື່ນຄາດໝາຍ 6,68%. ສາເຫດພາໃຫ້ລື່ນຄາດໝາຍນັ້ນກໍ່ຍ້ອນໄດ້ຮັບຄ່າຊັບພະຍາກອນ ແລະ ຄ່າສຳປະທານທີ່ບັນດາບໍລິສັດມາສຳຫລວດແຮ່ທາດຢູ່ພາຍໃນແຂວງຫລວງພະບາງ ທີ່ບັນດາບໍລິສັດມອບຢູ່ສູນກາງແຕ່ສູນກາງໂອນຈົດລາຍຮັບເປັນຂອງແຂວງ.
ໂອກາດນີ້, ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ມີຄຳເຫັນວ່າ: ຜ່ານການລາຍງານການຈັດຕັ້ງປະຕິບັດວຽກງານການຈັດເກັບລາຍຮັບ-ລາຍຈ່າຍໃນສົກປີ 2015-2016 ແລະ 3 ເດືອນຂ້າມຜ່ານ ແລະ ທິດທາງແຜນການສົກ 2017, ຂອງແຂວງຫລວງເຫັນວ່າມີຫລາຍອັນພົ້ນເດັ່ນ, ໂດຍສະເພາະໃນການຈັດຕັ້ງປະຕິບັດການຈັດເກັບລາຍຮັບ, ການຄຸ້ມຄອງລາຍຈ່າຍ, ການນຳພາສຶກສາອົບຮົມດ້ານແນວຄິດການເມືອງຂອງອ້າຍເອື້ອຍນ້ອງພະນັກ ງານ, ລົງເລິກຊີ້ນຳໆພາໃກ້ຊິດຕິດເທບໃນການຈັດຕັ້ງປະຕິບັດ. ຄຽງຄູ່ກັນນັ້ນ, ຍັງມີບາງວຽກງານທີ່ຈະຕ້ອງເອົາໃຈໃສ່ເຊັ່ນ: ການປະຕິບັດລະບຽບວິໄນຂອງພະນັກງານການເງິນຢ່າງເຂັ້ມງວດ, ການປັບປຸງການຈັດຕັ້ງຂອງຂະແໜງການເງິນໃຫ້ມີຄວາມອຸ່ນອ່ຽນທຸ່ນທ່ຽງ, ການປະສານສົມທົບລະຫວ່າງສູນກາງ-ທ້ອງຖິ່ນຕ້ອງເພີ່ມທະວີຂຶ້ນຕື່ມ, ວຽກພັກ-ວຽກພະນັງງານສືບຕໍ່ປະຕິບັດຕາມລະບຽບການໂດຍສະເພາະວຽກງານສາມສາຍຕັ້ງ. ນອກນີ້, ທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ຍັງໄດ້ເຈາະຈີ້ມບາງບັນຫາແຕ່ລະຂົງເຂດວຽກງານການເງິນ ທັງນີ້, ກໍ່ເພື່ອແນ່ໃສ່ໃນການຄຸ້ມຄອງການຈັດເກັບລາຍຮັບເຂົ້າງົບປະມານແຫ່ງລັດຄົບຖ້ວນ, ຖືກຕ້ອງຕາມລະບຽບກົດໝາຍ, ມີປະສິດທິພາບສູງ ແລະ ບັນລຸຕາມແຜນການທີ່ວາງໄວ້.
ຂ່າວ-ພາບ: ບຸນທຽມ

ວັນທີອອກຂ່າວ: 
17/03/2017
ວັນທີ່ເກີດຂ່າວ: 
17/03/2017
ສຸກ, 17 ມີນາ, 2017 - ອັງຄານ, 17 ມີນາ, 2020
ເອກະສານຂະໜາດ
a241.jpg575.75 KB
a242.jpg290.04 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 21,269,311
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30