an image an image

ສົກງົບປະມານ 2015-2016 ເມືອງສັງທອງເກັບລາຍຮັບເຂົ້າງົບປະມານໄດ້ລື່ນແຜນການ 168 ລ້ານກວ່າກີບ

pulpit rockpulpit rock
ສັງທອງໜຶ່ງໃນ 9 ຕົວເມືອງຂອງນະຄອນຫລວງວຽງຈັນ, ໃນສົກງົບປະມານຜ່ານມາ 2015-2016 ພະແນກການການນະຄອນຫລວງໄດ້ມອບໝາຍໃຫ້ຈັດເກັບລາຍຮັບເຂົ້າງົບປະມານ 4,5 ຕື້ກວ່າກີບ, ຜ່ານການຈັດຕັ້ງປະຕິບັດການຈັດເກັບລາຍຮັບເຂົ້າງົບປະມານຕົວເລກໄດ້ທັງໝົດ 4,6 ຕື້ກວ່າກີບ, ເທົ່າກັບ 103,74% ຖ້າທຽບໃສ່ແຜນການປີລື່ນແຜນ3,74% ຄິດເປັນເງິນ 168 ລ້ານກວ່າກີບ.
ທ່ານ ຄຳພູວຽງ ແກ້ວສຸພຣົມ ຫົວໜ້າຫ້ອງການ-ການເງິນເມືອງສັງທອງ ລາຍງານຕໍ່ກອງປະຊຸມສະຫລຸບການຈັດຕັ້ງປະຕິບັດວຽກງານງົບປະມານ 2015-2016 ແລະ ທິດທາງແຜນການປີ 2017 ທີ່ຈັດຂຶ້ນໃນວັນທີ 30 ພຶດສະພາ 2017 ທີ່ສຳນັກງານປົກຄອງເມືອງສັງທອງວ່າ: ຫ້ອງການ-ການເງິນເມືອງສັງທອງມີສາຍຕັ້ງຂຶ້ນກັບພະແນກການເງິນນະຄອນຫລວງ, ສາຍຂວາງຂຶ້ນກັບປົກຄອງເມືອງສັງທອງ, ປະກອບມີ 5 ໜ່ວຍງານຄື: ໜ່ວຍງານບໍລິຫານ, ໜ່ວຍງານງົບປະມານ, ໜ່ວຍງານຄັງເງິນແຫ່ງຊາດ, ໜ່ວຍງານສ່ວຍສາອາກອນ ແລະ ໜ່ວຍງານຄຸ້ມຄອງຊັບສິນຂອງລັດ, ມີພະນັກງານ-ລັດຖະກອນທັງໝົດ 29 ຄົນ, ຍິງ 7 ຄົນ ໃນນີ້ໜ່ວຍພັກມີສາມາຊິກພັກທັງໝົດ 25 ຄົນ, ຍິງ 5 ຄົນ.
ເມືອງສັງທອງເປັນໜຶ່ງໃນ 9 ເມືອງຂອງນະຄອນຫລວງວຽງຈັນ, ເຖິງຈະເປັນເມືອງນ້ອຍ, ຫ່າງໄກຈາກເທສະບານນະຄອນຫລວງປະມານ 60 ກິໂລ, ແຕ່ກໍເຕັມໄປດ້ວຍຄວາມອຸດົມສົມບູນທາງທຳມະຊາດ, ມີພື້ນຖານການຜະລິດກະສິກຳເປັນທ່ານແຮງ, ມີດ່ານປະເພນີ ແລະ ອື່ນໆຜ່ານການຈັດຕັ້ງປະຕິບັດວຽກງານການຈັດເກັບລາຍຮັບເຂົ້າງົບປະມານໃນສົກປີ 2015-2016 ຜ່ານມາທີ່ພະແນກການເງິນນະຄອນຫລວງວຽງຈັນມອບໝາຍໃຫ້ເມືອງສັງທອງ 4,510,000,000 ກີບ, ຜ່ານການຈັດຕັ້ງປະຕິບັດຕົວຈິງ ຫ້ອງການ-ການເງິນເມືອງສັງທອງ ສາມາດເກັບລາຍຮັບເຂົ້າງົບປະມານໄດ້ທັງໝົດ 4,678, 737,539 ກີບ, ເທົ່າກັບ 103,74% ລື່ນແຜນການປີ 3,74% ຄິດເປັນເງິນທັງໝົດ 168,737,539 ກີບ, ໃນນັ້ນສ່ວຍສາອາກອນປະຕິບັດໄດ້ 3,771,148,822 ກີບ, ເທົ່າກັບ 97,95%, ຄຸ້ມຄອງຊັບສິນຂອງລັດປະຕິບັດໄດ້ 907,588,717 ກີບ, ເທົ່າກັບ 137,51%.
ທ່ານ ຄຳພູວຽງ ແກ້ວສຸພຣົມ ຫົວໜ້າຫ້ອງການ-ການເງິນເມືອງສັງທອງ ກ່າວຕື່ມວ່າ: ສາເຫດທີ່ພາໃຫ້ຫ້ອງການ-ການເງິນເມືອງສັງທອງ ເກັບລາຍຮັບເຂົ້າງົບປະມານໄດ້ລື່ນແຜນການ ຍ້ອນຄະນະພັກຄະນະນຳຂອງຫ້ອງການ-ການເງິນເມືອງ ຍາມໃດກໍ່ຖືເອົາວຽກງານການສຶກສາອົບຮົມການເມືອງແນວຄິດເປັນຄົກ ໂດຍການຈັດຕັ້ງເຜີຍແຜ່ແນວທາງນະໂຍບາຍ ແລະ ມະຕິຄຳສັ່ງຕ່າງໆ, ສົມທົບກັບສາຍຕັ້ງພະແນກການເງິນນະຄອນຫລວງ ແລະ ຄວາມເອົາໃຈໃສ່ຂອງຄະນະພັກອຳນາດການປົກຄອງແຕ່ລະຂັ້ນໃນການຊີ້ນຳ-ນຳພາ ແລະ ຖືເອົາວຽກງານການເງິນງົບປະມານເປັນບັນຫາສຳຄັນ ຈິ່ງເຮັດໃຫ້ການຈັດຕັ້ງປະຕິບັດແຜນງົບປະມານເມືອງສັງທອງໄດ້ຮັບໝາກຜົນດີພໍສົມຄວນ ແລະ ສາມາດຂຸດຄົ້ນເກັບລາຍຮັບເພີ່ມຂຶ້ນຢ່າງຕໍ່ເນື່ອງ.
ກອງປະຊຸມດັ່ງກ່າວຍັງໄດ້ມອບໃບຍ້ອງຍໍໃຫ້ແກ່ກົມກອງ, ບຸກຄົນ ທີ່ມີຜົນງານດີເດັ່ນໃນການຈັດເກັບລາຍຮັບເຂົ້າງົບປະມານ 20 ກົມກອງ, 36 ທ່ານ ແລະ ໃບຊົມເຊີຍໃຫ້ 9 ກົມກອງ, 23 ທ່ານ, ເປັນກຽດເຂົ້າຮ່ວມໃນກອງປະຊຸມ ແລະ ມອບໃບຍ້ອງຍໍໃນຄັ້ງນີ້ແມ່ນທ່ານ ຄຳພັນ ມາລາບັນດິດ ຫົວໜ້າພະແນກການເງິນນະຄອນຫລວງວຽງຈັນ, ມີຮອງເຈົ້າເມືອງສັງທອງ, ຫົວໜ້າກ້ອງການ-ການເງິນ, ບັນດາຫົວໜ່ວຍທຸລະກິດ, ຕ່າງໜ້າແຕ່ລະບ້ານ ແລະ ພາກສ່ວນກ່ຽວຂ້ອງເຂົ້າຮ່ວມ.
ຂ່າວ-ພາບ: ບຸນທຽມ

ວັນທີອອກຂ່າວ: 
02/06/2017
ວັນທີ່ເກີດຂ່າວ: 
30/06/2017
ສຸກ, 2 ມິຖຸນາ, 2017 - ອັງຄານ, 2 ມິຖຸນາ, 2020
ເອກະສານຂະໜາດ
a410.jpg1020.1 KB
a412.jpg720.53 KB
a411.jpg967.27 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,856,123
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30