an image an image

ສະຫະພັນແມ່ຍິງກະຊວງການເງິນ ສະຫລຸບວຽກງານປີ 2017 ແລະ ທິດທາງ 2018

pulpit rock
ໃນວັນທີ 9 ກຸມພາ 2018 ສະຫະພັນແມ່ຍິງກະຊວງການເງິນ ໄດ້ຈັດກອງປະຊຸມສະຫລຸບວຽກງານການເຄື່ອນໄຫວຮອບດ້ານປະຈໍາປີ 2017 ແລະ ທິດທາງ 2018 ຂຶ້ນ, ໂດຍການເຂົ້າຮ່ວມເປັນປະທານຂອງທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ, ມີທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ ປະທານສະຫະພັນແມ່ຍິງກະຊວງການເງິນ, ທ່ານ ນາງ ສອນມະນີເພັດ ພູນສະຫວັນ ຮອງປະທານສູນກາງສະຫະພັນແມ່ຍິງລາວ, ພ້ອມດ້ວຍບັນດາສະມາຊິກແມ່ຍິງອ້ອມຂ້າງກະຊວງເຂົ້າຮ່ວມ.
ໂອກາດດັ່ງກ່າວ, ຄະນະສະຫະພັນແມ່ຍິງກະຊວງການເງິນໄດ້ລາຍງານວ່າ: ໃນປັດຈຸບັນເອື້ອຍນ້ອງແມ່ຍິງທີ່ສັງກັດຢູ່ກະຊວງການເງິນມີທັງໝົດ 473 ທ່ານ, ໃນນັ້ນເປັນສະມາຊິກແມ່ຍິງ 453 ທ່ານ, ຊຶ່ງບັນດາສະຫະພັນແມ່ຍິງ ກະຊວງການເງິນໄດ້ເອົາໃຈໃສ່ຈັດຕັ້ງປະຕິບັດມະຕິກອງປະຊຸມໃຫ່ຍຜູ້ແທນແມ່ຍິງທົ່ວປະເທດ ຄັ້ງທີ VII, ມະຕິກອງປະຊຸມໃຫຍ່ສະຫະພັນແມ່ຍິງ ກະຊວງການເງິນ ຄັ້ງທີ IV ໂດຍສະເພາະແມ່ນ ການຈັດຕັ້ງຜັນຂະຫຍາຍແຜນພັດທະນາແມ່ຍິງ ໃນໄລຍະ 5 ປີ (2016-2020), ສ່ວນການເຄື່ອນໄຫວໃນໄລຍະ 1 ປີຜ່ານມາຄະນະສະຫະພັນແມ່ຍິງກະຊວງການເງິນໄດ້ເອົາໃຈໃສ່ຈັດຕັ້ງຜັນຂະຫຍາຍວຽກງານຫລາຍດ້ານເຊັ່ນ: ການຊີ້ນໍາໆພາວຽກງານວຽກງານສຶກສາອົບຮົມດ້ານການເມືອງແນວຄິດໃຫ້ແກ່ບັນດາພະນັກງານ-ເອື້ອຍນ້ອງແມ່ຍິງຢ່າງເປັນປົກກະຕິ, ຕໍ່ເນື່ອງໃຫ້ມີຄວາມອຸ່ນອ່ຽນ ແລະທຸ່ນທ່ຽງ, ໜັກແໜ່ນດ້ານແນວຄິດການເມືອງ ແລະ ເຊື່ອໜັ້ນຕໍ່ການຊີ້ນໍາໆພາຂອງພັກ,ປັບປຸງ ແລະ ຜັນຂະຫຍາຍສະມາຊິກສະຫະພັນແມ່ຍິງ,ກໍ່ສ້າງພະນັກງານເພດຍິງ, ສະມາຊິກສະຫະພັນແມ່ຍິງ, ນະໂຍບາຍ-ຍ້ອງຍໍ, ວຽກງານປົກປ້ອງສິດຜົນປະໂຫຍດແມ່ຍິງ-ເດັກນ້ອຍ, ການສົ່ງເສີມຄວາມກ້າວໜ້າຂອງແມ່ຍິງ, ສົ່ງເສີມຄວາມສະເໝີພາບຍິງ-ຊາຍ, ພັດທະນາຊີວິດການເປັນຢູ່ ເພື່ອແກ້ໄຂຄວາມທຸກຍາກໃຫ້ແມ່ຍິງ ແລະ ຄອບຄົວ, ຈັດຕັ້ງປະຕິບັດຂໍ້ແຂ່ງຂັນ 3 ດີຂອງສະຫະພັນແມ່ຍິງລາວ, ປຸກລະດົມແມ່ຍິງເຂົ້າຮ່ວມພາລະກິດປົກປັກຮັກສາ ແລະ ສ້າງສາປະເທດຊາດ ແລະ ວຽກງານພົວພັນ-ຮ່ວມມືກັບຕ່າງປະເທດ.
ສໍາລັບທິດທາງ 2018 ຄະນະສະຫະພັນແມ່ຍິງຈະເອົາໃຈໃສ່ສູ້ຊົນສືບຕໍ່ຈັດຕັ້ງຜັນຂະຫຍາຍຂໍ້ດີ ແລະ ປັບປຸງຂໍ້ຄົງຄ້າງທີ່ເປັນສາເຫດພາໃຫ້ມີຈຸດອ່ອນ, ນອກນີ້ຍັງໄດ້ສະເໜີໃຫ້ສູນກາງສະຫະພັນແມ່ຍິງລາວແນະນໍາຂັ້ນຕອນ, ວິທີການກົນໄກໃນການພັດທະນາແມ່ຍິງ (ຂັ້ນການນໍາ)ໃຫ້ມີຄວາມຮູ້, ຄວາມສາມາດ, ມາດຕະຖານ, ເງື່ອນໄຂ ເພື່ອເຮັດໃຫ້ການສ້າງບຸກຄະລາກອນທີ່ເປັນການນໍາ (ເພດຍິງ)ໄດ້ຄົບຖ້ວນ, ສົມບູນຕາມຄວາມຮຽກຮ້ອງຕ້ອງການຂອງສູນກາງສະຫະພັນແມ່ຍິງລາວ, ສະເໜີໃຫ້ຄະນະພັກ, ຄະນະນໍາຂອງແຕ່ລະກົມ ຄົ້ນຄວ້າພິຈາລະນາໃຫ້ສະມາຊິກສະຫະພັນແມ່ຍິງໄດ້ເຂົ້າເປັນສະມາຊິກພັກໃຫ້ມີຈໍານວນເພີ່ມຂຶ້ນ ແລະ ຊຸກຍູ້ສ້າງເງື່ອນໄຂໃຫ້ບັນດາເອື້ອຍນ້ອງແມ່ຍິງໄດ້ເຂົ້າເປັນພະນັກງານ-ລັດຖະກອນຂອງລັດ ແລະ ໃຫ້ໂອກາດໄປຍົກລະດັບວິຊາສະເພາະໃຫ້ສູງຂຶ້ນ, ພິຈາລະນາສ້າງເອື້ອຍນ້ອງຍິງຜູ້ທີ່ມີເງື່ອນໄຂເພື່ອບັນຈຸຊັບຊ້ອນເຂົ້າໃນຕໍາແໜ່ງງານຕາມຄວາມເໝາະສົມຢ່າງແທ້ຈິງ.
ພ້ອມນີ້ຍັງໄດ້ສະເໜີບົດສະຫລຸບຕີລາຄາການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈໍາປີ 2017 ແລະ ແຜນຈັດຕັ້ງປະຕິບັດຂໍ້ແຂ່ງຂັນ 3 ດີປະຈໍາປີ 2018, ໂດຍມີບັນດາຫົວໜ້າໜ່ວຍແມ່ຍິງ 17 ໜ່ວຍຂຶ້ນສະເໜີຂໍ້ແຂ່ງຂັນຂອງຕົນ ແລະ ຈັບມືກັນເພື່ອເປີດຂໍ້ແຂ່ງຂັນ 3 ດີຂອງໜ່ວຍສະຫະພັນແມ່ຍິງກະຊວງການເງິນຢ່າງເປັນທາງການ.

ໂອກາດນີ້, ທ່ານ ນາງ ທິບພະກອນ ຈັນທະວົງສາ ໄດ້ມີຄວາມເຫັນວ່າ: ການຈັດປະຊຸມໃນຄັ້ງນີ້ນີ້ແມ່ນມີຄວາມໝາຍຄວາມສໍາຄັນຫລາຍ ດັ່ງນັ້ນຈຶ່ງຮຽກຮ້ອງມາຍັງບັນດາພະນັກງານ-ເອື້ອຍນ້ອງແມ່ຍິງທົ່ວກະຊວງການເງິນ, ຈົ່ງພ້ອມກັນເອົາໃຈໃສ່ໃນການຈັດຕັ້ງປະຕິບັດໜ້າທີ່ວຽກງານຂອງຕົນຢ່າງຕັ້ງໜ້າ, ໂດຍສະເພາະແມ່ນດ້ານໜ້າທີ່ການ ເມືອງ ແລະ ວຽກງານດ້ານວິຊາສະເພາະໃຫ້ມີຄວາມກ້າວໜ້າ, ເພື່ອເປັນການສ້າງຕົນເອງຢ່າງຮອບດ້ານ ແລະ ປະ ກອບສ່ວນເຂົ້າໃນວຽກງານຂອງຂະແໜງການເງິນໃຫ້ໄດ້ຮັບການພັດທະນາ ແລະ ມີປະສິດທິພາບສູງ, ນອກນີ້ຍັງໄດ້ສະແດງຄວາມຊົມເຊີຍຕໍ່ບັນດາເອື້ອຍນ້ອງຍິງທີ່ຍາດໄດ້ຜົນງານຫລາຍຢ່າງໃນໄລຍະຜ່ານມາ.
ພາບ-ຂ່າວ ສອນໄຊ.

ວັນທີອອກຂ່າວ: 
16/02/2018
ວັນທີ່ເກີດຂ່າວ: 
09/02/2018
ສຸກ, 9 ກຸມພາ, 2018 - ອັງຄານ, 9 ກຸມພາ, 2021
ເອກະສານຂະໜາດ
a809.jpg220.83 KB
a810.jpg304.46 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 30,289,974
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30