an image an image

ສະຫລຸບວຽກງານຈັດຕັ້ງ, ກໍ່ສ້າງພັກ-ພະນັກງານ, ກວດກາ ແລະ ວຽກງານຫ້ອງການກະຊວງການເງິນ

pulpit rockpulpit rock

ເພື່ອເປັນການສະຫລຸບການຈັດຕັ້ງປະຕິບັດວຽກງານການຈັດຕັ້ງ, ກໍ່ສ້າງພັກ-ພະນັກງານ, ວຽກງານກວດກາ ແລະ ວຽກງານຫ້ອງການກະຊວງການເງິນ ປະຈຳປີ 2017 ແລະ ທິດທາງປີ 2018. ສະນັ້ນ, ໃນລະຫວ່າງວັນທີ 3-4 ເມສາ 2018 ທີ່ຫ້ອງປະຊຸມຊັ້ນ 4 ກະຊວງການເງິນ, ຈຶ່ງໄດ້ຈັດກອງປະຊຸມສະຫລຸບວຽກງານດັ່ງກ່າວຂຶ້ນ, ໂດຍການເຂົ້າຮ່ວມເປັນຂອງທ່ານ ສົມດີ ດວງດີ ກຳມະກາສູນການພັກ ຮອງນາຍົກລັດຖະມົນຕີ ເລຂາຄະນະບໍລິຫານງານພັກ ລັດຖະມົນຕີກະຊວງການງິນ, ມີຮອງລັດຖະມົນຕີກ, ຄະນະປະຈໍາພັກ, ຄະນະພັກ, ເລຂາໜ່ວຍພັກ, ຫົວໜ້າກົມ, ຮອງກົມ ແລະ ພະນັກງານຫລັກແຫລ່ງເຂົ້າຮ່ວມ.
ໂອກາດດັ່ງກ່າວ, ທ່ານ ສົມດີ ດວງດີ ໄດ້ມີຄຳເຫັນວ່າ: ວຽກງານຈັດຕັ້ງ, ກໍ່ສ້າງພັກ-ພະນັກງານ ແລະ ວຽກງານກວດກາຂອງກະຊວງການເງິນ, ແມ່ນວຽກງານຫນຶ່ງທີ່ສຳຄັນຕໍ່ກັບແຜນພັດທະນາເສດຖະກິດ-ສັງຄົມ ແລະ ແຜນງົບ ປະມານແຫ່ງລັດ. ໃນນັ້ນ, ວຽກງານຄຸ້ມຄອງການຈັດເກັບລາຍຮັບ-ລາຍຈ່າຍງົບປະມານໃນການສ້າງບັນທັດຖານໃຫ້ແກ່ການປະຕິບັດໜ້າທີ່ວຽກງານຂອງພະນັກງານຄຸ້ມຄອງການເງິນໃຫ້ມີສະຕິເປັນເຈົ້າການປະຕິບັດກົດໝາຍ ແລະ ລະບຽບການຕ່າງໆໃນການຕ້ານ ແລະ ສະກັດກັ້ນການສໍ້ລາດບັງຫລວງກໍ່ຄືປະກົດການຫຍໍ້ທໍ້ຕ່າງໆໃນຂົງເຂດການເງິນ.
ໃນກອງປະຊຸມຄັ້ງນີ້, ຍັງໄດ້ມີການຄົ້ນຄວ້າປຶກສາຫາລືເປັນເອກະພາບກ່ຽວກັບທິດທາງ, ໜ້າທີ່ວຽກງານຈັດຕັ້ງ,ກໍ່ສ້າງພັກ-ພະນັກງານ, ປັບປຸງກົງຈັກການຈັດຕັ້ງ ແລະ ວຽກງານກວດກາຂອງກະຊວງການເງິນໃນຕໍ່ໜ້າເປັນຕົ້ນແມ່ນຕ້ອງສຸມໃສ່ປະຕິບັດໃຫ້ມີການຫັນປ່ຽນທີ່ຕັ້ງຫນ້າ, ຮັບປະກັນການປະຕິບັດໜ້າທີ່ວິຊາສະເພາະໃຫ້ມີປະສິດທິຜົນສູງຂຶ້ນກວ່າເກົ່າ, ນອກຈາກນັ້ນກໍ່ມີການເຜີຍແຜ່ມະຕິຕ່າງໆ, ຄຳແນະນຳ ເພື່ອເຮັດໃຫ້ມີຄວາມເຂົ້າໃຈເປັນເອກະພາບ ແລະ ນຳໄປຈັດຕັງປະຕິບັດຢ່າງຖືກຕ້ອງ ແລະ ໄດ້ຮັບຜົນດີໃນຕໍ່ໜ້າ.
ກອງປະຊຸມໃນຄັ້ງນີ້ໄດ້ດຳເນີນເປັນເວລາ 2 ວັນຈິຶ່ງສຳເລັດ, ໄດ້ມີການສະຫລຸບວຽກງານການຈັດຕັ້ງ, ກໍ່ສ້າງພັກ-ພະນັກງານ ປະຈຳປີ 2017 ແລະ ແຜນທິດທາງແຜນການປີ 2018, ບົດສະຫລຸບວຽກງານຈັດຕັ້ງທົ່ວປະເທດປີ 2017 ແລະ ທິດທາງປີ 2018, ຜ່ານບົດສະຫລຸບວຽກງານກວດກາ ປະຈຳປີ 2017 ທິດທາງແຜນການປີ 2018, ຜ່ານບົດສະຫລຸບວຽກງານກວດກາທົ່ວປະເທດ ປະຈຳປີ 2017 ແລະ ທິດທາງແຜນການປີ 2018 ເລກທີ 27/ຄກສພ ແລະ ບົດໂອ້ລົມຂອງທ່ານ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ, ເຂລາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ຫົວໜ້າຕ້ານການສໍ້ຫລາດບັງຫລວດຂັ້ນສູນກາງ ຕໍ່ກອງປະຊຸມວຽກງານກວດກາທົ່ວປະເທດ, ຜ່ານເອກະສານຮ່າງຂໍ້ຕົກລົງວ່າດ້ວຍການປະຢັດລາຍຈ່າຍ ງົບປະມານບໍລິຫານລັດ ຂອງກະຊວງການເງິນ, ຮັບຟັງການເຜີຍແຜ່ເອກະສານຈຳນວນ 7 ສະບັບຄື: 1ຄຳສັ່ງ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງໜັກແໜ້ນ ເລກທີ 01/ກມສພ, ມະຕິວ່າດ້ວຍມາດຕະຖານພະນັກງານ-ນຳພາຄຸ້ມຄອງ ເລກທີ 030/ກມສພ, ມະຕິວ່າດ້ວຍການຄຸ້ມຄອງພະນັກງານ 031/ກມສພ, ມະຕິວ່າດ້ວຍວຽກງານສ້າງແຜນກຳນົດພະນັກງານນຳພາ-ຄຸ້ມຄອງ ເລກທີ 032/ກມສພ, ດຳລັດ ຂອງນາຍົກ ລັດຖະມົນຕີ ວ່າດ້ວຍການເພີ່ມທະວີວຽກງານ ແຂ່ງຂັນຍ້ອງຍໍ ໃນໄລຍະໃໝ່ ເລກທີ 121/ນຍ, ແຈ້ງການຂອງຄະນະຊີ້ນຳລະດັບຊາດ ກ່ຽວກັບການແຂ່ງຂັນ-ຍ້ອງຍໍຮັກຊາດ ແລະ ພັດທະນາ ເລກທີ 01/ຄຊສຍ, ຂໍ້ຕົກລົງ ເລກທີ 16/ຄຊສຍ ລົງວັນທີ 20 ພະຈິກ 2017 ວ່າດ້ວຍການແຕ່ງຕັ້ງຄະນະຊີ້ນຳວຽກງານແຂ່ງຂັນ-ຍ້ອງຍໍຮັກຊາດ ແລະ ພັດທະນາກະຊວງການເງິນ, ຮັບຟັງການເຜີຍເອກະສານຈຳນວນບົດແນະນຳ ເພີ່ມເຕີມກ່ຽວກັບສິດຕົກລົງ ວິໄນຂັ້ນກ່າວເຕືອນ, ປ່ຽນແປງ ຫລື ລົບລ້າງຮູບການວິໄນຂອງຄະນະກວດກາຂັ້ນເມືອງ ແລະ ທຽບເທົ່າຂື້ນໄປ ເລກທີ 04/ຄກສພ, ຂໍ້ກໍານົດວ່າດ້ວຍການຕິດຕາມ, ການກວດກາການຈັດຕັ້ງປະຕິບັດຜົນການກວດກາ ເລກທີ 05/ຄກສພ ແລະ ເຜີຍແຜ່ບົດແນະນຳຂອງອົງການກວດສອບລັດຖະບານ ກ່ຽວກັບການກວດກາຕາມຜົນຂອງການກວດສອບເລກທີ 36/ອກລ.
ຈາກນັ້ນ, ບັນດາຜູ້ເຂົ້າຮ່ວມກອງປະຊຸມໄດ້ພ້ອມກັນປະກອບຄຳຄິດຄຳເຫັນໃສ່ບົດສະຫລຸບ ແລະ ບັນດາເອ ກະສານຕ່າງໆ ເພື່ອກ້າວໄປສູ່ໃນການຈັດຕັ້ງປະຕິບັດວຽກງານດັ່ງກ່າວໃຫ້ມີຄວາມຮັດກຸມ ແລະ ໄດ້ຮັບຜົນສຳເລັດຂຶ້ນໄປກ້າວໆ.
ພາບ-ຂ່າວ: ບຸນທຽມ, ວິໄນ

ວັນທີອອກຂ່າວ: 
06/04/2018
ວັນທີ່ເກີດຂ່າວ: 
04/04/2018
ພຸດ, 4 ເມສາ, 2018
ເອກະສານຂະໜາດ
a840.jpg435.06 KB
a841.jpg498.06 KB
a842.jpg369.94 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 31,319,642
  • ເລີ້ມຕັ້ງແຕ່ = 20/03/2009

ປະຕິທິນ

1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31