an image an image

ສປປ ລາວ ໄດ້ຮັບລາງວັນການອອກພັນທະບັດ ທີ່ມີເງື່ອນໄຂດີທີ່ສຸດ ປະຈໍາປີ 2017

pulpit rockpulpit rock

ລັດຖະບານແຫ່ງ ສປປ ລາວ ກໍ່ຄືກະຊວງການເງິນ ສາມາດຍາດໄດ້ລາງວັນຂອງການອອກພັນທະບັດທິ່ມີເງື່ອນໄຂດີທີ່ສຸດ (Best Bond Award) ປະຈຳປີ 2017 ຈາກຜົນງານການອອກພັນທະບັດເປັນສະກຸນເງິນບາດມູນຄ່າ 14.000 ລ້ານບາດທີ່ປະເທດໄທໃນເດືອນຕຸລາ 2017 ຜ່ານມາຈາກ The Asset Triple A Country Award 2017 ທີ່ຮົງກົງ.
ຕາງໜ້າລັດຖະບານລາວເຂົ້າຮ່ວມໃນພິທີປະກາດຜົນລາງວັນການລະດົມທຶນດີເດັ່ນ ປະຈຳປີ 2017 (The Asset Triple A Country Award 2017) ຢູ່ທີ່ຮົງກົງ, ໃນລະຫວ່າງວັນທີ 15-18 ມັງກອນ 2018 ຜ່ານມາໂດຍແມ່ນທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ໂດຍມີຫລາຍສະຖາບັນການເງິນທີ່ມີຊື່ສຽງໃນພາກພື້ນເຂົ້າຮ່ວມ.
ໃນງານປະກາດຜົນລາງວັນດັ່ງກ່າວສປປ ລາວ ສາມາດຍາດໄດ້ລາງວັນຂອງການອອກພັນທະບັດທີ່ມີເງື່ອນໄຂດີທີ່ສຸດ (Best Bond Award) ຈາກຜົນງານການອອກພັນທະບັດເປັນສະກຸນເງິນບາດທີ່ປະເທດໄທໃນເດືອນຕຸລາ 2017 ທີ່ຜ່ານມາ ແລະ ການອອກພັນທະບັດໃນຄັ້ງນີ້, ກະຊວງການເງິນ ແຫ່ງສປປ ລາວ ໄດ້ມອບໃຫ້ທະນາຄານກຸງເທບ, ທະນາຄານທະນະຊາດ, ທະນາຄານໄທພານິດ ແລະ ບໍລິສັດທີ່ປຶກສາ ທະວິນພາຍເປັນຜູ້ປະສານງານກັບພາກລັດທີ່ກ່ຽວຂ້ອງຂອງໄທ, ລວມທັງການກະກຽມເອກະສານທີ່ກ່ຽວຂ້ອງກັບການອອກພັນທະບັດ ແລະ ຕອບຄຳຖາມຂອງບັນດານັກລົງທຶນ, ກະຊວງການເງິນໄທ, ທະນາຄານແຫ່ງປະເທດໄທໄດ້ອະນຸຍາດໃຫ້ລັດຖະບານລາວອອກພັນທະບັດເປັນສະກຸນເງິນບາດຢູ່ປະເທດໄທ ມູນຄ່າບໍ່ເກີນ 14.000 ລ້ານບາດ.
ການອອກພັນທະບັດຂອງສປປ ລາວ ໃນຄັ້ງນີ້ເປັນຄັ້ງທີ 7 ແລະ ໄດ້ສຳເລັດໃນວັນທີ 5 ຕຸລາ 2017 ດ້ວຍຜົນສຳເລັດອັນຈົບງາມ, ຊຶ່ງສາມາດອອກພັນທະບັດທີ່ມີອາຍຸເຖີງ 3 ປີ, 5 ປີ, 7 ປີ, 10 ປີ, 12 ປີ, 15 ປີ ແລະ ເປັນຄັ້ງທໍາອິດທີ່ ສປປ ລາວ ອອກພັນທະບັດໄລຍະຍາວໄດ້, ຊຶ່ງກວມເອົາ 38,40% ຂອງມູນຄ່າພັນທະບັດທັງໝົດ, ສະແດງໃຫ້ເຫັນເຖິງຄວາມເຊື່ອໝັ້ນຂອງນັກລົງທຶນໄທທີ່ມີຕໍ່ເສດຖະກິດຂອງ ສປປ ລາວ ແລະ ຈຳນວນນັກລົງທຶນທີ່ຊື້ພັນທະບັດຂອງລັດຖະບານ ສປປ ລາວ ກວມເອົາ 27,8% ຂອງນັກລົງທຶນທີ່ມີລາຍຮັບສູງ (High Net Worth), ສ່ວນ 72,2% ແມ່ນນັກລົງທຶນທີ່ເປັນສະຖາບັນການເງິນຈາກຜົນງານດັ່ງກ່າວເຮັດໃຫ້ ສປປ ລາວ ສາມາດຍາດໄດ້ລາງວັນຂອງການອອກພັນທະບັດທິ່ມີເງື່ອນໄຂດີທີ່ສຸດ (Best Bond Award) ປະຈໍາປີ 2017 ທີ່ຈະເປັນສ້າງໂອກາດ ແລະ ສ້າງຄວາມເຊື່ອໝັ້ນໃຫ້ບັນດາທະນາຄານ, ສະຖາບັນການເງິນຕັດສິນໃຈຊື້ພັນທະບັດຂອງລັດຖະບານທີ່ອອກຢູ່ຕ່າງປະເທດ.
ນອກຈາກນີ້, ໃນປີ 2015 ສປປ ລາວ ກໍ່ເຄີຍໄດ້ລາງວັນການລະດົມທຶນແຫ່ງປີໃນອະນຸພາກພື້ນລຸ່ມແມ່ນ້ຳຂອງ (Deals of the year) ຈາກຜົນງານທີ່ອອກພັນທະບັດເປັນສະກຸນເງິນບາດມູນຄ່າ 12.000 ລ້ານ ບາດທີ່ປະເທດໄທໃນປີ 2015.

ວັນທີອອກຂ່າວ: 
26/01/2018
ວັນທີ່ເກີດຂ່າວ: 
26/01/2018
ສຸກ, 26 ມັງກອນ, 2018 - ອັງຄານ, 26 ມັງກອນ, 2021
ເອກະສານຂະໜາດ
a786.jpg41.35 KB
a787.jpg152.23 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 27,355,128
  • ເລີ້ມຕັ້ງແຕ່ = 20/03/2009

ປະຕິທິນ

 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31