an image an image

ລລບສ ຮ່ວມມື ໄອຊີດີລາວ-ຈີນ ສ້າງຕັ້ງບໍລິສັດ ລາວສາກົນ ບໍລິການຄ່ຽນຖ່າຍສິນຄ້າທີ່ດ່ານສາກົນບໍ່ເຕັນ

pulpit rock
ໃນວັນທີ 6 ພະຈິກ 2017 ທີ່ໂຮງແຮມດອນຈັນພາເລດ, ນະຄອນຫລວງວຽງຈັນ, ລັດວິສາຫະກິດລາວບໍລິການສິນຄ້າຜ່ານແດນ (ລລບສ) ໄດ້ລົງນາມເຊັນສັນຍາກັບບໍລິສັດ ທີແຊັດໄອຊີດີ ລາວ-ຈີນ ຈຳກັດ, ເພື່ອສ້າງຕັ້ງບໍລິສັດລາວສາກົນ ICD ຈຳກັດ ເພື່ອເຮັດໃຫ້ບໍລິການຂົນສົ່ງ ແລະ ຄ່ຽນຖ່ານສິນຄ້ານຳເຂົ້າ-ສົ່ງອອກພາຍໃນເຂດ, ລະຫວ່າງປະເທດ ແລະ ຜ່ານແດນ, ບໍລິການຫຸ້ມຫໍ່, ບັນຈຸແກັດກ່ອງ, ຈັດສົ່ງສິນຄ້າ, ບໍລິການແຈ້ງ, ຈັດພິມເອກະສານອາຊິກູດາ, ຊຳລະຄ່າພາສີອາກອນຕ່າງໆດ່ານພາສີສາກົນບໍ່ເຕັນ ແຂວງຫລວງນ້ຳທາ.
ຕາງໜ້າ ລລບສ ໂດຍແມ່ນທ່ານ ຄຳແພງ ສີສະຫງ່າ ຜູ້ອຳນວຍການລັດວິສາຫະກິດ ລາວບໍລິການສິນຄ້າຜ່ານແດນ ກັບທ່ານ ນາງ ທູນສະຫວັນ ສີຈັນທອງທິບ ຜູ້ອຳນວຍການບໍລິສັດທີແຊັດ ໄອຊີທີ ລາວ-ຈີນ ຈຳກັດ ໂດຍການເຂົ້າຮ່ວມເປັນສັກຂີພິຍານຂອງທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ມີຫົວໜ້າຫ້ອງການ, ຫົວໜ້າກົມ, ຮອງກົມ ແລະ ແຂກທີ່ຖືກເຊີນເຂົ້າຮ່ວມ.
ທ່ານ ຄຳແພງ ສີສະຫງ່າ ຜູ້ອຳນວຍການລັດວິສາຫະກິດ ລາວບໍລິການສິນຄ້າຜ່ານແດນ ໄດ້ລາຍງານຄວາມເປັນມາ ແລະ ການກະກຽມສະເໜີການສ້າງຕັ້ງບໍລິສັດ ລາວສາກົນ ICD ຈຳກັດ (Lao International ICD Co.Ltd) ວ່າ: ໂດຍປະຕິບັດຕາມທິດຊີ້ນຳຂອງລັດຖະບານ ແລະ ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 591/ຫສນຍ.ກລຂ ລົງວັນທີ 12 ເມສາ 2017, ກະຊວງການເງິນ ໄດ້ອອກຂໍ້ຕົກລົງ ສະບັບເລກທີ 2721/ກງ ລົງວັນທີ 14 ສິງຫາ 2017 ແລະ ຂໍ້ຕົກລົງຂອງເຈົ້າແຂວງ ສະບັບເລກທີ 506/ຈຂ ລົງວັນທີ 24 ສິງຫາ 2017 ວ່າດ້ວຍການແຕ່ງຕັ້ງຄະນະວິຊາການ ເພື່ອປະສານເຮັດວຽກຮ່ວມກັນກັບບໍລິສັດຄູ່ຮ່ວມພັດທະນາ, ພ້ອມທັງດຳເນີນການຕາມຂັ້ນຕອນ, ລະບຽບການ ແລະ ກົດໝາຍທີ່ກ່ຽວຂ້ອງໃນການເໜີສ້າງຕັ້ງບໍລິສັດໃນຮູບແບບຮ່ວມທຶນລະຫວ່າງພາກລັດ ແລະ ພາກບໍລິສັດເອກະຊົນຢູ່ທີ່ເຂດດ່ານພາສີສາກົນບໍ່ເຕັນຢູ່ຕິດກັບເຂດເສດຖະກິດພິເສດບໍ່ເຕ່ນແດນງານ ແຂວງຫລວງນ້ຳທາ.
ທ່ານ ຄຳແພງ ສີສະຫງ່າ ກ່າວຕື່ມວ່າ: ລັດວິສາຫະກິດລາວບໍລິການສິນຄ້າຜ່ານແດນ ຮ່ວມທຶນກັບບໍລິສັດ ທີແຊັດໄອຊີດີລາວ-ຈີນ ຈຳກັດ ສ້າງຕັ້ງບໍລິສັດ ລາວສາກົນ ICD ຈຳກັດ (Lao International ICD Co.Ltd) ຢູ່ທີ່ເຂດດ່ານພາສີສາກົນບໍ່ເຕັນ ໂດຍນຳໃຊ້ເນື້ອທີ່ດິນແບ່ງອອກຈາກເຂດພັດທະນາເສດຖະກິດສະເພາະບໍ່ເຕ່ນແດນງາມ ໃນເນື້ອທີ່ລວມປະມານ 22,3 ເຮັກຕາ, ມີກຳນົດອາຍຸຂອງສັນຍາເປັນເວລາ 28 ປີ (2018-2045) ແລະ ສາມາດຕໍ່ສັນຍາໄດ້ບົນພື້ນຖານການເຫັນດີທັງສອງຝ່າຍ, ມີທຶນຈົດທະບຽນເບື້ອງຕົ້ນທັງໝົດ 14,5 ລ້ານໂດລາສະຫະລັດ ຫລືປະມານ 120 ຕື້ກວ່າກີບ, ກຳນົດສັດສ່ວນການຖືຮຸ້ນຄື: ບໍລິສັດ ທີແຊັດໄອຊີດີ ລາວ-ຈີນ ຈຳກັດ ຖືຮຸ້ນລົງທຶນ 90%, ຖືຮຸ້ນເປັນກຳໄລ 80% ແລະ ລັດວິສາຫະກິດລາວບໍລິການສິນຄ້າຜ່ານແດນ ຖືຮຸ້ນ 20% ໃນນັ້ນຮຸ້ນບໍ່ໄດ້ລົງທຶນ (ຮຸ້ນລ້າ) 10% ເພື່ອດໍາເນີນທຸລະກິດ: ການບໍລິການຮັບຝາກສິນຄ້າທຸກຊະນິດ ລວມທັງສິນຄ້າແຊ່ແຂງ ແລະ ສິນຄ້າອັນຕະລາຍດ້ວຍລະບົບສາງມາດຕະຖານ ເຊັ່ນ: ສາງກາງແຈ້ງ, ສາງໃນຮົ່ມ, ສາງປິດ, ບໍລິການຍົກຍໍຄ່ຽນຖ່າຍສິນຄ້ານຳເຂົ້າ-ສົ່ງອອກພາຍໃນເຂດ, ລະຫວ່າງປະເທດ ແລະ ຜ່ານແດນ, ບໍລິການຫຸ້ມຫໍ່, ບັນຈຸແກັດກ່ອງ, ຈັດສົ່ງສິນຄ້າ, ບໍລິການແຈ້ງ, ຈັດພິມເອກະສານອາຊິກູດາ, ຊຳລະຄ່າພາສີອາກອນຕ່າງໆ…ກວດສອບຄຸນນະພາບສິນຄ້າເຊັ່ນ: ພືດ, ສັດທີ່ມີຊີວິດ, ອາຫານ, ຢາ, ວັດສະດຸກໍ່ສ້າງ, ວັດຖຸມີພິດ, ສານເຄມີ, ວັດຖຸອັນຕະລາຍ, ບໍລິການຂົນສົ່ງສິນຄ້າລະຫວ່າງປະເທດ ແລະ ຜ່ານແດນດ້ວຍຕູ້ຄອນເທັນເນີ, ບໍລິການສ້ອມແປງ ແລະ ທຳຄວາມສະອາດຕູ້ຄອນເທັນເນີພາຍໃນ, ຕູ້ຂອງສາຍເຮຶອ ແລະ ບໍລິການອື່ນໆທີ່ຕິດພັນກັບວຽກງານການຂົນສົ່ງ (ໂລຈິສ໌ຕິກ)
ທ່ານ ຜູ້ອຳນວຍການລັດວິສາຫະກິດ ລາວບໍລິການສິນຄ້າຜ່ານແດນ ຍັງໄດ້ເປີດເຜີຍຍຸດທະສາດ ແລະ ວິໄສທັດຂອງບໍລິສັດ ສ້າງບໍລິສັດໃຫ້ກາຍເປັນອົງກອນຕົວແບບໃນດ້ານໂລຈິສ໌ຕິ, ສ້າງໃຫ້ເປັນອົງກອນມີຄຸນນະທຳ, ຈັນຍາບັນ ແລະ ສ້າງຄວາມເພິ່ງພໍໃຈຂອງລູກຄ້າໃຫ້ກາຍເປັນວັດທະນະທຳຂອງອົງກອນ, ສ້າງໃຫ້ເປັນຈຸດລວມສູນລະບົບສາງໃຫ້ການບໍລິການໃນການກະຈ່າຍສິນຄ້າ, ດຳເນີນທຸລະກິດໄດ້ມາດຕະຖານສາກົນ, ບໍລິການວ່ອງໄວປອດໄພທັນສະໄໝ ແລະ ໄດ້ມາດຕະຖານສາກົນ, ຄຽງຄູ່ກັບການນຳໃຊ້ເທັກໂນໂລຊີການໃຫ້ບໍລິການດ້ານໂລຈິສ໌ຕິກແບບຄົບວົງຈອນ ແລະ ເປັນທີ່ຍອມຮັບຂອງສັງຄົມ ແລະ ສາກົນ.

ວັນທີອອກຂ່າວ: 
10/11/2017
ວັນທີ່ເກີດຂ່າວ: 
06/11/2017
ຈັນ, 6 ພະຈິກ, 2017 - ສຸກ, 6 ພະຈິກ, 2020
ເອກະສານຂະໜາດ
a672.jpg556.45 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,318 8,322
THB 251.03 252.92
EUR 9,665 9,714
JPY 71.77 73.21
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 14/11/2017

Counter

  • ຜູ້ເຂົ້າຊົມທັງໝົດ = 24,405,518
  • ເລີ້ມຕັ້ງແຕ່ = 20/03/2009

ປະຕິທິນ

 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30