an image an image

ລລບສ ປາຖະກະຖາມູນເຊື້ອວັນກຳມະກອນສາກົນ ຄົບຮອບ 131 ປີ

pulpit rockpulpit rock

ເນື່ອງໃນໂອກາດສະເຫຼີມສະຫຼອງວັນກຳມະກອນສາກົນ ຄົບຮອບ 131 ປີ (1/5/1886-1/5/2017) ທີ່ໝູນວຽນມາບັນຈົບຄົບຮອບອີກວາລະໜື່ງ. ໃນວັນທີ 28 ເມສາ 2017 ຜ່ານມານີ້ ທີ່ຫ້ອງປະຊຸມ ລັດວິສາຫະກິດລາວບໍລິການສິນຄ້າຜ່ານແດນ (ລລບສ) ໄດ້ຮັບຟັງການເລົ່າມູນເຊື້ອວັນກໍາມະກອນໂດຍທ່ານ ສົມບູນ ອິນທະປັດຖາ ປະທານກໍາມະບານ ຫົວໜ້າຫ້ອງການກະຊວງການເງິນ, ຊື່ງມີ ສະມາຊິກພັກ, ຄະນະໜ່ວຍພັກ ລລບສ ພ້ອມດ້ວຍພະນັກງານ-ກໍາມະກອນ ເຂົ້າຮ່ວມຢ່າງພ້ອມພຽງ.
ທ່ານ ສົມບູນ ອິນທະປັດຖາ ໄດ້ໃຫ້ຮູ້ວ່າ: ວັນກຳມະກອນສາກົນ ຖືເປັນໝາກຜົນແຫ່ງຄວາມສຳເລັດໃນການຕໍ່ສູ້ກັບພວກນາຍທຶນຂອງຊາວຜູ້ອອກແຮງງານ ກໍ່ຄືກຳມະກອນໃນທົ່ວໂລກ ຈາກສະພາບແວດລ້ອມທີ່ເກີດຂຶ້ນໃນທ້າຍສະຕະວັດທີ 18 ຫາຕົ້ນສະຕະວັດທີ 19 ຫຼາຍປະເທດໃນທະວີບເອີຣົບ ແລະ ອາເມຣິກາ, ເປັນໄຊຊະນະໃນການຕໍ່ສູ້ຂອງຊົນຊັ້ນກຳມະກອນ ທີ່ມີບາດກ້າວຂະຫຍາຍຕົວອອກຈາກແອກປົກຄອງພວກນາຍທຶນ ທີ່ຂູດຮີດແຮງງານ ບັງຄັບຂົ່ມເຫັງໃຫ້ກຳມະກອນອອກແຮງງານບໍ່ມີເວລາພັກຜ່ອນ ມື້ໜຶ່ງເຮັດວຽກ 14-15 ຊົ່ວໂມງ ແຕ່ໄດ້ຄ່າແຮງງານຕ່ຳ ມາເຖິງເດືອນພະຈິກ 1884 ຢູ່ເມືອງຫຼວງຊີກາໂກ ເປັນຈຸດໃຈກາງອຸດສາຫະກຳຂອງປະເທດອາເມຣິກາ, ຂະບວນກຳມະກອນໄດ້ມີການຕໍ່ສູ້ກັບພວກນາຍທຶນຢ່າງຮຸນແຮງ ເພື່ອທວງໃຫ້ເພີ່ມເງິນເດືອນ ຫຼຸດຜ່ອນຊົ່ວໂມງເຮັດວຽກ ແລະ ເຫດການວັນທີ 1 ພຶດສະພາ 1886 ເປັນເທື່ອທຳອິດ ອີງໃສ່ເນື້ອໃນຖະແຫຼງການຮຽກຮ້ອງໃຫ້ນາຍທຶນ ຕ້ອງປະຕິບັດຕາມການສະເໜີຂອງກຳມະກອນ ບໍ່ໃຫ້ກຳມະກອນຜູ້ໃດເຮັດວຽກເກີນ 8 ຊົ່ວໂມງຕໍ່ມື້ 8 ຊົ່ວໂມງ ພັກຜ່ອນ ແລະ 8 ຊົ່ວໂມງຮ່ຳຮຽນ. ຈາກເຫດການ 1 ພຶດສະພາ 1886 ມັນໄດ້ເປັນກະແສຟອງອັນໃຫຍ່ຫຼວງ ແລະ ແຂງແຮງເຖິງຂະບວນກຳມະກອນໃນເອີຣົບ ແລະ ທະວີບອາເມຣິກາ ກາຍເປັນບາດກ້າວຂະຫຍາຍຕົວແຫ່ງໄຊຊະນະ ຈາກເຫດການສຳຄັນດັ່ງກ່າວນັ້ນ ມາເຖິງວັນທີ 14 ກໍລະກົດ 1889 ກອງປະຊຸມພັກກອມມູນິດສາກົນ ຄັ້ງທີ II ໄດ້ໄຂຂຶ້ນຢູ່ປາຣີ (ປະເທດຝຣັ່ງ) ມີຜູ້ແທນເຂົ້າຮ່ວມ 393 ຄົນ ຈາກ 22 ປະເທດ ໄດ້ກໍານົດເອົາວັນທີ 1 ພຶດສະພາຂອງທຸກໆປີເປັນວັນກຳມະກອນສາກົນ ແລະ ໄດ້ຮຽກຮ້ອງມາຍັງການ ຈັດຕັ້ງພັກ-ລັດ, ການຈັດຕັ້ງກຳມະບານແຕ່ລະຂັ້ນ, ຫົວໜ້າໜ່ວຍແຮງງານ ແລະ ສັງຄົມ ຈົ່ງເພີ່ມທະວີຄວາມຮັບຜິດຊອບຂອງຕົນ ຕໍ່ກັບການສຶກສາອົບຮົມ, ຊ່ວຍເຫລືອກໍ່ສ້າງ ແລະ ພັດທະນາຊົນຊັ້ນກຳມະກອນລາວ ໃຫ້ເຕີບໃຫຍ່ເຂັ້ມແຂງ ທາງດ້ານປະລິມານ ແລະ ຄຸນນະພາບ ສົມຄູ່ກັບຄວາມຮຽກຮ້ອງຕ້ອງການ ໃນການເຊື່ອມໂຍງເຂົ້າກັບສາກົນ ໃນໄລຍະໃໝ່, ພວກເຮົາຈຶ່ງພ້ອມກັນ ເຫັນຄຸນຄ່າຂອງແຮງງານກຳມະກອນ ແລະ ປົກປ້ອງສິດຜົນປະໂຫຍດ ອັນຊອບທຳຂອງເຂົາເຈົ້າ; ຮຽກຮ້ອງມາຍັງກຳມະກອນ ແລະ ຜູ້ອອກແຮງງານລາວ ຈົ່ງສາມັກຄີປຸ້ມລຸ້ມກັນ, ສືບຕໍ່ຝຶກຝົນຫຼໍ່ຫຼອມຕົນເອງ ໃຫ້ກາຍເປັນກຳລັງແຮງງານ ທີ່ມີລະບຽບວິໃນ ໃນການອອກແຮງງານ, ເສີມຂະຫຍາຍຄຸນລັກສະນະອັນດີເລີດ, ທາດແທ້, ມູນເຊື້ອອັນດີງາມຂອງຊົນຊັ້ນກຳມະກອນລາວ ແລະ ກາຍເປັນກຳລັງຫຼັກແຫຼ່ງ ໃນຂະບວນການສ້າງສາພັດທະນາເສດຖະກິດ-ສັງຄົມ ຂອງປະເທດຊາດ ໃຫ້ມີຄວາມຈະເລີນກ້າວໜ້າຂຶ້ນເລື້ອຍໆ.
ພາບ-ຂ່າວ: ຫັດທະພອນ

ວັນທີອອກຂ່າວ: 
05/05/2017
ວັນທີ່ເກີດຂ່າວ: 
28/04/2017
ສຸກ, 5 ພຶດສະພາ, 2017 - ອັງຄານ, 5 ພຶດສະພາ, 2020
ເອກະສານຂະໜາດ
a352.jpg395.61 KB
a351.jpg417.48 KB
a353.jpg411.59 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 22,735,064
  • ເລີ້ມຕັ້ງແຕ່ = 20/03/2009

ປະຕິທິນ

 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31