an image an image

ພະແນກການເງິນແຂວງຈຳປາສັກປະຕິບັດລາຍຮັບໄດ້ 1 ພັນຕື້ກວ່າກີບ

pulpit rockpulpit rock

ການຈັດຕັ້ງປະຕິບັດແຜນງົບປະມານແຫ່ງລັດປີ 2017 ຂອງພະແນກການເງິນແຂວງຈໍາປາສັກ 10 ເດືອນກັບ 17 ວັນ, ສາມາດປະຕິບັດໄດ້ທັງໝົດ 1.072,09 ຕື້ກີບ. ໃນນັ້ນ, ລາຍຮັບປົກກະຕິປະຕິບັດໄດ້ 1.067,74 ຕື້ກີບ,
ທຽບໃສ່ແຜນການປີດັດແກ້ ເທົ່າກັບ 76,97% ແລະ ມີລາຍຮັບຈາກການຂາຍໄມ້ 4,36 ຕື້ກີບ.
ທ່ານ ສາລີ ຄຳຜອງ ຫົວໜ້າພະແນກການເງິນແຂວງຈຳປາສັກ ລາຍງານຕໍ່ທ່ານ ສົມດີ ດວງດີ ຮອງນາຍົກ ລັດຖະມົນຕີ ລັດຖະມົນຕີກະຊວງການເງິນ ໃນໂອກາດມາຮ່ວມກອງປະຊຸມໂຕະມົນປະຈໍາປີ 2017 ແລະ ຊຸກຍູ້ເກັບລາຍຮັບເຂົ້າງົບປະມານຢູ່ແຂວງຈຳປາສັກ ໃນລະຫວ່າງວັນທີ 21-23 ພະຈິກ 2017 ໂດຍການເຂົ້າຮ່ວມຮັບຟັງມີທ່ານ ບົວສອນ ວົງສອງຄອນ ຮອງເຈົ້າແຂວງໆຈໍາປາສັກ, ມີການນໍາຂັ້ນພະແນກ, ພະນັກງານວິຊາການພະ ແນກການເງິນແຂວງ, ພະແນກສ່ວຍສາອາກອນແຂວງ, ກອງກວດກາພາສີ, ຄັງເງິນແຫ່ງຊາດປະຈໍາແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ, ເຊິ່ງທ່ານໄດ້ລາຍງານສະພາບລວມການຈັດຕັ້ງປະຕິບັດການຈັດເກັບລາຍຮັບທົ່ວແຂວງ ແລະ ອີງຕາມແຜນຕົວເລກມອບໝາຍໃຫ້ແຂວງຈໍາປາສັກເກັບລາຍຮັບໝົດປີ 2017 ຈຳນວນ 1.373 ຕື້ກີບ, ຜ່ານການຈັດຕັ້ງປະຕິບັດ 10 ເດືອນກັບ 17 ວັນ (ນັບແຕ່ເດືອນມັງກອນຫາວັນທີ 17 ພະຈິກ 2017)ສາມາດປະຕິບັດໄດ້ທັງໝົດ 1.072,09 ຕື້ກີບ. ໃນນັ້ນ, ລາຍຮັບປົກກະຕິປະຕິບັດໄດ້ 1.067,74 ຕື້ກີບ, ທຽບໃສ່ແຜນການປີເບື້ອງຕົ້ນ 1.376,13 ຕື້ກີບ ເທົ່າກັບ 77,59 ຕື້ກີບ, ທຽບໃສ່ແຜນການປີດັດແກ້ 1.387,22 ຕື້ກີບ ເທົ່າກັບ 76,97% ທຽບໃສ່ໄລຍະດຽວກັນຂອງປີຜ່ານມາຫລຸດລົງ 0,55% ແລະ ມີລາຍຮັບຈາກການຂາຍໄມ້ 4,36 ຕື້ກີບ.
ໃນນັ້ນ, ລາຍຮັບພູດສູນກາງປະຕິບັດໄດ້ 511,16 ຕື້ກີບ, ທຽບໃສ່ແຜນການປີ 636,87 ຕື້ກີບ ເທົ່າກັບ 79,58%, ລາຍຮັບພູດທ້ອງຖິ່ນປະຕິບັດໄດ້ 560,93 ຕື້ກີບ, ທຽບໃສ່ແຜນການປີເບື້ອງຕົ້ນ (739,26 ຕື້ກີບ) ເທົ່າກັບ 75,88%, ທຽບໃສ່ແຜນດັດແກ້ (750,34 ຕື້ກີບ) ເທົ່າກັບ 74,76% ແຕ່ຖ້າທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 0,27%. ສ່ວນລາຍຈ່າຍທົ່ວແຂວງໝົດປີ 2015 ໄດ້ກຳນົດໃຫ້ແຂວງຈໍາປາສັກປະຕິບັດລາຍຈ່າຍບໍ່ເກີນ 767 ຕື້ກີບມາຮອດປັດຈຸບັນສາມາດປະຕິບັດໄດ້ 538,37 ຕື້ກີບ, ທຽບໃສ່ແຜນການປີເບື້ອງຕົ້ນ (767,31 ຕື້ກີບ) ເທົ່າກັບ 76.03%, ທຽບໃສ່ແຜນດັດແກ້ (77,08 ຕື້ກີບ) ເທົ່າກັບ 75,75%.
ໂອກາດນີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ໃຫ້ກຽດໂອ້ລົມ ເຊິ່ງກ່ອນອື່ນທ່ານ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ອໍານາດການປົກຄອງແຂວງຈໍາປາສັກ ແລະ ຂະແໜງການກ່ຽວຂ້ອງເອົາໃຈໃສ່ຈັດຕັ້ງປະຕິບັດວຽກງານການຈັດເກັບລາຍຮັບເຂົ້າງົບປະມານໃນ 10 ເດືອນກັບ 17 ວັນ, ພ້ອມທັງໄດ້ໃຫ້ຄະນະພັກ, ອໍານາດການປົກຄອງແຂວງ, ການນໍາຂະແໜງການທີ່ກ່ຽວຂ້ອງຕ້ອງບຸກບືນສູ້ຊົນຜ່ານຜ່າຂໍ້ຫຍຸ້ງຍາກຕ່າງໆ ເພື່ອເອົາໃຈໃສ່ຊີ້ນໍາ-ນໍາພາອ້າຍນ້ອງພະນັກງານວິຊາການໃນຂະແໜງການເງິນໃຫ້ເອົາໃຈໃສ່ປະຕິ ບັດໜ້າທີ່ດ້ວຍຄວາມຮັບຜິດຊອບຕາມສິດໜ້າທີ່ ແລະພາລະບົດບາດຂອງຕົນທັງສຶກສາອົບຮົມໃຫ້ເຂົາຮັບຮູ້ເຂົ້າໃຈຄວາມຈໍາເປັນໃນດ້ານວຽກງານການຈັດເກັບລາຍຮັບເຂົ້າງົບປະມານ ແລະ ສ້າງພະນັກງານໃຫ້ບຸກທະລຸທາງດ້ານແນວຄິດ, ບໍ່ໃຫ້ມີຄວາມຫຍໍ້ທໍ້ງໍ້ງ່ຽງ, ຕ້ອງເອົາໃຈໃສ່ທຸ້ມເທສະຕິປັນຍາ ແລະ ຄວາມຮູ້ຄວາມສາມາດປະກອບ ສ່ວນເຂົ້າໃນການຈັດເກັບລາຍຮັບງົບປະມານໃຫ້ໄດ້ຕາມແຜນການທັງປະຕິບັດໃຫ້ຖືກຕ້ອງ, ສອດຄ່ອງກັບຂໍ້ກໍານົດລະບຽບກົດໝາຍຕ່າງໆທີ່ລັດຖະບານວາງອອກ ແລະ ເອົາໃຈໃສ່ການເກັບກໍາຂໍ້ມູນຖານລາຍຮັບໃຫ້ໄດ້ຢ່າງລະອຽດຈະແຈ້ງ ເພື່ອເປັນບ່ອນອີງໃນການກະກຽມສ້າງແຜນຈັດເກັບລາຍຮັບງົບປະມານໃນປີ 2018 ໃຫ້ໄດ້ເລີ່ມຕົ້ນຈັດຕັ້ງປະຕິບັດແຕ່ຫົວທີ ແລະ ມີຜົນສໍາເລັດຕາມຄາດໝາຍທີ່ວາງໄວ້.
ຂ່າວ-ພາບ: ບຸນທຽມ

ວັນທີອອກຂ່າວ: 
08/12/2017
ວັນທີ່ເກີດຂ່າວ: 
08/12/2017
ສຸກ, 8 ທັນວາ, 2017 - ອັງຄານ, 8 ທັນວາ, 2020
ເອກະສານຂະໜາດ
a715.jpg636.71 KB
a716.jpg22.37 KB
a717.jpg929.85 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,304 8,308
THB 259.29 261.24
EUR 10,142 10,193
JPY 73.43 74.90
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 23/01/2018

Counter

  • ຜູ້ເຂົ້າຊົມທັງໝົດ = 25,225,172
  • ເລີ້ມຕັ້ງແຕ່ = 20/03/2009

ປະຕິທິນ

1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31