an image an image

ພະນັກງານຄັງເງິນແຫ່ງຊາດ ສໍາເລັດການຝຶກອົບຮົມ

pulpit rock
ພະນັກງານຄັງເງິນແຫ່ງຊາດ ຈໍານວນ 16 ທ່ານ, ໄດ້ສໍາເລັດການຝຶກອົບຮົມ ໃນວັນທີ 6 ກໍລະກົດ 2017, ພາຍຫລັງໄດ້ດໍາເນີນການຝຶກອົບຮົມມາແຕ່ວັນທີ 5-6 ກໍລະກົດນີ້ ໃນຫົວຂໍ້ ການຄຸ້ມຄອງລາຍຮັບ ແລະ ການບັນທຶກບັນຊີລາຍຮັບງົບປະມານ, ຂັ້ນຕອນ ແລະ ການກວດກາເອກະສານລາຍຈ່າຍງົບປະມານ ແລະ ວຽກງານບັນຊີ ທີ່ຫ້ອງປະຊຸມຄັງເງິນແຫ່ງຊາດ ກະຊວງການເງິນ ໂດຍການເຂົ້າຮ່ວມ ແລະ ມອບໃບຢັ້ງຢືນຂອງ ທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ, ມີນັກສໍາມະນາກອນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ໜູເຊີຍ ພົມສີຈັນ ຫົວໜ້າພະແນກບັນຊີສັງລວມ ຄັງເງິນແຫ່ງຊາດ ໄດ້ລາຍງານຜົນການຝຶກອົບຮົມວ່າ: ການຈັດຝຶກອົບຮົມໃຫ້ພະນັກງານຄັງເງິນແຫ່ງຊາດປະຈໍາສູນກາງ, ຄັງເງິນນະຄອນຫລວງວຽງຈັນ ແລະ ຄັງເງິນເມືອງ 4 ເມືອງ ໃນນະຄອນຫລວງວຽງຈັນ ງວດທີ 1 ນີ້ ເພື່ອເປັນເຈົ້າການໃນການຈັດຕັ້ງປະຕິບັດວຽກງານການບັນຊີ ຂອງຄັງເງິນແຫ່ງຊາດ ທີ່ຕົນຮັບຜິດຊອບໃຫ້ຖືກຕ້ອງ ສອດຄ່ອງກັບລະບຽບກົດໝາຍກໍານົດ ນໍາໃຊ້ເປັນເຄື່ອງມືການຄຸ້ມຄອງການຈັດເກັບລາຍຮັບເຂົ້າງົບປະມານ ແລະ ການປະຕິບັດລາຍຈ່າຍງົບປະມານຢ່າງມີປະສິດທິຜົນ, ທັງສືບຕໍ່ເຜີຍແຜ່, ແນະນໍາ ແລະ ຈັດຕັ້ງປະຕິບັດ ໃນຂອບເຂດທີ່ຕົນຮັບຜິດຊອບ ໂດຍເລັ່ງໃສ່ຈັດວາງລະບົບບັນຊີໃຫ້ເປັນເອກະພາບ, ຮັບປະກັນການບັນທຶກຕິດຕາມ ແລະ ການສະຫລຸບລາຍງານ ແຕ່ລະຂັ້ນໂດຍສະເພາະຂັ້ນເມືອງຫາຂັ້ນະຄອນຫລວງ ແລະ ນະຄອນຫລວງສັງລວມສົ່ງໃຫ້ສູນກາງໃຫ້ມີຄວາມຖືກຕ້ອງ ຄົບຖ້ວນ ແລະ ທັນກໍານົດເວລາ. ບັນດາທ່ານ ທີ່ໄດ້ເຂົ້າຮ່ວມຮັບການຝຶກອົບຮົມຕ້ອງໄດ້ເປັນເຈົ້າການໃນການກະກຽມຄວາມພ້ອມໃນການສືບຕໍ່ຜັນຂະຫຍາຍ, ລົງຊ່ວຍແນະນໍາ, ຕິດຕາມ ແລະ ຈັດວາງການຈັດຕັ້ງປະຕິບັດວຽກງານວິຊາສະເພາະຂອງຄັງເງິນ ໃນຂອບເຂດທົ່ວປະເທດໃຫ້ຮັບຮູ້ ແລະ ເຂົ້າໃຈເປັນເອກະພາບກັນໃນການຈັດຕັ້ງປະຕິບັດວຽກງານດັ່ງກ່າວ ໃຫ້ສໍາເລັດຕາມຄວາມຮັບຜິດຊອບຕໍ່ໜ້າທີ່ຂອງຕົນ.
ການຝຶກອົບຮົມໃນຄັ້ງນີ້ໄດ້ດໍາເນີນມາເປັນເວລາ 2 ວັນ ໂດຍມີຜູ້ເຂົ້າຮ່ວມຝຶກອົບຮົມຕົວຈິງ ທັງໝົດ 16 ທ່ານ, ຍິງ 8 ທ່ານ, ມາຈາກຄັງເງິນແຫ່ງຊາດ 6 ທ່ານ, ຄັງເງິນນະຄອນຫລວງວຽງຈັນ 2 ທ່ານ ແລະ ຄັງເງິນເມືອງ 8 ທ່ານ ເຊິ່ງທັງ 16 ທ່ານ ທີ່ມາຝຶກໃນຄັ້ງນີ້ ແມ່ນຝຶກເປັນຄູຝຶກ ເພື່ອຈະໄດ້ນໍາໄປເຜີຍແຜ່, ແນະນໍາ ໃນຂອບເຂດທີ່ຕົນຮັບຜິດຊອບ.
ໂອກາດນີ້, ທ່ານ ນາງ ວັນພອນ ພົມມະສອນ ໄດ້ສະແດງຄວາມຊົມເຊີຍຕໍ່ຜົນສໍາເລັດດັ່ງກ່າວ ຍ້ອນຄວາມບຸກບືນ, ເອົາໃຈໃສ່ຂອງວິທະຍາກອນ ແລະ ນັກສໍາມະນາກອນ ທີ່ສຸມຈິດໃຈໃສ່ໃນການຝຶກອົບຮົມຈົນສໍາເລັດ ແລະ ຫວັງວ່າຈະນໍາເອົາຄວາມຮູ້ຈາກການຝຶກອົບຮົມໃນຄັ້ງນີ້ ນໍາໄປຈັດຕັ້ງຜັນຂະຫຍາຍໃນວຽກງານ ແລະ ນໍາໄປຝຶກຕໍ່ໃຫ້ແກ່ພະນັກງານໃນຄວາມຮັບຜິດຊອບຂອງຕົນ ເພື່ອເຮັດແນວໃດໃຫ້ວຽກງານດ້ານບັນຊີ ນັບມື້ນັບດີຂຶ້ນເລື້ອຍໆ
ພາບ/ຂ່າວ: ສຸວັນໄຊ, ອາພັດສະລາ

ວັນທີອອກຂ່າວ: 
14/07/2017
ວັນທີ່ເກີດຂ່າວ: 
06/07/2017
ພະຫັດ, 6 ກໍລະກົດ, 2017
ເອກະສານຂະໜາດ
a423.jpg764.73 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,318 8,322
THB 251.03 252.92
EUR 9,665 9,714
JPY 71.77 73.21
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 14/11/2017

Counter

  • ຜູ້ເຂົ້າຊົມທັງໝົດ = 24,405,710
  • ເລີ້ມຕັ້ງແຕ່ = 20/03/2009

ປະຕິທິນ

 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30