an image an image

ປີ 2016 ຫວຍພັດທະນາມອບພັນທະງົບປະມານ 84 ຕື້ກວ່າກີບ

pulpit rock
ບໍລິສັດລັດວິສາຫະກິດຫວຍພັດທະນາແມ່ນຫົວໜ່ວຍທຸລະກິດໜຶ່ງທີ່ໄດ້ຮັບການເອົາໃຈໃສ່ຢ່າງໃກ້ຊິດ ຈາກຂັ້ນເທິງກໍຄືກະຊວງການເງິນ, ສຳລັບຢູ່ທ້ອງຖິ່ນແມ່ນພະແນກ ການເງິນແຂວງຫລືຫ້ອງການ ການເງິນເມືອງ ໄດ້ເອົາໃຈໃສ່ຄຸ້ມຄອງການເຄື່ອນໄຫວແລະບັນດາຕົວແທນຈຳໜ່າຍດຳເນີນທຸລະກິດ ຢ່າງຖືກຕ້ອງຕາມລະບຽບ ຫລັກການ ເຮັດໃຫ້ການເຄື່ອນໄຫວທຸລະກິດ ຫວຍພັດທະນາມີການເຕີບໃຫຍ່ຂະຫຍາຍຕົວຂຶ້ນເລື້ອຍໆ ສົ່ງຜົນໃຫ້ ບໍລິສັດສາມາດສ້າງລາຍຮັບເຂົ້າງົບປະມານປີໜຶ່ງໄດ້ຫລາຍສິບຕື້ກີບ ປະກອບສ່ວນເຂົ້າໃນການພັດທະນາເສດຖະ ກິດ-ສັງຄົມຂອງຊາດໄດ້ຫລາຍສົມຄວນ. ໂດຍສະເພາະ ໃນປີ 2016 ຜ່ານມາບໍລິສັດລັດວິສາຫະກິດຫວຍພັດທະນາ ໄດ້ສຳເລັດ ແຜນການຫລາຍດ້ານເຊັ່ນ: ວຽກງານປັບປຸງກຳນົດມື້ອອກເລກລາງວັນຈາກ 3 ຄັ້ງ/ອາທິດ ມາເປັນ 2 ຄັ້ງ/ ອາທິດ ໂດຍກຳນົດເອົາວັນຈັນ ແລະວັນພະຫັດ ເປັນມື້ອອກເລກລາງວັນ ໃນເວລາ 20:00 ໂມງ (ກໍລະນີມື້ ອອກເລກລາງວັນຫາກກົງກັບມື້ພັກລັດຖະການ ແມ່ນຈະເລື່ອນໄປໃສ່ມື້ໃໝ່ຕາມຄວາມເໝາະສົມ); ວຽກງານ ຫັນການຈຳໜ່າຍເລກ 3 ໂຕ 2 ໂຕ ແບບຈົດຂາຍມາເປັນແບບທັນສະໄໝສຳເລັດໃນຂອບເຂດທົ່ວປະເທດ; ວຽກງານການໂຄສະນາເພື່ອແກ້ໄຂບັນຫາຄວາມສົນໃຈ ແລະສ້າງຄວາມເຊື່ອໝັ້ນຂອງສັງຄົມ ທັງເປັນການຢັ້ງ ຢືນເຖິງຄວາມບໍລິສຸດ ແລະໂປ່ງໃສໃນການອອກເລກລາງວັນ, ນອກນີ້ ບໍລິສັດລັດວິສາຫະກິດຫວຍພັດທະນາໄດ້ສົມທົບກັບໂທລະພາບແຫ່ງຊາດລາວ ຈັດຕັ້ງການຖ່າຍທອດສົດການອອກເລກລາງວັນທາງໂທລະພາບ ທຸກໆຄັ້ງໃຫ້ມວນຊົນໄດ້ເບິ່ງ ແລະຕິດຕາມພາບການອອກເລກລາງວັນຕົວຈິງ ຈຶ່ງເຮັດໃຫ້ສັງຄົມມີຄວາມເຊື່ອຖືຍີ່ງຂື້ນ, ພ້ອມທັງມີຜະລິດຕະພັນຫວຍອອກຈຳໜ່າຍ ປະກອບມີເລກ 4 ໂຕ ແບບອ່ອນລາຍ, ເລກ 3 ໂຕ 2 ໂຕ ແບບອ່ອນລາຍທີ່ຈຳໜ່າຍດ້ວຍເຄື່ອງເອເລັກໂຕຼນິກແບບທັນສະໄໝ, ຈຳໜ່າຍທາງໂທລະສັບມືຖືແບບ SMS, ຫວຍຕຳລາຝັນ 3/40, ມີຫວຍທວາຍຜົນເຕະບານ ແລະຫວຍຂູດ ຊຶ່ງແຕ່ລະຜະລິດຕະພັນຫວຍແມ່ນໄດ້ຮັບ ການຍອມຮັບຈາກສັງຄົມເປັນຢ່າງດີ. ຜົນງານທີ່ພົ້ນເດັ່ນໃນການເຄື່ອນໄຫວທຸລະກິດໃນປີ 2016 ສະແດງອອກ ທາງດ້ານການເງິນຄື: ລວມຍອດຕົວເລກລາຍຮັບປະຕິບັດໄດ້ 142,02 ຕື້ກວ່າກີບ ເທົ່າກັບ 130,05% ຂອງແຜນການແລະໄດ້ມອບພັນທະງົບປະມານໃຫ້ລັດຕາມລະບຽບການ ເທົ່າກັບ 84,23 ຕື້ກ່ວາກີບ ຫລືເທົ່າກັບ 131,46% ຂອງແຜນການ.
ຄຽງຄູ່ກັບການເອົາໃຈໃສ່ໃນການເຄື່ອນໄຫວທຸລະກິດແລ້ວ ບໍລິສັດລັດວິສາຫະກິດຫວຍພັດທະນາ ກໍຍັງ ໄດ້ປະກອບສ່ວນຊຸກຍູ້ຊ່ວຍເຫລືອສັງຄົມໂດຍຕະຫລອດ ລວມມູນຄ່າຫລາຍຮ້ອຍລ້ານກີບ.
ຈາກຜົນງານຄືດັ່ງກ່າວ ສະແດງໃຫ້ເຫັນເຖິງການດຳເນີນທຸລະກິດຫວຍພັດທະນາ ມີການເຕີບໃຫຍ່ຂະ ຫຍາຍຕົວຂຶ້ນເທື່ອລະກ້າວ ແລະຜົນງານທີ່ຍາດມາໄດ້ ແມ່ນຍ້ອນມີການຊີ້ນຳນຳພາຂອງຂັ້ນເທິງ ກໍຄືກະຊວງ ການເງິນກໍ່ຄືບັນດາທ່ານຄະນະກຳມະການສະພາບໍລິຫານ, ຄະນະກຳມະການຄຸ້ມຄອງການອອກເລກລາງວັນ ແລະພາກສ່ວນຕ່າງໆນັບທັງອຳນາດການປົກຄອງທຸກຂັ້ນໃຫ້ຄວາມອູ້ມຊູອຳນວຍຄວາມສະດວກໃຫ້ແກ່ການເຄື່ອນໄຫວ ທຸລະກິດຂອງບໍລິສັດລັດວິສາຫະກິດຫວຍພັດທະນາມາໂດຍຕະຫລອດ ແລະບັນດາຕົວແທນຈຳໜ່າຍຫວຍພັດທະນາໄດ້ປະຕິບັດຕາມລະບຽບຫລັກການຂອງການຈັດຕັ້ງວາງອອກ, ມີການປະສານງານຮ່ວມກັບກົມວິຊາສະເພາະທີ່ກ່ຽວຂ້ອງຂອງກະຊວງການເງິນ ແລະອົງການກວດສອບແຫ່ງລັດ ຢ່າງເປັນປົກກະຕິຕໍ່ເນ່ືອງບວກກັບຄະນະ ໜ່ວຍພັກຫວຍພັດທະນາ, ຄະນະອຳນວຍການ ແລະພະນັກງານ-ກຳມະກອນ, 3 ອົງການຈັດຕັ້ງມະຫາຊົນກໍ່ໄດ້ພ້ອມພຽງກັນຈັດຕັ້ງຜັນຂະຫຍາຍທິດທາງແຜນການທີ່ວາງອອກໃຫ້ສຳເລັດ.
ສຳລັບໃນປີ 2017 ບໍລິສັດລັດວິສາຫະກິດຫວຍພັດທະນາ ຈະສືບຕໍ່ສູ້ຊົນຈັດຕັ້ງປະຕິບັດແຜນການດຳເນີນທຸລະກິດໃຫ້ໄດ້ຕາມແຜນການ ແລະລື່ນແຜນການທີ່ສະພາບໍລິຫານໄດ້ວາງໄວ້.

ວັນທີອອກຂ່າວ: 
17/03/2017
ວັນທີ່ເກີດຂ່າວ: 
17/03/2017
ສຸກ, 17 ມີນາ, 2017
ເອກະສານຂະໜາດ
a243.jpg388.72 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,881,277
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30