an image an image

ປະທານປະເທດ ເນັ້້ນໃຫ້ຂະແໜງການການເງິນ-ແຜນການ ສ້າງຄວາມເຂັ້ມແຂງດ້ານເສດຖະກິດມະຫາພາກຕິດພັນກັບການແກ້ໄຂການຂາດດຸນງົບປະມານ

pulpit rock
ໃນໂອກາດເຂົ້າຮ່ວມໂອ້ລົມກອງປະຊຸມແນະນຳການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ປີ 2018 ທີ່ຫໍປະຊຸມແຫ່ງຊາດ , ໃນຕອນບ່າຍຂອງວັນທີ 27 ທັນວາ 2017 ທີ່ຜ່ານມາ, ທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໄດ້ເນັ້ນໃຫ້ຂະແໜງແຜນການ ແລະການລົງທຶນ, ສືບຕໍ່ປັບປຸງເສດຖະກິດມະຫາພາກມີຄວາມເຂັ້ມແຂງມີສະເຖຍລະພາບ ແລະ ຂະຫຍາຍຕົວຢ່າງຕໍ່ເນື່ອງ, ສ່ວນຂະແໜງການເງິນສືບຕໍ່ແກ້ໄຂຄວາມຫຍຸ້ງຍາກດ້ານງົບປະມານ, ຫັນເປັນທັນສະໄໝ ໂດຍການກ້າວສູ່ການປະຕິຮູບການຄຸ້ມຄອງການເງິນພາກລັດຢ່າງຕັ້ງໜ້າເຮັດໃຫ້ການເກັບລາຍຮັບບັນລຸຕາມແຜນການ ແລະ ແກ້ໄຂການຂາດດຸນງົບປະມານຢ່າງມີປະສິດທິຜົນ.
ໂອກາດນີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນກະຊວງການເງິນ ໄດ້ລາຍງານຜົນກອງປະຊຸມວ່າ: ໃນກອງປະຊຸມດັ່ງກ່າວ ເປັນການຕີລາຄາການຈັດຕັ້ງປະຕິບັດແຜນງົບປະມານແຫ່ງລັດປີ 2017 ປຶກສາຫາລືທິດທາງແຜນການປີ 2018, ຮັບຟັງເຜີຍແຜ່ຮ່າງຄຳແນະນຳກ່ຽວກັບການຈັດຕັ້ງປະຕິບັດວຽກງານສາມສ້າງຂອງຂະແໜງການເງິນ ຮ່າງຂໍ້ຕົກລົງວ່າດ້ວຍການເງິນບ້ານ ແລະ ບັນຫາສຳຄັນຈຳນວນໜຶ່ງ...ໃນກອງປະຊຸມຄັ້ງນີ້,ໄດ້ພ້ອມກັນຕີລາຄາການຈັດຕັ້ງປະຕິບັດວຽກງານໃນໄລຍະຜ່ານມາເຫັນວ່າມີຄວາມຫຍຸ້ງຍາກຫລາຍດ້ານ ແຕ່ພາຍໃຕ້ການຊີ້ນຳ-ນຳພາຢ່າງໃກ້ຊິດຂອງພັກ-ລັດ ແລະ ຄວາມເອົາໃຈໃສ່ຂອງຂະແໜງການຂັ້ນສູນກາງ ແລະ ທ້ອງຖິ່ນຈຶ່ງເຮັດໃຫ້ເສດຖະກິດຍັງຂະຫຍາຍຕົວຢ່າງຕໍ່ເນື່ອງ ແລະ ມີບາດກ້າວຫັນປ່ຽນຢ່າງຕັ້ງໜ້າ, ເສດຖະກິດມະຫາພາກມີຄວາມໜັ້ນທ່ຽງ ແລະ ສະເຖຍລະພາບຍອດຜະລິດຕະພັນພາຍໃນເຕີບໂຕປະມານ 6,8% ຕໍ່ປີສະເລ່ຍຕໍ່ຄົນຕໍ່ປີບັນລຸປະມານ 19,77 ລ້ານກີບ ອັດຕາເງິນເຟີ້ຢູ່ໃນລະດັບຕ່ຳ ແລະ ອັດຕາແລກປ່ຽນເໜັງຕີງໃນລະດັບທີ່ຄຸ້ມຄອງໄດ້ການລົງທຶນຕ່າງປະເທດສືບຕໍ່ເພີ່ມຂຶ້ນຢ່າງຕໍ່ເນື່ອງ.
ສ່ວນການຈັດເກັບລາຍຮັບເຂົ້າງົບປະມານແຫ່ງລັດປີ 2017 ນັບແຕ່ວັນທີ 1 ມັງກອນຫາວັນທີ 21 ທັນວາ 2017 ສາມາດປະຕິບັດໄດ້ 84,94% ຂອງແຜນການປີ. ໃນນີ້,ລາຍຮັບພາຍໃນ 87,71% ສ່ວນລາຍຈ່າຍປະຕິບັດໄດ້ 84,4% ແຕ່ຜ່ານການຄົ້ນຄວ້າຄວາມສາມາດການເກັບລາຍຮັບ ແລະ ປະຕິບັດລາຍຈ່າຍງົບປະມານປີ 2017 ຍັງທ້າທາຍສູງເນື່ອງຈາກລາຍຮັບງົບປະມານບໍ່ໃຫ້ຫລຸດ 95% ລາຍຈ່າຍ 95,2%.
ສ່ວນການຈັດເກັບລາຍຮັບເຂົ້າງົບປະມານໃນປີ 2018 ລັດຖະບານຈະສູ້ຊົນເກັບລາຍຮັບຕາມທີ່ສະພາແຫ່ງຊາດໄດ້ຮັບຮອງ 25.452 ຕື້ກີບ ຫລື ປະມານ 17,02% ຂອງ GDP ລາຍຮັບພາຍໃນ 22.700 ຕື້ກີບ ຫລື ປະມານ 15,18% ສ່ວນລາຍຈ່າຍບໍ່ໃຫ້ເກີນ 32.809 ຕື້ກີບ ຫລື ປະມານ 21,95% ແລະ ຄາດຄະເນຈະຂາດດຸນ 7.357 ຕື້ກີບ ຫລື ປະມານ 4,92%.
ໃນໂອກາດດັ່ງກ່າວ, ທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງສປປ ລາວ ໄດ້ໃຫ້ກຽດໂອ້ລົມ ຊຶ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ຂະແໜງການເງິນ ແລະ ແຜນການ ແລະ ການລົງທຶນຍາດມາໄດ້ໃນໄລຍະຜ່ານມາ. ພ້ອມທັງ, ໄດ້ເນັ້ນ 5 ບັນຫາໃຫຍ່ໃຫ້ 2 ຂະແໜງການເອົາໃຈໃສ່ດັ່ງນີ້:
1) ຕ້ອງກຳໃຫ້ໄດ້ສາເຫດແທ້ຈິງຂອງຄວາມຫຍຸ້ງຍາກຕ່າງໆທີ່ເກີດຂຶ້ນ, ສາເຫດພື້ນຖານແມ່ນຍ້ອນພວກເຮົາບໍ່ທັນສາມາດສ້າງຖານລາຍຮັບທີ່ເຂັ້ມແຂງ ແລະ ຍືນຍົງຈາກຜູ້ປະກອບການກໍ່ຄືຈາກສັງຄົມພາຍໃນປະເທດ, ລາຍຮັບຕົ້ນຕໍຍັງອາໃສການຂຸດຄົ້ນຊັບພະຍາກອນ ແລະ ຂາຍວັດຖຸດິບ; ອາໃສການຊ່ວຍເຫລືອ ແລະ ການກູ້ຢືມທີ່ເພີ່ມຂຶ້ນຕໍ່ເນື່ອງ ແລະ ຈາກບາງແຫລ່ງຈາກພັນທະຈາກບັນດາໂຄງ ການລົງທຶນໄລຍະຍາວ... ຊຶ່ງເກືອບທັງໝົດແຫລ່ງລາຍຮັບດັ່ງກ່າວບໍ່ສາມາດກາຍເປັນຖານອັນເຂັ້ມ ແຂງໃນປັດຈຸບັນ. ສ່ວນຫລາຍສາເຫດຕົ້ນຕໍແມ່ນຍ້ອນການຄຸ້ມຄອງວຽກງານແຜນການ-ການລົງທຶນ, ຄຸ້ມຄອງລາຍຮັບ-ລາຍຈ່າຍບໍ່ທັນດີ, ບໍ່ເຂັ້ມງວດໂດຍສະເພາະແມ່ນມີການລະເມີດວິໄນແຜນການ - ການເງິນ.
2) ເອົາໃຈໃສ່ຊີ້ນຳໆພາ-ບັນຊາ ເພື່ອຄວາມເຂັ້ມແຂງຂອງເສດຖະກິດມະຫາພາກ ຕິດພັນກັບການແກ້ໄຂການຂາດດຸນງົບປະມານ, ແກ້ໄຂໜີ້ສິນຂອງລັດ ແລະ ຮັກສາການເຕີບໂຕຂອງເສດຖະກິດຢ່າງຕໍ່ເນື່ອງ,ປະຕິບັດການປະຢັດລາຍຈ່າຍບໍລິຫານແບບຮັດສາຍແອວ, ຢັບຢັ້ງເດັດຂາດການສ້າງໜີ້ນອກແຜນ, ປະຕິບັດການສຳສະສາງຕາມແຜນການຢ່າງເຂັ້ມງວດ, ພ້ອມທັງກຳນົດແຜນ ການເຄື່ອນໄຫວທັງພາຍໃນ ແລະ ຕ່າງປະເທດຢ່າງຮັດກຸມ, ປັບປຸງລະບົບກົນໄກການບໍລິຫານໃຫ້ຮັດກຸມ, ແກ້ໄຂຊ່ອງວ່າງການຮົ່ວໄຫລຂອງລາຍຮັບ, ການຟຸມເຟືອຍລາຍຈ່າຍ, ແກ້ໄຂເດັດຂາດຕໍ່ການລະເມີດວິໄນແຜນການ - ການເງິນ, ຈໍາກັດສຸດຂີດການກູ້ຢືມໄລຍະສັ້ນ, ໄລຍະກາງ, ໂດຍສະເພາະເພື່ອມາດຸນດ່ຽງການໃຊ້ຈ່າຍບໍລິຫານ, ຄຸ້ມຄອງການກູ້ຢືມເພື່ອພັດທະນາບັນດາໂຄງການລົງທຶນທີ່ຈຳເປັນທາງດ້ານເສດ ຖະກິດ-ສັງຄົມໃຫ້ສອດຄ່ອງຕາມລະບຽບກົດໝາຍ ໂດຍລັດເປັນເຈົ້າການແຕ່ຫົວທີໃນການດຳເນີນຂັ້ນຕອນການກູ້ຢືມ ກໍ່ຄືຂັ້ນຕອນການສ້າງໂຄງການ, ປະເມີນມູນຄ່າໂຄງການລົງ ທຶນຢ່າງຖືກຕ້ອງ, ຮັດກຸມ ແລະ ຮັບປະກັນມູນຄ່າທີ່ສົມເຫດສົມຜົນພ້ອມທັງຮັບປະກັນການຈັດຕັ້ງ ປະຕິບັດໂຄງການຢ່າງໂປ່ງໃສທຸກຂັ້ນຕອນ.
3) ດຳເນີນການປັບປຸງໂຄງສ້າງຂອງບັນດາວິສາຫະກິດ ເພື່ອຍົກສູງປະສິດທິຜົນທາງທຸລະກິດໃຫ້ສູນຂຶ້ນ, ຫັນລັດວິສາຫະກິດຮຸ້ນສ່ວນເອກະຊົນການມາເປັນບໍລິສັດມະຫາຊົນຕາມມາດຕະຖານສາກົນ-ການບໍລິຫານແບບສາກົນ.
4) ຮີບຮ້ອນກຳນົດຄືນການແບ່ງງານ ແລະ ຄວາມຮັບຜິດຊອບລະຫວ່າງກະຊວງຕ່າງໆຂອງລັດຖະບານແຕ່ລະຂັ້ນຢູ່ທ້ອງຖິ່ນ (ຂັ້ນແຂວງ, ເມືອງ, ບ້ານ) ໃນການຈັດຕັ້ງປະຕິບັດ ແລະ ການຄຸ້ມຄອງລົງທຶນຂອງລັດ.
5) ຄະນະພັກ, ອົງການປົກຄອງແຕ່ລະຂັ້ນ ຕ້ອງເພີ່ມທະວີຄວາມຮັບຜິດຊອບການຊີ້ນຳ-ນຳພາວຽກງານແຜນການ ແລະ ການລົງທຶນ ແລະ ວຽກງານການເງິນ-ງົບປະມານໃຫ້ເຂັ້ມງວດ, ໂດຍສຸມໃສ່ການສຶກສາອົບຮົມການເມືອງແນວຄິດໃຫ້ພະນັກງານ-ລັດຖະກອນຂອງຂະແໜງແຜນການ-ການລົງທຶນ ແລະ ວຽກງານການເງິນ-ງົບປະມານໃຫ້ມີຈັນຍາບັນຮັກອາຊີບ, ປະຕິບັດວິໄນທາງດ້ານແຜນການ-ການເງິນຢ່າງເຄັ່ງຄັດ, ຍົກສູງສະຕິປັນຍາຄວາມຮັບຜິດຊອບໜ້າທີ່ການເມືອງ ແລະ ຖືເອົາຜົນປະໂຫຍດຂອງປະເທດຊາດເປັນຫລັກ, ມີລະບົບກວດກາທີ່ເຂັ້ມງວດ, ຮັບປະກັນຄວາມໂປງໃສ່ໃນທຸກຂັ້ນຂອງການປະຕິບັດໜ້າທີ່. ພ້ອມກັນນັ້ນ, ສ້າງເງື່ອນໄຂອຳນວຍຄວາມສະດວກໃຫ້ອົງການກວດກາ, ກວດສອບ ດຳເນີນການກວດສອບຕາມໜ້າທີ່ຢ່າງຖືກຕ້ອງ, ຄົບຖ້ວນ, ແຂງແຮງ.
ຄຽງຄູ່ກັນນີ້, ທັງ 2 ຂະແໜງການສຸມໃສ່ການຈັດຕັ້ງຜັນຂະຫຍາຍທຸກບັນຫາທີ່ໄດ້ເປັນເອກະພາບກັນໃນ
ກອງປະຊຸມຄັ້ງນີ້, ເພື່ອເຮັດໃຫ້ແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2018 ໄດ້ຮັບການຈັດຕັ້ງປະຕິບັດຢ່າງຖືກຕ້ອງ, ຄົບຖ້ວນ, ແຂງແຮງ ແລະ ເຂັ້ມງວດ ບັນລຸຕາມເປົ້າໝາຍທີ່ວາງອອກ, ເຮັດໃຫ້ເສດຖະກິດມະຫາພາກໄດ້ຮັບການປັບປຸງ ແລະ ຫັນປ່ຽນຢ່າງຕັ້ງໜ້າ, ພັດທະນາປະເທດຊາດໃຫ້ມີບາດກ້າວໃໝ່.

ວັນທີອອກຂ່າວ: 
29/12/2017
ວັນທີ່ເກີດຂ່າວ: 
27/12/2017
ພຸດ, 27 ທັນວາ, 2017 - ອາທິດ, 27 ທັນວາ, 2020
ເອກະສານຂະໜາດ
a770.jpg712.06 KB
a771.jpg938.72 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,856,038
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30