an image an image

ທ່ານ ສົມດີ ດວງດີ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຜົ້ງສາລີ

pulpit rock
ໃນທ້າຍເດືອນມີນາຜ່ານມາ, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ພ້ອມດ້ວຍຄະນະກົມ, ພະແນກການ, ພະນັກງານວິຊາການ, ໄດ້ໄປເຄື່ອນໄຫວຢ້ຽມຢາມ ແລະ ເຮັດວຽກຊຸກຍູ້ການຈັດເກັບລາຍຮັບເຂົ້າງົບປະມານແຫ່ງລັດປີ 2018 ຢູ່ແຂວງຜົ້ງສາລີ, ໂດຍການຕ້ອນຮັບຂອງທ່ານ ຄຳຜອຍ ວັນນະສານ ຮອງເຈົ້າແຂວງຜົ້ງສາລີ, ມີຫົວໜ້າພະແນກການເງິນແຂວງ , ຄະນະປະຈໍາພັກແຂວງ, ເຈົ້າເມືອງ, ຫ້ອງການ-ການເງິນເມືອງ ແລະ ພະນັກງານຂະແໜງການເງິນເຂົ້າຮ່ວມ.
ໂອກາດນີ້, ທ່ານ ທອງສຸກ ເປົາສຸລີ ຫົວໜ້າພະແນກການເງິນແຂວງຜົ້ງສາລີ ໄດ້ລາຍງານສະພາບການຈັດຕັ້ງປະຕິບັດແຜນງົບປະມານ ປະຈຳປີ 2017 ຜ່ານມາ ແລະ ທິດທາງແຜນການປີ 2018, ຊຶ່ງທ່ານ ໄດ້ຍົກໃຫ້ເຫັນການປະຕິບັດຂຸດຄົ້ນລາຍຮັບບັນລຸຕາມແຜນການ ແລະ ການຄຸ້ມຄອງລາຍຈ່າຍຕາມແຜນທີ່ສະພາປະຊາ ຊົນແຂວງຮັບຮອງ. ນອກຈາກນີ້, ພ້ອມກັນຜັນຂະຫຍາຍຄຳສັ່ງເລກທີ 40/ນຍ ວ່າດ້ວຍການສຳຫລວດຖານລາຍຮັບຄືນໃໝ່, ພະນັກງານ-ລັດຖະກອນຍົກສູງຄວາມຮູ້ຄວາມສາມາດ, ເຊື່ອໝັ້ນຕໍ່ການຈັດຕັ້ງຂັ້ນເທິງ, ມີຄວາມສາ ມັກຄີ ແລະ ຄວາມສະຫງົບດີພາຍໃນແຂວງ.
ສຳລັບການປະຕິບັດແຜນງົບປະມານປີ 2017 ຂອງແຂວງກວມເອົາ 29,98% ຂອງ GDP ທຽບໃສ່ແຜນ ການປະຕິບັດໄດ້ 105,43%, ລາຍຮັບດຸ່ນດ່ຽງຈາກສູນກາງປະຕິບັດໄດ້ 307 ຕື້ກວ່າກີບ, ເທົ່າກັບ 100% ແລະ ລາຍຮັບທ້ອງຖິ່ນປະຕິບັດໄດ້ 59 ຕື້ກວ່າກີບ, ເທົ່າກັບ 113,48% ຂອງແຜນການ, ກວມ 14,97% ແຜນລາຍຮັບທັງໝົດ, ກວມ 4,49% ຂອງ GDP, ລາຍຮັບພູດສູນກາງ ( ພາສີ,ວີຊາ ) ມີ 32 ຕື້ກວ່າກີບ ເທົ່າກັບ 155,29% ແຜນການປີ.
ລາຍຮັບທ້ອງຖິ່ນປະຕິບັດໄດ້ມີດັ່ງນີ້: ສ່ວຍສາອາກອນປະຕິບັດໄດ້ 46 ຕື້ກວ່າກີບ. ໃນນັ້ນ, ອາກອນປົກ ກະຕິ 40 ຕື້ກວ່າກີບ, ຄ່າຈົດທະບຽນ ແລະ ຄ່າທໍານຽມ 1,8 ຕື້ກີບ, ລາຍຮັບວິຊາການ 4,7 ຕື້ກີບ, ລາຍຮັບທີ່ດິນ 4,56 ຕື້ກີບ, ລາຍຮັບຊັບສິນຂອງລັດປະຕິບັດໄດ້ 8,49 ຕື້ກີບ, ສຳລັບຂັ້ນເມືອງການຈັດຕັ້ງປະຕິບັດແຜນລາຍ
ຮັບປະຕິບັດໄດ້ທັງໝົດ 18 ຕື້ກວ່າກີບ, ໃນນັ້ນ; ລາຍຮັບເກີນແຜນມີ 5 ເມືອງ, ບໍ່ໄດ້ຕາມແຜນ 2 ເມືອງ.
ທ່ານ ທອງສຸກ ເປົາສຸລີ ລາຍງານຕື່ມອີກວ່າ: ສຳລັບການຈັດຕັ້ງປະຕິບັດແຜນງົບປະມານປະຈຳປີ 2018 ພື້ນຖານອີງໃສ່ແຜນພັດທະນາເສດຖະກິດ-ສັງຄົມຂອງແຂວງ 5 ປີ ຄັ້ງທີ VIII ( 2016-2020) ແລະ ແຜນງົບປະມານແຫ່ງລັດໄລຍະ 4 ປີ (2017-2020) ທີ່ສະພາປະຊາຊົນແຂວງໄດ້ຮັບຮອງ, ສໍາລັບການຈັດເກັບລາຍຮັບຂອງແຂວງນັບແຕ່ວັນທີ 1 ມັງກອນຫາວັນທີ 23 ມີນາ 2018 ປະຕິບັດໄດ້ 9,42 ຕື້ກີບ, ເທົ່າກັບ 16,47% ຂອງແຜນປີ, ລາຍຮັບພູດສູນກາງປະຕິບັດຢູ່ທ້ອງຖິ່ນ 3 ຕື້ກີບ, ເທົ່າ 11,38% ຂອງແຜນປີ 2018 ແລະ ຄາດຄະເນໝົດງວດ 1 ຂອງປີ 2018 ບັນລຸບໍ່ຕໍ່າກວ່າ 20%.
ໂອກາດດັ່ງກ່າວ, ທ່ານ ສົມດີ ດວງດີ ໄດ້ສະແດງຄວາມຊົມເຊີຍຕໍ່ຄະນະນຳຂອງແຂວງ, ຄະນະນຳພະ ແນກການເງິນ, ພະນັກງານຂະແໜງສາມສາຍຕັັ້ງທີີ່ໄດ້ເອົາໃຈໃສ່ບຸກບືນຫ້າວຫັ້ນ ແລະ ເອົາໃຈໃສ່ຕໍ່ໜ້າທີ່ວຽກງານ ຢ່າງມີຄວາມຮັບຜິດຊອບສູງ, ໂດຍສະເພາະແມ່ນການຈັດເກັບລາຍຮັບງວດທຳຂອງປີ 2018 ເຫັນວ່າມີລັກທ່າອ່ຽງທີ່ດີຂຶ້ນ. ຄຽງຄູ່ກັນນີ້, ທ່ານ ຮອງນາຍົກລັດຖະມົນຕີ ຍັງໄດ້ເນັ້ນໃຫ້ການການເງິນແຂວງຜົ້ງສາລີເອົາໃຈໃສ່ຂຸດຄົ້ນລາຍຮັບຈາກແຫລ່ງຕ່າງໆເປັນຕົ້ນ: ການເປີດຂະບວນການເສຍຄ່າທຳນຽມທາງປະຈຳປີໂດຍຜ່ານທະນາຄານໃຫ້ເປັນຂະບວນຟົດຟື້ນ, ຫັນການເກັບລາຍຮັບພາສີ-ອາກອນທີ່ດິນຜ່ານລະບົບທະນາຄານ, ຫັນການຄຸ້ມຄອງຫົວໜ່ວຍທຸ ລະກິດສູ່ລະບົບທັນໄໝ, ແຍກລາຍຮັບປົກກະຕິ ແລະ ບໍ່ປົກກະຕິ, ເພື່ອໃຫ້ເຫັນຖານລາຍຮັບຂອງແຂວງທີ່ຊັດເຈນສຳລັບແໜງພາສີໂດຍສະເພາະແມ່ນກ້ອງຄຸ້ມຄອງພາສີ II ຕ້ອງມີການແບ່ງວຽກງານກັນຢ່າງລະອຽດວ່າອັນໃດແມ່ນຄວາມຮັບຜິດຊອບຂອງກົມ, ຄວາມຮັບຜິດຊອບຂອງກອງ, ຄວາມຮັບຜິດຊອບຂອງດ່ານພາສີ, ປັບປຸງແບບແຜນວິ ທີເຮັດວຽກ ໂດຍຖືເອົາພະແນກການເງິນແຂວງເປັນໃຈກາງໃນການປະສານສົມທົບວຽກງານຂອງພະນັກງານສາມສາຍຕັ້ງ, ເຂັ້ມງວດການປະຕິບັດ 10 ຂໍ້ຫ້າມຂອງພະນັກງານລັດ-ລັດຖະກອນຂະແໜງການເງິນ ແລະ ເຂັ້ມງວດປະຕິບັດລາຍຈ່າຍຕາມແຜນການທີ່ສະພາປະຊາຊົນຮັບຮອງ, ສຳລັບວຽກງານກໍ່ສ້າງພະນັກງານຕ້ອງຫັນເປັນໜຸ່ມ ແລະ ການຄັດເລືອກຕ້ອງເຂັ້ມງວດໂປ່ງໃສ່, ຍຸຕິທຳ, ຄັດເອົາຜູ້ທີ່ມີຄຸນນະພາບ ແລະ ຫັນເປັນທັນສະໄໝ.

ວັນທີອອກຂ່າວ: 
06/04/2018
ວັນທີ່ເກີດຂ່າວ: 
06/04/2018
ສຸກ, 6 ເມສາ, 2018 - ອັງຄານ, 6 ເມສາ, 2021
ເອກະສານຂະໜາດ
a845.jpg461.65 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,881,350
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30