an image an image

ທົບທວນ ແລະ ຕິດຕາມຄວາມຄືບໜ້າການຈັດຕັ້ງປະຕິບັດໂຄງການທີ່ໄດ້ຮັບເງິນກູ້ຈາກທະນາຄານ BIDV

pulpit rock
ເພື່ອປະເມີນຜົນການຈັດຕັ້ງປະຕິບັດໂຄງການທີ່ທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ປ່ອຍກູ້ໃຫ້ ແລະ ປະເມີນຄວາມຄືບໜ້າຂອງການຈັດຕັ້ງປະຕິບັດບັນດາໂຄງການໃນໄລຍະຜ່ານມາ ໃນວັນທີ 29 ມີນາ 2018 ທີ່ກະຊວງການເງິນ ຈຶ່ງໄດ້ຈັດກອງປະຊຸມທົບທວນ ແລະ ຕິດຕາມຄວາມຄືບໜ້າການຈັດຕັ້ງປະຕິບັດໂຄງການທີ່ໄດ້ຮັບເງິນກູ້ຈາກທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ຂຶ້ນ ໂດຍການເປັນປະທານຂອງທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ, ມີ ທ່ານ ເລ ງອກ ເລີມ ຮອງຜູ້ອໍານວຍການໃຫຍ່ ຂອງທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV), ບັນດາກົມອອ້ມຂ້າງກະຊວງການເງິິນ, ຕາງໜ້າກະຊວງໂຍທາທິການ ແລະ ຂົນສົ່ງ, ກະຊວງກະສິກໍາ ແລະ ປ່າໄມ້, ຕາງໜ້າຜູ້ຮັບເໝົາໂຄງການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ, ທ່ານ ນາງ ທິບພະກອນ ຈັນທະວົງສາ ໃຫ້ຮູ້ວ່າ: ນັບແຕ່ປີ 2014 ເປັນຕົ້ນມາ ທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ໄດ້ໃຫ້ການສະໜັບສະໜູນທຶນ ແກ່ການພັດທະນາພຶ້ນຖານໂຄງລ່າງຂອງ ສປປ ລາວ ມູນຄ່າ 230 ລ້ານໂດລາສະຫະລັດ ເພື່ອນໍາໃຊ້ເຂົ້າໃນຈັດຕັ້ງປະຕິບັດບັນດາໂຄງການພຶ້ນຖານໂຄງລ່າງຕ່າງໆ ຂອງ ສປປ ລາວ ເຊິ່ງໃນນັ້ນປະກອບມີ 4 ໂຄງການ ແລະ ປັດຈຸບັນກໍ່ກຳລັງດໍາເນີນຢູ່ແຂວງຫົວພັນ ແລະ ແຂວງຫລວງນໍ້າທາ ແລະ ໃນໄລຍະຜ່ານມາ ການຈັດຕັ້ງປະຕິບັດໂຄງການແມ່ນມີທັງຂໍ້ສະດວກ ແລະ ຂໍ້ຍຸ້ງຍາກ ເຮັດໃຫ້ບາງໂຄງການມີຄວາມຊັກຊ້າກວ່າແຜນການທີ່ກໍານົດ ໂດຍສະເພາະໂຄງການທີ່ຕັ້ງຢູ່ເຂດທຸລະກັນດານ, ການຂົນສົ່ງ ແລະ ການເດີນທາງແມ່ນມີຄວາມຫຍຸ້ງຍາກ ເຮັດໃຫ້ບໍ່ສໍາເລັດຕາມແຜນການທີ່ວາງໄວ້. ສະນັ້ນ, ເຈົ້າຂອງໂຄງການຈຶ່ງສະເໜີຫາກະຊວງການເງິນເພື່ອແຈ້ງໃຫ້ ທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ໄດ້ຮັບຊາບ ແລະ ເພື່ອຂໍຕໍ່ສັນຍາສໍາລັບໂຄງການກໍ່ສ້າງເສັ້ນທາງທັງ 2 ເສັ້ນທີ່ຍັງບໍ່ທັນສໍາເລັດນັ້ນ ໃຫ້ສໍາເລັດ ແລະ ສາມາດໃຊ້ງານໄດ້ຕາມຄາດໝາຍ.
ໂອກາດນີ້, ທ່ານ ນາງ ທິບພະກອນ ຈັນທະວົງສາ ກໍ່ຍັງໄດ້ສະແດງຄວາມຂອບໃຈທີ່ BIDV ໄດ້ໃຫ້ການສະໜັບສະໜູນຕໍ່ພັດທະນາເສດຖະກິດຂອງ ສປປ ລາວ ດ້ວຍການສະໜອງທຶນໃຫ້ແກ່ໂຄງການຕ່າງໆ ແລະ ຫວັງວ່າຈະເຮັດໃຫ້ການຮ່ວມມືໃນການເຮັດວຽກງານຮ່ວມກັນໃຫ້ສໍາເລັດຕາມລະດັບຄາດໝາຍ.
ພາບ/ຂ່າວ: ອາພັດສະລາ

ວັນທີອອກຂ່າວ: 
30/03/2018
ວັນທີ່ເກີດຂ່າວ: 
29/03/2018
ພະຫັດ, 29 ມີນາ, 2018 - ຈັນ, 29 ມີນາ, 2021
ເອກະສານຂະໜາດ
a820.jpg429.79 KB
a820.jpg429.79 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 28,762,740
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31