an image an image

ດ່ານພາສີທ່າເດື່ອປະຕິບັດລາຍຮັບໄດ້ແລ້ວ 4,64 ຕື້ກີບ ໝົດປີ 2018 ຕັ້ງເປົ້າເກັບລາຍຮັບ 6,90 ຕື້ກີບ

pulpit rock
ຕ້ອງຂໍຊົມເຊີຍ! ຕໍ່ເຈົ້າໜ້າພາສີປະຈຳດ່ານທ້ອງຖິ່ນທ່າເດື່ອ ຕັ້ງຢູ່ບ້ານທ່າເດື່ອ ເມືອງຫາດຊາຍຟອງ ນະຄອນ ຫຼວງວຽງຈັນໃນການຈັດຕັ້ງປະຕິບັດວຽກງານວິຊາສະເພາະຢ່າງເຂັ້ມງວດ ແລະ ມີການກວດກາຕິດຕາມຢ່າງເປັນປົກກະຕິຈຶ່ງບໍ່ເກີດມີປະກົດການຫຍໍ້ຕ່າງໆພາຍໃນດ່ານ.
ພ້ອມດຽວກັນນີ້, ການຈັດເກັບລາຍຮັບເຂົ້າງົບປະມານແຫ່ງລັດນັບແຕ່ຕົ້ນປີຮອດວັນທີ 27 ສິງຫາ 2018 ສາມາດປະຕິບັດໄດ້ 4,64 ຕື້ກວ່າກີບ ເທົ່າກັບ 77,41% ຂອງແຜນການປີ, ສ່ວນໃຫຍ່ລາຍຮັບໄດ້ມາຈາກເກັບພາສີ-ອາກອນເຄື່ອງອຸປະໂພກ-ບໍລິໂພກ, ຄ່າທຳນຽມຄົນເຂົ້າ-ອອກ, ຄ່າທຳນຽມອື່ນໆ.
ທ່ານ ສົມເພັດ ໂຄດສຸວັນ ຫົວໜ້າດ່ານພາສີທ້ອງຖິ່ນທ່າເດື່ອ ໃຫ້ສຳພາດກັບທິມຂ່າວການເງິນໃນທ້າຍອາທິດຜ່ານມານີ້ວ່າ: ດ່ານພາສີທ້ອງຖິ່ນທ່າເດື່ອ ເປັນເສນາທິການໃຫ້ແກ່ກອງຄຸ້ມຄອງພາສີ V, ກົມພາສີ ກະຊວງການເງິນໃນການຈັດຕັ້ງປະຕິບັດກົດໝາຍ, ນິຕິກຳ ແລະ ລະບຽບການຕ່າງໆກ່ຽວກັບວຽກງານພາສີຢ່າງເຂັ້ມງວດ, ປັດຈຸບັນດ່ານພາສີທ້ອງຖິ່ນທ່າເດື່ອມີພະນັກງານ-ເຈົ້າໜ້າພາສີທັງໝົດ 11 ທ່ານ. ໃນນັ້ນ, ມີຫົວໜ້າ 1 ທ່ານ, ຮອງຫົວໜ້າ 2 ທ່ານ ແລະ ມີພະນັກງານວິຊາການ 7 ທ່ານ, ພະນັກງານຕາມສັນຍາ 1 ທ່ານ.
ສ່ວນການຈັດຕັ້ງປະຕິບັດວຽກງານວິຊາສະເພາະໃນປີ 2018 ດ່ານພາສີທ້ອງຖິ່ນທ່າເດື່ອໄດ້ຮັບຕົວເລກຈັດເກັບລາຍຮັບທັງໝົດ 6 ຕື້ກີບ, ແຕ່ຜ່ານການຈັດຕັ້ງປະຕິບັດເກັບລາຍຮັບນັບແຕ່ວັນທີ 1 ມັງກອນ 2018 ຫາ ວັນທີ 27 ສິງຫາ 2018 ສາມາດປະຕິບັດລາຍຮັບໄດ້ແລ້ວ 4,64 ຕື້ກວ່າກີບ ເທົ່າກັບ 77,41% ຂອງແຜນການປີ. ໃນນັ້ນລາຍຮັບຈາກການເກັບພາສີຂາເຂົ້າຈາກເຄື່ອງອຸປະໂພກ-ບໍລິໂພກ ປະຕິບັດໄດ້ 4,49 ຕື້ກວ່າກີບ, ຄ່າທໍານຽມຄົນເຂົ້າ-ອອກປະຕິບັດໄດ້ 63 ລ້ານກວ່າກີບ, ຄ່າທຳນຽມເຮືອຈອດທ່າ 20 ລ້ານກວ່າກີບ ແລະ ຄ່າທຳນຽມຕ່າງໆປະຕິບັດໄດ້ 83 ລ້ານກວ່າກີບ.
ທ່ານ ສົມເພັດ ໂຄດສຸວັນ ກ່າວຕື່ມວ່າ: ສາເຫດທີ່ເຮັດໃຫ້ການຈັດເກັບລາຍຮັບເຂົ້າງົບປະມານແຫ່ງລັດຂອງດ່ານພາສີທ້ອງຖິ່ນທ່າເດື່ອມີລັກທ່າກ້າວ ແລະ ລື່ນແຜນການໃນແຕ່ລະເດືອນ, ແຕ່ລະງວດ, ເນື່ອງຈາກດ່ານພາສີທ້ອງຖິ່ນທ່າເດື່ອປະກອບມີຫຼາຍພາກສ່ວນເປັນຕົ້ນ: ແມ່ນຕໍາຫຼວດກວດຄົນເຂົ້າເມືອງ (ຕມ), ຂະແໜງການກັກກັນພືດ, ຂະແໜງກວດກາອາຫານ ແລະ ຢາ (ອຢ), ຄັງເງິນແຫ່ງຊາດ ປະຈໍາ ນວ, ສະມາຄົມເຮືອ ແລະ ຍ້ອນມີກົດໝາຍວ່າດ້ວຍພາສີ, ມີລະບຽບກົດໝາຍເປັນບ່ອນອີງໃນການຈັດຕັ້ງປະຕິບັດໂດຍສະເພາະແມ່ນບົດແນະນໍາຂອງກະຊວງການເງິນ ເລກທີ 4115/ກງ ລົງວັນທີ 12 ທັນວາ 2016 ວ່າດ້ວຍການຄຸ້ມຄອງການສົງອອກ-ນໍາເຂົ້າຂອງສິນຄ້າຜ່ານດ່ານສີທ້ອງຖິ່ນ ແລະ ດ່ານປະເພນີ, ບັນດາບົດແນະນໍາ, ແຈ້ງການຕ່າງໆເປັນບ່ອນອີງໃນການຈັດຕັ້ງປະຕິບັດວຽກງານວິຊາສະເພາະ ແລະ ມີການຊີ້ນຳໆພາຈາກກອງຄຸ້ມຄອງພາສີ V, ມີແບບແຜນວິທີເຮັດວຽກໂດຍຖືເອົາການເຮັດວຽກເປັນໝູ່ຄະນະ, ບຸກຄົນຮັບຜິດຊອບ, ມີການສ້າງແຜນ, ກວດກາຕິດຕາມຢ່າງເປັນປົກກະຕິ ແລະ ຍ້ອນຄວາມເອົາໃຈໃສ່ຂອງພະນັກງານທຸກຄົນທີ່ໄດ້ສຸ່ມໃສ່ການປະຕິບັດໜ້າທີ່ວິຊາສະເພາະຢ່າງເຂັ້ມງວດ.
ພ້ອມດຽວກັນນີ້, ຍັງໄດ້ແນະນຳລະບຽບການແຈ້ງພາສີ ແລະ ຈັດເກັບພາສີ-ອາກອນໃຫ້ຜູ້ປະກອບການຕ້ອງຕາມລະບຽບການ ແລະ ໄດ້ມີການປະສານສົມທົບກັບອໍານາດການປົກຄອງທ້ອງຖິ່ນໃນການເອື້ອອໍານວຍຄວາມສະດວກຂອງການຈັດຕັ້ງປະຕິບັດວຽກງານວິຊາສະເພາະ ແລະ ພາກສ່ວນຕ່າງໆທີ່ກ່ຽວຂ້ອງພາຍໃນດ່ານຢ່າງວ່ອງໄວທັບກັບສະພາບການທີ່ເກີດຂຶ້ນ,ຈຶ່ງບໍ່ເກີດມີປະກົດການຫຍໍ້ຕ່າງໆພາຍໃນດ່ານ.
ທ່ານ ສົມເພັດ ໂຄດສຸວັນ ກ່າວຕື່ມອີກວ່າ: ໝົດປີ 2018 ດ່ານພາສີທ້ອງຖິ່ນທ່າເດື່ອໄດ້ຕັ້ງເປົ້າສູ້ຊົນເກັບລາຍຮັບເຂົ້າງົບປະມານໃຫ້ໄດ້ 6,90 ຕື້ກວ່າກີບ. ສະນັ້ນ, ເພື່ອເຮັດໃຫ້ແຜນການຄາດຄະເນເກັບລາຍຮັບບັນລຸຕາມເປົ້າໝາຍວາງໄວ້ ຈະສືບຕໍ່ໃນການສຶກສາອົບຮົມທາງດ້ານການເມືອງ-ແນວຄິດໃຫ້ສະມາຊິກພັກ-ພະນັກງານທີ່ຢູ່ໃນຄວາມຮັບຜິດຊອບຂອງຕົນຢ່າງເປັນປົກກະຕິ, ປັບປຸງແບບແຜນເຮັດວຽກໃຫ້ມີຄວາມຊັດເຈນຂຶ້ນຕື່ມເປັນຕົ້ນແມ່ນການກວດກາການປະຈໍາການ, ການປະຕິບັດໜ້າທີ່ຂອງພະນັກງານທີ່ຢູ່ໃນຄວາມຮັບຜິດຊອບໃຫ້ສູງຂຶ້ນ, ເຂັ້ມງວດໃນການຈັດຕັ້ງປະຕິບັດໂດຍສະເພາະແມ່ນບົດແນະນໍາຂອງກະຊວງເລກທີ 4115/ກງ, ເອົາໃຈໃສ່ກວດກາ ສິນຄ້າ, ເຄື່ອງຂອງໃຫ້ຖືກຕາມຄວາມຈິງ, ປະຕິບັດມູນຄ່າແຈ້ງພາສີໃຫ້ສອດຄ່ອງຕາມລະບຽບການໃຫ້ຄົບຖ້ວນທັນເວລາ ແລະ ນໍາໃຊ້ມາດຕະການຕໍ່ຜູ້ຝ່າຝືນລະບຽບກົດໝາຍ, ເຂັ້ມງວດປະຕິບັດໂມງເວລາເປີດ-ປິດດ່ານ (ວັນຈັນ-ວັນເສົາ ເວລາ 8:00 ໂມງ-16:00ໂມງ), ຈັດສັນລະບຽບລົດ, ເຮືອຂົນສົ່ງສິນຄ້າ ແລະ ບັນຫາອື່ນໆທີ່ຕິພັນກ່ຽວຽກງານຂະແໜງພາສີ.
ຂ່າວ-ພາບ: ບຸນທຽມ

ວັນທີອອກຂ່າວ: 
31/08/2018
ວັນທີ່ເກີດຂ່າວ: 
27/08/2018
ຈັນ, 27 ສິງຫາ, 2018 - ສຸກ, 27 ສິງຫາ, 2021
ເອກະສານຂະໜາດ
a882.jpg622.24 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 32,462,094
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30