an image an image

ງວດທໍາອິດ ດ່ານພາສີທ້ອງຖິ່ນຊະນະຄາມ ຈັດເກັບລາຍຮັບເຂົ້າງົບປະມານໄດ້ 173 ລ້ານກວ່າກີບ

pulpit rockpulpit rock

ທ່ານ ຈອນສະຫວັດ ລັດຕະນະວົງ ຫົວໜ້າດ່ານພາສີທ້ອງຖິ່ນຊະນະຄາມ ແຂວງວຽງຈັນ ໄດ້ໃຫ້ສໍາພາດຕໍ່ນັກຂ່າວການເງິນວ່າ: ດ່ານພາສີທ້ອງຖິ່ນຊະນະຄາມເປັນດ່ານຊາຍແດນລະຫວ່າງປະເທດ (ລາວ-ໄທ) ຊຶ່ງແມ່ນແມ່ນໍ້າຂອງຂັ້ນຊາຍແດນມີຄວາມຍາວ 36 ກິໂລແມັດ, ທິດໃຕ້ ຕິດກັບເມືອງຊຽງຄານ ແຂວງເລີຍ ປະເທດໄທ, ທິດເໜືອ ຕິດກັບເມືອງແມດ ແຂວງວຽງຈັນ, ທິດຕາເວັນອອກຕິດກັບ ເມືອງໝື່ນ ແຂວງວຽງຈັນ ແລະ ທິດຕາຕົກຕິດກັບເມືອງແກ່ນທ້າວ, ເມືອງປາກລາຍ ແຂວງໄຊຍະບູລີ.
ດ້ານການຈັດຕັ້ງປະຕິບັດວຽກງານວິຊາສະເພາະ ດ່ານພາສີທ້ອງຖິ່ນຊະນະຄາມ ແມ່ນດ່ານໜຶ່ງທີ່ຂຶ້ນກັບກອງຄຸ້ມຄອງພາສີ V ກົມພາສີເວົ້າລວມ, ເວົ້າສະເພາະແມ່ນຂຶ້ນກັບກອງກວດກາພາສີປະຈໍາແຂວງວຽງຈັນ, ຊຶ່ງມີໜ້າທີ່ບໍລິການ, ຄຸ້ມຄອງ, ກວດກາ ແລະ ອໍານວຍຄວາມສະດວກໃຫ້ແກ່ການສົ່ງອອກ-ນໍາເຂົ້າ ສິນຄ້າເຄື່ອງອຸປະໂພກ-ບໍລິໂພກ, ສະກັດກັ້ນທຸກການລະເມີດລະບຽບກົດໝາຍວ່າດ້ວຍພາສີ ແລະ ລະບຽບການອື່ນໆ, ມີໜ້າທີ່ດໍາເນີນຄະດີຕໍ່ຜູ້ລະເມີດລະບຽບກົດໝາຍ, ປະສານສົມທົບກັບຂະແໜງການອື່ນທີ່ກ່ຽວຂ້ອງພາຍໃນດ່ານ ແລະ ອໍານາດການປົກຄອງຂອງບ້ານ, ເມືອງ ແລະ ແຂວງ.
ດ້ານວຽກງານການຈັດເກັບລາຍຮັບ ໃນປີ 2018 ນີ້, ດ່ານພາສີທ້ອງຖິ່ນຊະນະຄາມ ໄດ້ຮັບຕົວເລກແຜນການ 1,1 ຕື້ກວ່າກີບ, ຜ່ານການຈັດຕັ້ງປະຕິບັດ 2 ເດືອນຂອງງວດທໍາອິດຜ່ານມາໄດ້ 173 ລ້ານກວ່າກີບ ເທົ່າກັບ 62,47% ຂອງແຜນການງວດ ເຫັນວ່າມີທ່າອ່ຽງຫລຸດລົງຍ້ອນຫລາຍສາເຫດຄື: ຜູ້ປະກອບການຍັງບໍ່ທັນເອົາໃຈໃສ່ຕໍ່ລະບຽບກົດໝາຍພາສີເທົ່າທີ່ຄວນ, ໝວດສິນຄ້ານໍາເຂົ້າ-ສົ່ງອອກຢູ່ດ່ານທ້ອງຖິ່ນຍັງມີລັກສະນະຈໍາກັດເສັ້ນທາງຄົມມະນາຄົມຍັງບໍ່ທັນສະດວກເທົ່າທີ່ຄວນ, ການນໍາເຂົ້າ-ສົ່ງອອກສິນຄ້າພາຍໃນດ່ານແມ່ນພຽງແຕ່ນໍາເຂົ້າມາຮັບໃຊ້ສະເພາະແຕ່ຕົວເມືອງ, ລາຄາສິນຄ້າຢູ່ແຂວງເລີຍຂ້ອນຂ້າງສູງຖ້າທຽບໃສ່ນະຄອນຫລວງວຽງຈັນ, ຍ້ອນຄ່າເຮືອຂົນສົ່ງສິນຄ້າເຂົ້າ-ອອກດ່ານບວກໃສ່ຄ່າແຮງກໍາມະກອນ ແລະ ຄ່າຂົນສົ່ງຂ້ອນຂ້າງມີລາຄາສູງຈຶ່ງເຮັດໃຫ້ລາຄາສິນຄ້ານໍາເຂົ້າດ່ານມີລາຄາສູງ ແລະ ການນໍາເຂົ້າສິນຄ້າຫລຸດລົງທຽບໃສ່ປີຜ່ານມາ.
ເພື່ອຮັບປະກັນໃນການຈັດຕັ້ງປະຕິບັດວຽກງານການເກັບລາຍຮັບໃນປີ 2018 ນີ້, ໃຫ້ໄດ້ຕາມແຜນການ, ຄະນະກົມພາສີ, ກອງຄຸ້ມຄອງພາສີ V ແລະ ກອງກວດກາພາສີປະຈໍາແຂວງວຽງຈັນໄດ້ລົງຊີ້ນໍາ-ນໍາພາໄກ້ສິດຕິດແທດທາງດ້ານການເມືອງແນວຄິດ, ວຽກງານວິຊາສະເພາະໃຫ້ກັບດ່ານພາສີຊະນະຄາມເປັນປະຈໍາເຮັດໃຫ້ເຈົ້າໜ້າທີ່ພາສີມີຄວາມຕື່ນຕົວ, ມີແນວຄິດອຸ່ນອ່ຽນທຸ່ນທ່ຽງເປັນເຈົ້າການໃນການຈັດຕັ້ງປະຕິບັດວຽກງານວິຊາສະເພາະ, ວຽກງານກວດກາໃນດ່ານ ແລະ ນອກດ່ານໃຫ້ເຂັ້ມງວດ ເພື່ອສະກັດກັ້ນສິນຄ້າໜີພາສີ, ປະສານສົມທົບກັບພາກສ່ວນກ່ຽວຂ້ອງທັງໃນດ່ານ ແລະ ນອກດ່ານ ເພື່ອສະກັດກັ້ນການລັກລອບສິນຄ້າໜີພາສີໃນທຸກຮູບແບບ.
ຂ່າວ-ພາບ: ຫັດທະພອນ-ບຸນຍອດ

ວັນທີອອກຂ່າວ: 
06/04/2018
ວັນທີ່ເກີດຂ່າວ: 
06/04/2018
ສຸກ, 6 ເມສາ, 2018 - ອັງຄານ, 6 ເມສາ, 2021
ເອກະສານຂະໜາດ
a838.jpg403.45 KB
a839.jpg457.86 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 28,762,723
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31