an image an image

ຄັງເງິນແຫ່ງລັດ ສສ ຫວຽດນາມມອບຄອມພິວເຕີໃຫ້ຄັງເງິນແຫ່ງຊາດ

pulpit rock
ໃນລະຫວ່າງວັນທີ 6-10 ພະຈິກ 2017 ຄະນະວິຊາການຄັງເງິນແຫ່ງລັດ ສສ ຫວຽດນາມ ໄດ້ມາເຄື່ອນໄຫວ ແລະ ແລກປ່ຽນບົດຮຽນກັບຄັງເງິນແຫ່ງຊາດກະຊວງການເງິນ ສປປ ລາວ, ໃນໂອກາດດັ່ງກ່າວທາງຄະນະຄັງເງິນແຫ່ງລັດ ສສ ຫວຽດນາມໄດ້ມອບຄອມພິວເຕີຕັ້ງໂຕະຫຍີ່ຫໍ້ HP ຈໍານວນ 20 ເຄື່ອງ, UPS ນໍາໃຊ້ກັບຄອມພິວເຕີຕັ້ງໂຕະ ຈໍານວນ 20 ເຄື່ອງ, ເຄື່ອງພິມ (ປລິນເຕີ) A4 ຈໍານວນ 8 ເຄື່ອງ, ເຄື່ອງສະແກນ (Scan) ຈໍານວນ 4 ເຄື່ອງ, ໃນມູນຄ່າ 129 ລ້ານກວ່າກີບ, ສໍາລັບຄອມພີວເຕີ ແລະ ອຸປະກອນດັ່ງກ່າວຈະໄດ້ມອບໃຫ້ບັນດາຄັງເງິນເມືອງ 4 ເມືອງ ໃນນະຄອນຫລວງວຽງຈັນ.
ເຊິ່ງພິທີດັ່ງກ່າວ, ໄດ້ຈັດຂຶ້ນໃນວັນທີ 7 ພະຈິກ 2017 ທີ່ກະຊວງການເງິນກ່າວມອບໂດຍ ທ່ານ ນາງ ດັງ ທິ ທຸຍ ຮອງຫົວໜ້າຄັງເງິນແຫ່ງລັດ ສສ ຫວຽດນາມ, ຮັບໂດຍ ທ່ານ ພຸດທະຂັນ ຂັນຕິ ຮອງຫົວໜ້າຄັງເງິນແຫ່ງຊາດ ໂດຍການເຂົ້າຮ່ວມຂອງທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດລາວ, ມີຄະນະວິຊາການຄັງເງິນທັງສອງຝ່າຍເຂົ້າຮ່ວມ.
ພາຍຫລັງສໍາເລັດພິທີມອບ-ຮັບເຄື່ອງດັ່ງກ່າວ, ຄັງເງິນແຫ່ງຊາດລາວ ແລະ ຄັງເງິນແຫ່ງລັດ ສສ ຫວຽດນາມ ໄດ້ສືບຕໍ່ແລກປ່ຽນບົດຮຽນເຊິ່ງກັນ ແລະ ກັນ, ເຊິ່ງທ່ານ ນາງ ວັນພອນ ພົມມະສອນ ໃຫ້ຮູ້ວ່າ: ການມາເຮັດວຽກຄັ້ງນີ້, ຂອງຄະນະວິຊາການຄັງເງິນແຫ່ງລັດ ຫວຽດນາມ ແມ່ນໄດ້ມີການແລກປ່ຽນກ່ຽວກັບຈຸດພິເສດການເຄື່ອນໄຫວອົງການຈັດຕັ້ງຄັງເງິນແຫ່ງຊາດລາວ, ພາລະບົດບາດ, ໜ້າທີ່ ແລະ ກົງຈັກການເຄື່ອນໄຫວຄັງເງິນແຂວງ, ນະຄອນ, ເມືອງ ແລະ ສະເໜີໃຫ້ຄັງເງິນແຫ່ງລັດ ສສ ຫວຽດນາມ ຊ່ວຍບົດຮຽນ ແລະ ຂັ້ນຕອນການຫັນຄັງເງິນແຫ່ງລັດ ສສ ຫວຽດນາມຂັ້ນເມືອງເປັນສາຍຕັ້ງ, ລວມທັງ, ຂັ້ນຕອນການດໍາເນີນງານໃນການຈັດຕັ້ງປະຕິບັດຄັງເງິນແຂວງ ແລະ ຄັງເງິນເມືອງກັບຫົວໜ່ວຍງົບປະມານຂັ້ນເມືອງ, ບົດຮຽນການຄຸ້ມຄອງເງິນສົດ, ລະບົບບັນຊີ ແລະ ລາຍຈ່າຍງົບປະມານຄັງເງິນແຂວງກັບທະນາຄານ, ການນໍາໃຊ້ລະບົບຂໍ້ມູນຂ່າວສານ ແລະ ຄວາມຮັບຜິດຊອບຂອງຄັງເງິນ. ພ້ອມນີ້, ຄະນະດັ່ງກ່າວ ຍັງໄດ້ເຮັດວຽກຮ່ວມກັບບັນດາພະແນກອອ້ມຂ້າງຄັງເງິນແຫ່ງຊາດ ແລະ ຄັງເງິນປະຈໍາເມືອງທີ່ກ່ຽວຂ້ອງເຊັ່ນ: ແລກປ່ຽນວຽກງານບໍລິຫານເງິນສົດ, ວຽກງານການຄຸ້ມຄອງສາຍຕັ້ງຂັ້ນເມືອງ ເຊິ່ງໄດ້ລົງເຮັດວຽກ ແລະ ຢ້ຽມຢາມຄັງເງິນແຫ່ງຊາດປະຈໍາເມືອງ 2 ເມືອງຄື: ເມືອງຈັນທະບູລີ ແລະ ເມືອງສີສັດຕະນາກ ນະຄອນຫລວງວຽງຈັນ.
ຂ່າວ: ອາພັດສະລາ

ວັນທີອອກຂ່າວ: 
10/11/2017
ວັນທີ່ເກີດຂ່າວ: 
06/11/2017
ຈັນ, 6 ພະຈິກ, 2017 - ສຸກ, 6 ພະຈິກ, 2020
ເອກະສານຂະໜາດ
a674.jpg556.18 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,318 8,322
THB 251.03 252.92
EUR 9,665 9,714
JPY 71.77 73.21
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 14/11/2017

Counter

  • ຜູ້ເຂົ້າຊົມທັງໝົດ = 24,405,415
  • ເລີ້ມຕັ້ງແຕ່ = 20/03/2009

ປະຕິທິນ

 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30