an image an image

ຄັງເງິນແຫ່ງຊາດ ສະຫລຸບວຽກງານການເຄື່ອນໄຫວ ປະຈໍາປີ 2017 ແລະ ທິດທາງແຜນການປີ 2018

pulpit rock
ເພື່ອເປັນການສະຫລຸບວຽກງານການເຄື່ອນໄຫວ ປະຈຳປີ 2017 ແລະ ວາງທິດທາງແຜນການປີ 2018,
ໃນວັນທີ 16 ກຸມພາ 2018 ທີ່ກະຊວງການເງິນ, ຄັງເງິນແຫ່ງຊາດ ໄດ້ຈັດກອງປະຊຸມສະຫລຸບວຽກງານການເຄື່ອນໄຫວປະຈຳປີ, ໂດຍການເຂົ້າຮ່ວມເປັນປະທານຂອງທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ, ມີບັນດາຫົວໜ້າພະແນກ, ຮອງພະແນກ, ພະນັກງານວິຊາການຄັງເງິນແຫ່ງຊາດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ ໃຫ້ຮູ້ວ່າ: ປີ 2017 ເປັນປີແຫ່ງການຈັດຕັ້ງຜັນຂະຫຍາຍມະຕິ X ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ແລະ ກໍາລັງສຸມໃສ່ການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີໃຫ້ເກີດຜົນເປັນຈິງ. ເຖິງວ່າສະພາບດ້ານການເງິນທັງພາຍໃນປະເທດ ແລະ ສາກົນກໍາລັງພົບຄວາມຫຍຸ້ງຍາກທີ່ບໍ່ເອື້ອອໍານວຍທາງດ້ານລາຍຮັບບໍ່ສາມາດສະໜອງລາຍຈ່າຍໄດ້ຕາມແຜນ.
ແຕ່ຍ້ອນຄວາມສູ້ຊົນບຸກບືນ ແລະ ຄວາມເປັນເຈົ້າ, ຄວາມຮັບຜິດຊອບຂອງພະນັກງານຂັ້ນສູນກາງ ແລະ ທ້ອງຖິ່ນພາຍໃຕ້ການຊີ້ນໍາ-ນໍາພາຢ່າງໃກ້ສິດຂອງການນໍາ ແລະ ລັດຖະບານການຈັດຕັ້ງແຜນງົບປະມານແຫ່ງລັດມີຜົນສໍາເລັດຫລາຍດ້ານທີ່ພົ້ນເດັ່ນອັນເປັນພື້ນຖານທີ່ດີສໍາລັບບາດກ້າວການຂະຫຍາຍຕົວຂອງວຽກງານວິຊາການຄັງແຫ່ງຊາດໃນຕໍ່ໜ້າ.
ເຖິງຢ່າງໃດກໍຕາມຍັງເຫັນວ່າມີຫລາຍດ້ານຕ້ອງໄດ້ມີການປັບປຸງແກ້ໄຂ ເພື່ອເຮັດໃຫ້ວຽກງານຄັງເງິນແຫ່ງຊາດໃຫ້ມີການເຄື່ອນໄຫວຢ່າງຄ່ອງຕົວ, ຊອກແຫລ່ງລາຍຮັບເພື່ອສະໜອງລາຍຈ່າຍໃຫ້ໄດ້ຕາມແຜນການຊຶ່ງວຽກງານດັ່ງກ່າວແມ່ນຕ້ອງໄດ້ຮຽກຮ້ອງໃຫ້ທຸກຂະແໜງການອອ້ມຂ້າງກະຊວງການເງິນຕ້ອງໄດ້ຕັດສິນໃຈສູ້ຊົນ ຜ່ານຜ່າຮ່ວມກັນໂດຍສະເພາະບັນດາຂະແໜງລາຍຮັບຕ້ອງໄດ້ສຸມໃສ່ເກັບລາຍຮັບໃຫ້ບັນລຸຕາມຄາດໝາຍທີ່ວາງໄວ້,ບັນດາຫົວໜ່ວຍງົບປະມານຈະຕ້ອງໄດ້ຄຸ້ມຄອງລາຍຈ່າຍ ໃຫ້ມີຄວາມຮັດກຸມປະຕິບັດຕາມທິດປະຢັດຂອງລັດຖະບານ, ຂອດປະສານງານລະຫວ່າງຄັງເງິນແຫ່ງຊາດ, ງົບປະມານ, ການຈັດຕັ້ງເກັບລາຍຮັບ ແລະ ບັນດາຫົວໜ່ວຍງົບປະມານຕ້ອງໄດ້ປັບປຸງໃຫ້ມີຄວາມຄ່ອງຕົວ ແລະ ແບ່່ງຄວາມຮັບຜິດຊອບໃຫ້ຊັດເຈນ.
ພ້ອມກັນນີ້, ໃນກອງປະຊຸມຍັງໄດ້ສະເໜີທິດທາງແຜນການປີ 2018 ແລະ ໄດ້ປະກາດຊັບຊ້ອນ, ບັນຈຸພະນັກງານວິຊາການຄັງເງິນແຫ່ງຊາດຄືນໃໝ່ເພື່ອເຮັດໃຫ້ການຈັດຕັ້ງປະຕິບັດວຽກງານຂອງຄັງເງິນແຫ່ງຊາດມີຄວາມສະດວກວ່ອງໄວ, ທັນສະໄໝ ແລະ ທັນເວລາ ແລະ ເຮັດໃຫ້ການຈັດເກັບລາຍຮັບເຂົ້າງົບປະມານໄດ້ຕາມແຜນການທີ່ກໍານົດໄວ້ໃນປີ 2018 ນີ້ອີກດ້ວຍ.
ພາບ-ຂ່າວ: ອາພັດສະລາ

ວັນທີອອກຂ່າວ: 
16/02/2018
ວັນທີ່ເກີດຂ່າວ: 
16/02/2018
ສຸກ, 16 ກຸມພາ, 2018 - ອັງຄານ, 16 ກຸມພາ, 2021
ເອກະສານຂະໜາດ
a800.jpg254.25 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 30,290,069
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30