an image an image

ຄັງເງິນແຫ່ງຊາດ ຈັດກອງປະຊຸມຄັງເງິນທົ່ວປະເທດ

pulpit rockpulpit rock

ໃນວັນທີ 17-19 ສິງຫາ 2016 ຄັງເງິນແຫ່ງຊາດ ກະຊວງການເງິນ ໄດ້ຈັດກອງປະຊຸມຄັງເງິນທົ່ວປະເທດ ຂຶ້ນທີ່ຫໍປະຊຸມສູນການຮ່ວມມືລາວ-ຍີ່ປຸ່ນ ໂດຍການເປັນປະທານຂອງທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ມີທ່ານ ນາງ ທິບພະກອນ ຈັນທະວົງສາ, ຮອງລັດຖະມົນຕີກະຊວງການເງິນ, ມີບັນດາຄະນະກົມ, ຫົວຫນ້າຄັງເງິນແຫ່ງຊາດປະຈຳແຕ່ລະແຂວງທົ່ວປະເທດ ພ້ອມດ້ວຍຜູ້ຕາງຫນ້າຈາກຄັງເງິນ ຂອງແຕ່ລະກະຊວງເຂົ້າຮ່ວມ.

ໃນໂອກາດນີ້, ທ່ານ ສົມດີ ດວງດີ, ໄດ້ມີບາງຄຳເຫັນ ແລະ ກ່າວເປີດກອງປະຊຸມຄັ້ງນີ້ວ່າ: ຄືດັ່ງທີ່ຮູ້ນຳກັນແລ້ວວ່າ ສະພາບການຈັດຕັ້ງປະຕິບັດ ແຜນງົບປະມານແຫ່ງລັດສົກປີ 2015-2016 ແມ່ນມີຄວາມຫຍຸ້ງຍາກຝືດເຄືອງ ແລະ ມີສິ່ງທ້າທາຍຫລາຍດ້ານ ເປັນແຜນງົບປະມານທີ່ສູ້ຊົນສູງ ເຊິ່ງຕາມການຕີລາຄາຂອງລັດຖະບານກໍ່ຄືກະຊວງການເງິນ ເຫັນວ່າເປັນແຜນທີ່ມີງົບປະມານລາຍຈ່າຍສູງກວ່າຄວາມສາມາດທາງດ້ານລາຍຮັບ ແລະ ແຫລ່ງທຶນມາດຸ່ນດ່ຽງງົບປະມານ, ນອກນັ້ນ ຍັງໄດ້ຮັບຜົນກະທົບຈາກປັດໃຈພາຍນອກເປັນຕົ້ນ ສະພາບເສດຖະກິດຂອງປະເທດເຮົາ ແລະ ປະເທດອ້ອມຂ້າງ, ສ່ວນປັດໃຈພາຍໃນກໍຍັງແມ່ນການຄຸ້ມຄອງພາຍໃນຍັງບໍ່ທັນຮັດກຸມ, ການເກັບລາຍຮັບບໍ່ທັນທົ່ວເຖິງຄົບຖ້ວນ ເກັບບໍ່ຫມົດ ແລະ ຍັງມີການຮົ່ວໄຫລ ໃນທຸກຂົງເຂດຂະແຫນງການທີ່ມີລາຍຮັບ. ຍ້ອນເຫັນໄດ້ ຄວາມຈຳເປັນ ແລະ ເພື່ອຮັບປະກັນການປະຕິບັດແຜນງົບປະມານໃຫ້ສາມາດບັນລຸໄດ້ຕາມຄາດຫມາຍ, ຍ້ອນລາຍຮັບບໍ່ສາມາດຈັດເກັບໄດ້ຕາມແຜນ ເຮັດໃຫ້ສົ່ງຜົນກະທົບຕໍ່ແຜນລາຍຈ່າຍພົບຂໍ້ຫຍຸ້ງຍາກ ບໍ່ຄ່ອງໂຕ, ເຊິ່ງໃນ 10 ເດືອນສົກປີ 2015-2016 ຂອງຂະແຫນງການເງິນສາມາດປະຕິບັດໄດ້ພຽງ 74,52%, ທຽບໃສ່ຄາດຄະເນປະຕິບັດຫມົດປີ, ຍ້ອນວ່າລາຍຮັບບໍ່ໄດ້ຕາມແຜນ ໃນແຕ່ລະງວດ ກະຊວງການເງິນຈຶ່ງໄດ້ປະສານສົມທົບ ກັບທະນາຄານແຫ່ງ ສປປລາວ ລະດົມທຶນ ດ້ວຍການຈຳຫນ່າຍພັນທະບັດ ແລະ ກູ້ຢືມ ເພື່ອແກ້ໄຂສະພາບຄ່ອງ ຂອງງົບປະມານ. ກອງປະຊຸມຄັ້ງນີ້ ແມ່ນມີຄວາມຫມາຍສຳຄັນຫລາຍ ເພື່ອປຶກສາຫາລື ແລະ ຊອກຫາວິທີທາງແກ້ໄຂຂໍ້ຄົງຄ້າງ ບັນຫາສິ່ງທ້າທາຍຕ່າງໆ ເພື່ອເຮັດໃຫ້ຂະແຫນງການເງິນສາມາດບັນລຸໄດ້ຫນ້າທີ່ການເມືອງ ທີ່ໄດ້ຮັບການມອບຫມາຍຈາກລັດຖະບານ./
ພາບ+ຂ່າວ: ວັນຊະນະ

ວັນທີອອກຂ່າວ: 
23/08/2016
ວັນທີ່ເກີດຂ່າວ: 
17/08/2016
ອັງຄານ, 23 ສິງຫາ, 2016 - ສຸກ, 23 ສິງຫາ, 2019
ເອກະສານຂະໜາດ
_MG_6866.jpg555.28 KB
_MG_6872.jpg769.11 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 22,727,093
  • ເລີ້ມຕັ້ງແຕ່ = 20/03/2009

ປະຕິທິນ

 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31