an image an image

ຄະນະພັກຮາກຖານກົມພາສີດໍາເນີນຊີວິດການເມືອງປັບປຸງປົວແປງພັກ

pulpit rockpulpit rock

ໃນວັນທີ 19 ມິຖຸນາ 2017 ທີ່ຫ້ອງປະຊຸມພະແນກກວດກາພາສີ ແລະ ຕ້ານການຄ້າຂາຍເຖື່ອນ I, II, III ບ້ານໜອງ ເມືອງໄຊເຊດຖາ ນະຄອນຫລວວຽງຈັນ, ຄະນະພັກຮາກຖານກົມພາສີໄດ້ຈັດກອງປະຊຸມບັ້ນດໍາເນີນຊີວິດການເມືອງປັບປຸງປົວແປງທົ່ວຄະນະພັກຮາກຖານ ໂດຍການເຂົ້າຮ່ວມຂອງສະຫາຍ ບຸນໂຈມ ອຸບົນປະເສີດ ຮອງເລຂາຄະນະພັກ ຄະນະປະຈຳພັກ ປະທານກວດກາພັກ ຮອງລັດຖະມົນຕີກະຊວງການເງິນ, ມີສະຫາຍ ບຸນປະເສີດ ສີກຸນລະບຸດ ເລຂາຄະນະພັກຮາກຖານ ຮັກສາການຫົວໜ້າກົມພາສີ, ມີສະມາຊິກພັກ, ພະນັກງານ ຫລັກແຫລ່ງອ້ອມຂ້າງກົມພາສີເຂົ້າຮ່ວມ.
ບັ້ນດໍາເນີນຊີວິດການເມືອງປັບປຸງປົວແປງຂອງຄະນະພັກຮາກຖານກົມພາສີໃນຄັ້ງນີ້, ທ່ານ ສົມພິດ ແສງມະນີວົງ ຮອງເລຂາຄະນະພັກຮາກຖານ ຮອງຫົວໜ້າກົມພາສີ ໄດ້ຜ່ານບົດສະຫລຸບຕີລາຄາຄວາມຮັບຜິດຊອບ, ຜົນສໍາເລັດ, ຂໍ້ບົກຜ່ອງ ແລະ ວິທີທາງແກ້ໄຂຂອງຄະນະພັກຮາກຖານກົມພາສີ, ກວດກາຄືນຈຸດດີ, ຈຸດອ່ອນຂອງການຊີ້ນຳ-ນຳພາ, ການຄຸ້ມຄອງ, ການເສີມຂະຫຍາຍດ້ານຕັ້ງໜ້າ ແລະ ເດັດດ່ຽວແກ້ໄຂຂໍ້ຄົງຄ້າງ ກໍຄືດ້ານອ່ອນໃນຜ່ານມາ ເພື່ອສາມາດເຮັດສຳເລັດໜ້າທີ່ການເມືອງ ທີ່ຄະນະພັກຮາກຖານ ແລະ ໜ່ວຍພັກວາງໄວ້.
ນອກນັ້ນ ບັນດາສະຫາຍສະມາຊິກພັກຍັງໄດ້ຜ່ານບົດສໍາຫລວດບຸກຄົນພາຍໃນຄະ ນະພັກ ແລະ ສະມາຊິກພັກ ຕິດພັນກັບການຕິຊົມຕົນເອງ ແລະ ຕິຊົມເຊິ່ງກັນ ແລະ ກັນຢ່າງເລິກເຊິ່ງ, ໜັກແໜ້ນ ແລະ ເຂັ້ມງວດ ພ້ອມດຽວກັນນີ້, ໄດ້ປຶກສາຫາລືວິທີການ, ມາດຕະການເພື່ອແກ້ໄຂ, ຈຸດອ່ອນ ແລະ ຂໍ້ຂາດຕົກບົກຜ່ອງດ້ານຕ່າງໆ.
ໃນກອງປະຊຸມດໍາເນີນຊີວິດການເມືອງ ສະຫາຍ ບຸນໂຈມ ອຸບົນປະເສີດ ໄດ້ຍ້ອງຍໍຊົມເຊີຍຕໍ່ຜົນສໍາເລັດຂອງຄະນະພັກຮາກຖານກົມພາສີ ຕໍ່ຜົນງານດ້ານການນໍາພາຂອງຄະນະພັກຮາກຖານທີ່ຍາດມາໄດ້ໃນໄລຍະທີ່ຜ່ານມາຊື່ງມີຫລາຍອັນທີ່ພົ້ນເດັ່ນ, ສະມາຊິກພັກແຕ່ລະສະຫາຍມີຄວາມຕັດສິນໃຈສູງຜ່ານຜ່າຄວາມຫຍຸ້ງຍາກແກ້ໄຂບັນຫາຕ່າງໆເຫັນໄດ້ວ່າມີຫລາຍອັນດີຂື້ນທຽບໃສ່ເມື່ອກ່ອນ. ສືບຕໍ່ຝຶກຝົນຫລໍ່ຫລອມດ້ານຄຸນທາດການເມືອງ ແລະ ຄຸນສົມບັດສິນທຳປະຕິວັດ, ຕັ້ງໜ້າປັບປຸງແບບແຜນວິທີນຳພາ ແລະ ວິທີເຮັດວຽກຂອງພັກໃຫ້ເຂັ້ມງວດ, ແກ້ໄຂພະຍາດອາດຍາສິດ ຊື່ງການປັບປຸງປົວແປງຄັ້ງນີ້ ກໍເພື່ອເຮັດໃຫ້ບັ້ນດໍາເນີນຊີວິດການເມືອງຂອງຄະນະພັກຮາກຖານກົມພາສີມີຜົນສໍາເລັດ ແລະ ຕ້ອງຫັນປ່ຽນຈາກອັນເກົ່າໄປສູ່ອັນໃໝ່ ຢ່າງແທ້ຈິງ.
ກອງປະຊຸມໃນຄັ້ງນີ້, ຈະດຳເນີນໄປເປັນ ໄລຍະເວລາ 5 ວັນ, ນັບຕັ້ງແຕ່ວັນທີ 19-27 ມິຖຸນາ 2017 ຈຶ່ງຈະສໍາເລັການສະຫລຸບຕີລາຄາຄວາມຮັບຜິດຊອບ, ຜົນສໍາເລັດຂໍ້ບົກຜ່ອງ ແລະ ວິທີທາງແກ້ໄຂຂອງຄະນະພັກຮາກຖານ.
ພາບ-ຂ່າວ:ຫັດທະພອນ

ວັນທີອອກຂ່າວ: 
30/06/2017
ວັນທີ່ເກີດຂ່າວ: 
19/06/2017
ພຸດ, 19 ມິຖຸນາ, 2019 - ສຸກ, 19 ມິຖຸນາ, 2020
ເອກະສານຂະໜາດ
a464.jpg480.06 KB
a465.jpg458.13 KB
a466.jpg504.17 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 28,763,168
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31