an image an image

ຄະນະກົມຕິດຕາມການສຳຫລວດຫົວໜ່ວຍທຸລະກິດຢູ່ເມືອງຈັນທະບູລີ

pulpit rock
ໃນທ້າຍອາທິດຜ່ານມາ, ຄະນະກົມກະຊວງການເງິນນຳໂດຍທ່ານ ປອ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ແລະ ທ່ານ ປອ ບຸນເຫລືອ ສິນໄຊວໍຣະວົງ ຫົວໜ້າກົມນະໂຍບາຍການເງິນ ແລະ ນິຕິກຳກະຊວງການເງິນ, ພ້ອມດ້ວຍຄະນະໄດ້ເຄື່ຶອນໄຫວຕິດຕາມຄວາມຄືບໜ້າໃນການເດີນສຳຫລວດບັນດາຫົວໜ່ວຍທຸລະກິດ 4 ເມືອງນະຄອນຫລວວຽງຈັນ ໂດຍການຕ້ອນຮັບ ແລະ ລາຍງານຂອງທ່ານ ນາງ ຖະໜອມຈິດ ບໍລະວົງ ຕາງໜ້າສູນສະຖິຕິ ເມືອງຈັນທະບູລີ, ມີຕາງໜ້າຈາກສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ, ພ້ອມດ້ວຍນັກເດີນສຳຫລວດເຂົ້າຮ່ວມ.
ທ່ານ ນາງ ຖະໜອມຈິດ ບໍລະວົງ ໄດ້ລາຍງານໃຫ້ຮູ້ວ່າ: ການເດີນສຳຫລວດໃນຄັ້ງນີ້, ແມ່ນໄດ້ຮັບການຮ່ວມມືຈາກບັນດາຫົວໜ່ວຍທຸລະກິດ, ຄະນະບ້ານແຕ່ລະບ້ານຕິດຕາມຢ່າງໃກ້ຊິດ ແລະ ໄດ້ນຳໃຊ້ອຸປະກອນທີ່ທັນສະໄໝເຂົ້າໃນການຕິດຕັ້ງຂອງຮ້ານ (GPS) ແລະ ບັນທຶກຂໍ້ມູນລະອຽດຂອງຮ້ານ. ສະເພາະເມືອງຈັນທະບູລີໄດ້ເລີ່ມການສຳຫລວດມາແຕ່ວັນທີ 5 ກຸມພາ 2018 ມີທັງໝົດ 30 ບ້ານ ແລະ ໄດ້ສຳເລັດເບື້ອງຕົ້ນການເດີນສຳຫລວດ 3 ບ້ານຄື: ບ້ານໜອງປີງ ມີທັງໝົດ 71 ຫົວໜ່ວຍ, ບ້ານບໍ່ນາງົວ 45 ຫົວໜ່ວຍ ແລະ ບ້ານຫ້ວຍຫົງໄດ້ 200 ກວ່າຫົວໜ່ວຍ, ສ່ວນບັນດາບ້ານຕ່າງໆພາຍໃນເມືອງຈັນທະບູລີຄາດວ່າຈະໃຫ້ສໍາເລັດພາຍໃນວັນທີ 10 ມີນາ 2018, ສ່ວນບັນດາເມືອງສີສັດຕະນາກ, ເມືອງ ສີໂຄດຕະບອງ ແລະ ເມືອງໄຊເສດຖາ ຈະສືບຕໍ່ສຳຫລວດໃຫ້ສຳເລັດຕາມຄາດໝາຍທີ່ວາງໄວ້.
ໃນວັນດຽວກັນ, ຄະນະກົມກະຊວງການເງິນ ຍັງໄດ້ໄປຕິດຕາມລະບົບຂໍ້ມູນຢູ່ສູນສະຖິຕິແຫ່ງຊາດ ເພື່ອເບິ່ງການບັນທຶກຂໍ້ມູນໃນການເດີນສໍາຫລວດຂອງໜ່ວຍປະຕິບັດງານຢູ່ພາກສະໜາມ ເພື່ອຄວາມຖືກຕ້ອງຊັດເຈນຄົບຖ້ວນ ແລະ ຕິດຕາມການເພີ່ມຂຶ້ນຫລຸດລົງຂອງຫົວໜ່ວຍທຸລະກິດ ແລະ ບັນຫາອື່ນໆ...ໂຄງການເດີນສໍາຫລວດຫົວໜ່ວຍທຸລະກິດຢູ່ 4 ເມືອງໃນນະຄອນຫລວງວຽງຈັນຄື: ເມືອງຈັນທະບູລີ, ເມືອງສີສັດຕະນາກ, ເມືອງ ສີໂຄດຕະບອງ ແລະ ເມືອງໄຊເສດຖາ ເປັນໂຄງການສໍາຫລວດເກັບກຳຂໍ້ມູນທີ່ສໍາຄັນ ແລະ ຖືເປັນໂຄງການໂຕແບບຂອງລັດຖະບານໃນການເພີ່ມຄວາມໂປ່ງໃສ ແລະ ອັດການຮົ່ວໄຫລຂອງລາຍຮັບ,ຫັນເອົາລະບົບຂໍ້ມູນຖານລາຍຮັບເຂົ້າສູ່ການຄຸ້ມຄອງດ້ວຍເຄື່ອງມືທັນສະໄໝ ສາມາດເຊື່ອມໂຍງກັນໄດ້ໃນຂອບເຂດທົ່ວປະເທດ ແລະ ຫັນເອົາການຊຳລະພັນທະພາສີ-ອາກອນ ແລະ ຄ່າທຳນຽມຕ່າງໆຜ່ານລະບົບທະນາຄານ.
ຈຸດປະສົງໃນການສຳຫລວດເກັບກຳຫົວໜ່ວຍທຸລະກິດໃນຄັ້ງນີ້, ແມ່ນເພື່ອຄວາມຖືກຕ້ອງຄົບຖ້ວນຕາມຕົວຈິງ ແລະ ສອດຄ່ອງກັບຄວາມເປັນຈິງໃນເງື່ອນໄຂການຂະຫຍາຍຕົວຂອງເສດຖະກິດໃນປັດຈຸບັນ, ເປັນການເກັບກຳຖານຂໍ້ມູນເພື່ອສືບຕໍ່ພັດທະນາລະບົບການຊຳລະພັນທະອາກອນ ແລະ ຄ່າທຳນຽມຕ່າງໆຜ່ານລະບົບທະ ນາ ຄານໃຫ້ສົມບູນໃນອານາຄົດ ແລະທັງເປັນການສືບຕໍ່ຈັດຕັ້ງຜັນຂະຫຍາຍຄຳສັ່ງຂອງທ່ານນາຍົກລັດຖະມົນຕີສະບັບເລກທີ 40/ນຍ, ລົງວັນທີ 29 ກັນຍາ 2016 ກ່ຽວກັບການລົງເກັບກຳ ແລະ ສຳຫລວດຖານລາຍຮັບງົບປະມານຄືນໃໝ່ໃນຂອບເຂດທົ່ວປະເທດໃຫ້ສໍາເລັດຜົນ.
ຂ່າວ-ພາບ: ສຸວັນໄຊ-ຫັດທະພອນ

ວັນທີອອກຂ່າວ: 
16/02/2018
ວັນທີ່ເກີດຂ່າວ: 
16/02/2018
ສຸກ, 16 ກຸມພາ, 2018 - ອັງຄານ, 16 ກຸມພາ, 2021
ເອກະສານຂະໜາດ
a811.jpg170.62 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 28,102,046
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30