an image an image

ກົມສ່ວຍສາອາກອນຈັດຝຶກອົບຮົມການເປັນຄູຝຶກ ກ່ຽວກັບການຄຸ້ມຄອງ ແລະການນໍາໃຊ້ເຄື່ອງບັນທຶກການຂາຍສິນຄ້າ ແລະ ບໍລິການ

pulpit rock
ໃນວັນທີ 30 ພຶດສະພາ 2017 ທີ່ໂຮງແຮມລ້ານຊ້າງ ນະຄອນຫລວງວຽງຈັນ, ກົມສ່ວຍສາອາກອນໄດ້ຈັດຊຸດຝຶກອົບຮົມການເປັນຄູຝຶກໃຫ້ແກ່ພະແນກສ່ວຍສາອາກອນແຕ່ລະແຂວງທົ່ວປະເທດ ກ່ຽວກັບການຄຸ້ມຄອງ ແລະການນໍາໃຊ້ເຄື່ອງບັນທຶກການຂາຍສິນຄ້າ ແລະ ບໍລິການ, ການອອກໃບເກັບເງິນທີ່ອອກດ້ວຍເຄື່ອງເອເລັກໂຕຣນິກ ໂດຍການເປັນປະທານຂອງທ່ານ ປອ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ, ມີບັນດາຫົວໜ້າພະແນກ-ຮອງພະແນກ ຈາກພະແນກສ່ວຍສາອາກອນທົ່ວປະເທດເຂົ້າຮ່ວມ.
ເພື່ອເປັນການສືບຕໍ່ເຜີຍແຜ່ນິຕິກໍາທີ່ອອກໃໝ່ 2 ສະບັບ ຂອງກະຊວງການເງິນ ກ່ຽວກັບການຄຸ້ມຄອງ ແລະ ການນໍາໃຊ້ເຄື່ອງບັນທຶກການຂາຍສິນຄ້າ ແລະ ບໍລິການ, ການອອກໃບເກັບເງິນທີ່ອອກດ້ວຍເຄື່ອງເອເລັກໂຕຣນິກໃຫ້ເປັນເອກະພາບທົ່ວເຖິງໃນຂອບເຂດທົ່ວປະເທດ, ກົມສ່ວຍສາອາກອນ ຈຶ່ງໄດ້ຈັດຊຸດຝຶກອົບຮົມໃຫ້ນັກສໍາມະນາກອນທີ່ມາຈາກແຕ່ລະແຂວງ ໃຫ້ເຂົ້າໃຈ ແລະ ຮູ້ໄດ້ເຖິງການຈັດຕັ້ງປະຕິບັດວຽກງານດັ່ງກ່າວ ແລະ ສາມາດນໍາໄປເຜີຍແຜ່ໃຫ້ນັກທຸລະກິດພາຍໃນແຂວງຂອງຕົນໄດ້ເຂົ້າໃຈເລີກເຊິ່ງ ສາມາດຈັດຕັ້ງ ປະຕິບັດຖືກຕ້ອງຕາມ ລະບຽບກົດໝາຍທີ່ວາງອອກເຊິ່ງໃນນະຄອນຫລວງວຽງຈັນ ກໍ່ໄດ້ມີການ ເຜີຍແຜ່ຈັດຕັ້ງປະຕິບັດສໍາເລັດແລ້ວ 5 ຕົວເມືອງຄື: ເມືອງຈັນທະບູລີ, ເມືອງໄຊເສດຖາ, ເມືອງສີສັດຕະນາກ, ເມືອງໄຊທານີ ແລະ ເມືອງສີໂຄດຕະບອງ, ນອກນັ້ນຈະໄດ້ສືບຕໍ່ເຜີຍແຜ່ໃຫ້ສຳເລັດທົ່ວນະຄອນຫລວງ.
ໃນການຝຶກອົບຮົມດັ່ງກ່າວ ແມ່ນໄດ້ມີການແນະນໍາກ່ຽວກັບການຄຸ້ມຄອງ ແລະ ການນໍາໃຊ້ເຄື່ອງບັນທຶກການຂາຍສິນຄ້າ ແລະ ບໍລິການ, ທັງນໍາສະເໜີບາງບົດຮຽນໃນການລົງສໍາຫລວດຂໍ້ມູນ ແລະ ການກວດກາລະບົບການນໍາໃຊ້ເຄື່ອງບັນທຶກການຂາຍສິນຄ້າ ແລະ ການບໍລິການ ໃຫ້ແກ່ບຸກຄະລາກອນອີກດ້ວຍ ເພື່ອເປັນບົດຮຽນໃນການນໍາໄປຈັດຕັ້ງຜັນຂະຫຍາຍວຽກງານດັ່ງກ່າວໃນແຂວງຂອງຕົນ. ທັງນີ້, ກໍ່ເພື່ອເປັນການເຮັດໃຫ້ການຈັດເກັບລາຍຮັບເຂົ້າງົບປະມານໃນປີ 2017 ນີ້ ບັນລຸຕາມແຜນການທີ່ວາງໄວ້.
ໂອກາດນີ້, ທ່ານ ປອ ພູທະນູເພັດ ໄຊສົມບັດ ຍັງໃຫ້ຮູ້ວ່າ: ກອງປະຊຸມໃນຄັ້ງນີ້ແມ່ນໄດ້ດໍາເນີນໄປເປັນເວລາ 2 ວັນ ເຊິ່ງມີຄວາມຫມາຍຄວາມສຳຄັນ ທີ່ສຸດໃນການສ້າງຄວາມເຂັ້ມແຂງ ໃຫ້ມີຄວາມຊັດເຈນ ໃນດ້ານຖານຂໍ້ມູນທີີ່ສຳຄັນ ໃນວຽກງານສ່ວຍສາອາກອນ ຂອງບັນດາຫົວຫນ່ວຍທຸລະກິດ ມີຄວາມໂປ່ງໄສ ວ່ອງໄວ ສາມາດຕິດຕາມກວດໄດ້ ແລະ ຫັນເຂົ້າສູ່ລະບຽບກົດຫມາຍ ເປັນພື້ນຖານທີ່ຫມັ້ນຄົງ ໃນການຈັດເກັບລາຍຮັບເຂົ້າງົບປະມານ ໄດ້ດີຂຶ້ນເປັນກ້າວໆ.
ພາບ/ຂ່າວ: ອາພັດສະລາ

ວັນທີອອກຂ່າວ: 
02/06/2017
ວັນທີ່ເກີດຂ່າວ: 
30/06/2017
ສຸກ, 2 ມິຖຸນາ, 2017 - ອັງຄານ, 2 ມິຖຸນາ, 2020
ເອກະສານຂະໜາດ
a399.jpg504 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 22,160,350
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30