an image an image

ກົມຄຸ້ມຄອງຊັບສິນຂອງລັດ ເຄື່ອນໄຫວກິດຈະກຳ ເພື່ອຕ້ອນຮັບວັນສ້າງຕັ້ງສະຫະພັນແມ່ຍິງລາວ ຄົບຮອບ 62 ປີ

pulpit rock
ເພື່ອເປັນການສ້າງຂະບວນການຂໍ່ານັບຮັບຕ້ອນ ວັນສ້າງຕັ້ງສະຫະພັນແມ່ຍິງລາວ ຄົບຮອບ 62 ປີ (ວັນທີ 20 ກໍລະກົດ 1955 ຫາ 20 ກໍລະກົດ 2017) ໃຫ້ມີຄວາມໝາຍຄວາມສຳຄັນ ແລະ ສ້າງຄວາມສາມັກຄີພາຍໃນໃຫ້ມີຄວາມແໜ້ນແຟ້ນ, ໃນວັນທີ 7 ກໍລະກົດ 2017 ກົມຄຸ້ມຄອງຊັບສິນຂອງລັດ ກະຊວງການເງິນ ໄດ້ເຄື່ອນໄຫວກິດຈະກຳລ້ຽງອາຫານນັກຮຽນ ແລະ ມອບອຸປະກອນການຮຽນໃຫ້ສູນວິຊາຊີບຄົນພິການສີເກີດ ເມືອງນາຊາຍທອງ ນະຄອນຫລວງວຽງຈັນ ນຳພາໂດຍ ທ່ານ ນາງ ກະເສີມສີ ພົມມະວົງສາ ຫົວໜ້າກົມຄຸ້ມຄອງຊັບສິນຂອງລັດ, ມີ ທ່ານ ນາງ ແກ້ວພູທອນ ອິນທະວົງ ຮອງປະທານສະຫະພັນແມ່ຍິງກະຊວງການເງິນ ຫົວໜ້າພະແນກບໍລິຫານ-ຈັດຕັ້ງ ພ້ອມດ້ວຍສະມາຊິກພະນັກງານ 3 ອົງການຈັດຕັ້ງອ້ອມຂ້າງກະຊວງເຂົ້າຮ່ວມຢ່າງເປັນຂະບວນການຟົດຟື້ນ.
ໂອກາດດັ່ງກ່າວ, ທ່ານ ທອງສີ ເທບທຳວົງ ຜູ້ອຳນວຍການໂຮງຮຽນວິຊາຊີບຄົນພິການສີເກີດ ໄດ້ໃຫ້ຮູ້ວ່າສູນວິຊາຊີບຄົນພິການສີເກີດ ໄດ້ຮັບທຶນສະໜັບສະໜູນຈາກ ມູນນິທິສົ່ງເສີມການສຶກສາ ຄະນະເຊີ ເຊນປອນ ເດິຊາດ ປະເທດໄທ ຊື່ງໃນແຕ່ລະປີຈະມີນັກສຶກສາເຂົ້າມາຮຽນເປັນຈໍານວນຫລາຍ ສູນດັ່ງກ່າວໄດ້ສ້າງຕັ້ງຂື້ນມາໄດ້ 17 ປີ, ໃນປີ 2017 ເປັນລຸ້ນທີ 11 ມີຈຳນວນນັກຮຽນທັງໝົດ 80 ກວ່າຄົນ ແລະ ສາມາດປະກອບອາຊີບດ້ວຍຕົນເອງ ແລະ ຮັບໃຊ້ສັງຄົມໄດ້ຫລາຍພັນຄົນ, ປັດຈຸບັນສູນດັ່ງກ່າວໄດ້ມີສາຂາຢູ່ແຂວງຈຳປາສັກ, ຄຳມ່ວນ, ສະຫວັນນະເຂດ, ຫລວງພະບາງ ແລະ ແຊວງຊຽງຂວາງ. ພ້ອມດຽວກັນນັ້ນ ທ່ານ ທອງສີ ເທບທໍາວົງ ກໍ່ໄດ້ສະແດງຄວາມຂອບໃຈ ແລະ ຮູ້ບຸນຄຸນມາຍັງກະຊວງການເງິນ ທີ່ໄດ້ມີນຳໃຈໃນການມາຊ່ວຍເຫລືອໃນຄັ້ງນີ້ ແລະ ອວຍພອນໃຫ້ຄະນະທີ່ມາຊ່ວຍຫລືອໃນຄັ້ງນີ້ຈົ່ງມີສຸຂະພາບແຂງແຮງ, ປະສົບຜົນສໍາເລັດໃນໜ້າທີ່ວຽກງານ ແລະ ສືບຕໍ່ປະກອບສ່ວນຊ່ວຍເຫລືອສັງຄົມດ້ານອື່ນໆອີກດ້ວຍ.
ພາບ-ຂ່າວ: ຫັດທະພອນ-ສຸວັນໄຊ

ວັນທີອອກຂ່າວ: 
14/07/2017
ວັນທີ່ເກີດຂ່າວ: 
07/07/2017
ສຸກ, 7 ກໍລະກົດ, 2017 - ອັງຄານ, 7 ກໍລະກົດ, 2020
ເອກະສານຂະໜາດ
a424.jpg467.53 KB
a425.jpg328.54 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 23,234,224
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30