an image an image

ກົມຄຸ້ມຄອງຊັບສິນຂອງລັດ ເກັບລາຍຮັບບໍ່ໄດ້ຕາມແຜນ ຍ້ອນມີໜີ້ຄ້າງມອບ

pulpit rock
ການຈັດຕັ້ງປະຕິບັດວຽກງານຄຸ້ມຄອງຊັບສິນຂອງລັດປະຈຳປີ 2017 ມາຮອດວັນທີ 18 ທັນວາ 2017 ປະຕິບັດໄດ້ 1.868 ຕື້ກີບ ເທົ່າກັບ 76,53% ຂອງແຜນການປີ, ສາເຫດຍ້ອນມີຫລາຍບໍລິສັດມີໜີ້ຄ້າງມອບຄ່າຊັບພະຍາກອນ ແລະ ການປະຕິະບັດລາຍຮັບທ້ອງຖິ່ນຫລາຍແຂວງບໍ່ໄດ້ຕາມແຜນການ.
ທ່ານ ນາງ ກະເສີມສີ ພົມມະວົງສາ ຫົວໜ້າກົມຄຸ້ມຄອງຊັບສິນຂອງລັດ ກະຊວງການເງິນ ໄດ້ລາຍງານຕໍ່ກອງປະຊຸມແນະນໍາການຈັດຕັ້ງປະຕິບັດແຜນງົບປະມານແຫ່ງລັດປະຈໍາປີ 2017 ທີ່ຈັດຂຶ້ນໃນວັນທີ 26 ທັນວາ 2017 ທີ່ຫໍປະຊຸມແຫ່ງຊາດ (ຫລັກ 6) ເຊິ່ງໄດ້ຍົກໃຫ້ເຫັນສະພາບຄຸ້ມຄອງເກັບລາຍຮັບສົກປີ 2017 ຊຶ່ງໄດ້ຮັບຕົວເລກຈັດເກັບລາຍຮັບເຂົ້າງົບປະມານ 2.441 ຕື້ກີບ, ມາຮອດວັນທີ 18 ທັນວາ 2017 ປະຕິບັດໄດ້ 1.868 ຕື້ກີບ ເທົ່າກັບ 76,53% ຂອງແຜນການປີ, ໃນນັ້ນແມ່ນລາຍຮັບປົກກະຕິ (ບໍ່ລວມຈົດຮັບ-ຈົດຈ່າຍ) ປະຕິບັດໄດ້ 1.781 ຕື້ກີບ ເທົ່າກັບ 101,25% ຂອງແຜນການປີ, ລາຍຮັບທ້ອງຖິ່ນປະຕິບັດໄດ້ 240,77 ຕື້ກີບ ເທົ່າກັບ 92,60% ຂອງແຜນການປີຂາຍໄມ້ປະຕິບັດໄດ້ 41 ຕື້ກີບ ເທົ່າກັບ 7,64% ຂອງແຜນການປີ. ທັງນີ້, ກໍ່ເນື່ອງຈາກວ່າເງິນຂາຍໄມ້ຊຳລະໂຄງການຍັງບໍ່ສາມາດຈັດຕັ້ງປະຕິບັດໄດ້, ມີໜີ້ຄ້າງມອບຄ່າຊັບພະຍາກອນຂອງບໍລິສັດ ພູເບ້ຍມາຍນິງ, ໜີ້ຄ້າງມອບຄ່າພາກຫລວງຂອງບໍລິສັດ ໄຟຟ້າຫົງສາ, ໜີ້ຄ້າງມອບຄ່າສຳປະທານເພື່ອຊອກຄົ້ນ, ສຳຫລວດ ຫລື ຂຸດຄົ້ນບໍ່ແຮ່ທາດ ພ້ອມນັ້ນ, ການເກັບລາຍຮັບທ້ອງຖິ່ນຫລາຍແຂວງບໍ່ສາມາດປະຕິບັດໄດ້ຕາມແຜນການທີ່ວາງໄວ້.
ສຳລັບປີ 2018 ກົມຄຸ້ມຄອງຊັບສິນຂອງລັດ ກະຊວງການເງິນ ໄດ້ຮັບຕົວເລກທັງໝົດ 1.950 ຕື້ກີບ ໃນນັ້ນແຜນປະຕິບັດຢູ່ສູນກາງ 1.676 ຕື້ກີບ, ທ້ອງຖິ່ນ (ບັນດາແຂວງ, ນະຄອນຫລວງ) 273 ຕື້ກີບ. ສະນັ້ນ, ເພື່ອບັນລຸແຜນການທີ່ວາງໄວ້ ລັດຖະບານກໍ່ຄືກົມຄຸ້ມຄອງຊັບສິນຂອງລັດ ກະຊວງການເງິນ ເນັ້ນໃສ່ສຶກສາອົບຮົມດ້ານການເມືອງແນວຄິດໃຫ້ພະນັກງານ-ລັດຖະກອນ, ຫັນວຽກງານຄຸ້ມຄອງ ແລະ ການເກັບລາຍຮັບຈາກຊັບສິນຂອງລັດເປັນທັນສະໄໝ, ປັບປຸງກົນໄກການປະສານງານໃນການຄຸ້ມຄອງເກັບລາຍຮັບ ໂດຍສະເພາະແມ່ນກົນໄກການຄຸ້ມຄອງເກັບລາຍຮັບຈາກຄ່າຊັບພະຍາກອນແຮ່ທາດ, ບິນຜ່ານ, ຊັບສິນສານຕັດສິນຮິບເປັນຂອງລັດ ແລະ ເພີ່ມທະວີຄວາມເຂັ້ມງວດວຽກງານ, ຕິດຕາມກວດກາກ່ຽວກັບການຄຸ້ມຄອງ ແລະ ນຳໃຊ້ຊັບສິນຂອງລັດເພື່ອຮັບປະກັນການຈັດຕັ້ງປະຕິບັດໃຫ້ໄດ້ຕາມແຜນການທີ່ວາງໄວ້.
ຂ່າວ-ພາບ: ສຸວັນໄຊ-ຫັດທະພອນ

ວັນທີອອກຂ່າວ: 
29/12/2017
ວັນທີ່ເກີດຂ່າວ: 
26/12/2017
ອັງຄານ, 26 ທັນວາ, 2017
ເອກະສານຂະໜາດ
a767.jpg207.67 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 31,319,326
  • ເລີ້ມຕັ້ງແຕ່ = 20/03/2009

ປະຕິທິນ

1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31