an image an image

ການເງິນ-ອາກອນນະຄອນຫລວງປັບປຸງການຈັດຕັ້ງ

pulpit rock

ໃນທ້າຍເດືອນເມສາ 2017 ຜ່ານມາ, ທີີ່ສໍານັກງານປົກຄອງນະຄອນຫລວງວຽງຈັນ, ໄດ້ມີພິທີປະກາດການຈັດຕັ້ງຂອງພະແນກການເງິນນະຄອນຫລວງ, ພະແນກສ່ວຍສາອາກອນນະຄອນຫລວງ, ບັນດາຫ້ອງການ-ການເງິນ 9 ຕົວເມືອງ, ໜ່ວຍງານຂະແໜງການເງິນ ທີ່ຂຶ້ນກັບນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ມີທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫລວງວຽງຈັນ, ບັນດາຫົວໜ້າກົມ, ຮອງກົມ, ຫົວໜ້າພະແນກການ, ຄະນະຫ້ອງການການເງິນ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.
ໂອກາດດັ່ງກ່າວ, ຕາງໜ້າກົມຈັດຕັ້ງ ແລະ ພະນັກງານ ກະຊວງການເງິນ, ຕາງໜ້ານະຄອນຫລວງວຽງຈັນ ໄດ້ຂຶ້ນຜ່ານຂໍ້ຕົກລົງວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານ ຂັ້ນຮອງພະແນກການເງິນນະຄອນຫລວງວຽງຈັນ, ຮອງພະແນກສ່ວຍສາອາກອນນະຄອນຫລວງວຽງຈັນ, ຫົວໜ້າໜ່ວຍງານ, ຂະແໜງການເງິນເມືອງ, ຫົວໜ້າຫ້ອງການ-ການເງິນເມືອງ, ຮອງຫົວໜ້າສະຖາບັນ ສສງ, ຮອງຫົວໜ້າຫ້ອງການການເງິນ, ຈຸດປະສົງການປະກາດການຈັດຕັ້ງຄັັ້ງນີ້, ແມ່ນອີງຕາມຄວາມຮຽກຮ້ອງຕ້ອງການຂອງວຽກງານ ໂດຍສະເພາະແຜນການຈັດຕັ້ງປະຕິບັດແຜນງົບປະມານປະຈຳປີ 2017 ຂອງພະແນກການເງິນນະຄອນ ຫລວງວຽງຈັນ, ໃນປີ 2017 ຕ້ອງຈັດເກັບລາຍຮັບເຂົ້າງົບປະມານໃຫ້ໄດ້ 1.100,71 ຕື້ກີບ, ສ່ວນລາຍຈ່າຍແມ່ນບໍ່ໃຫ້ເກີນ 639,39ຕື້ກີບ.
ໃນໂອກາດນີ້, ທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ສົມດີ ດວງດີ ໄດ້ໃຫ້ມີຄຳເຫັນ ແລະ ໃຫ້ທິດຊີ້ນຳຕໍ່ການປະກາດການຈັດຕັ້ງຂອງພະແນກການເງິນນະຄອນຫລວງ, ພະແນກສ່ວຍສາອາກອນນະຄອນຫລວງ, ບັນດາຫ້ອງການ-ການເງິນ 9 ຕົວເມືອງ, ໜ່ວຍງານຂະແໜງການເງິນ ແລະ ອື່ນ...ທີ່ຂຶ້ນກັບນະຄອນຫລວງວຽງຈັນ, ຂໍໃຫ້ບັນດາທ່ານບັນດາສະຫາຍທີ່ຖືກແຕ່ງຕັ້ງ, ຖືກຍົກຍ້າຍ ຈົ່ງມີຄວາມເຊື່ອໝັ້ນຕໍ່ການນຳພາ, ມີຄວາມອຸ່ນອຽງທຸ່ນທ່ຽງ ແລະ ໃຫ້ທຸກພາກສ່ວນ ຈົ່ງພ້ອມກັນບຸກບືນສຸ່ມທຸກກຳລັງເຂົ້າໃນວຽກງານຂອງຕົນຮັບຜິດຊອບໃຫ້ມີປະສິດທິຜົນ ແລະ ພ້ອມກັນປະຕິບັດມາດຕະການຊຸກຍູ້ການຈັດເກັບລາຍຮັບເຂົ້າງົບປະມານຂອງພະແນກການເງິນນະຄອນຫລວງໃຫ້ມີຄວາມເຂັ້ມງວດ, ທ່ານ ຮອງນາຍົກລັດຖະມົນຕີ ຍັງໄດ້ຮຽກຮ້ອງມາຍັງຄະນະນຳ, ພະນັກງານ-ລັດຖະກອນ ແລະ ທຸກພາກສ່ວນກ່ຽວຂ້ອງໃນຂະແໜງການເງິນ...ຈົ່ງສືບຕໍ່ປະຕິບັດວຽກງານ, ນຳເອົາໄປຜັນຂະຫຍາຍທິດທາງແຜນການເຂົ້າໃນວຽກງານຕົວຈິງ ທັງນີ້, ກໍ່ເພື່ອໃຫ້ບັນລຸຄາດໝາຍແຜນການການຈັດເກັບລາຍຮັບເຂົ້າງົບປະມານໃນປີ 2017 ຢ່າງຕໍ່າບໍ່ໃຫ້ຫລຸດ 95%, ດ້ານລາຍຮັບຄາດຄະເນປະຕິບັດໄດ້ 22.942 ຕື້ກີບເທົ່າກັບ 96,30% ຂອງແຜນການປີ, ໃນນີ້ລາຍຮັບພາຍໃນໃຫ້ໄດ້ 20.424 ຕື້ກີບ ເທົ່າກັບ 95,72% ຂອງແຜນການປີ, ລາຍຮັບຊ່ວຍເຫລືອລ້າ 2.518 ຕື້ກີບ ເທົ່າກັບ 101,63% ຂອງແຜນການປີ.
ໃນນັ້ນມີລາຍຮັບຈາກສ່ວຍສາອາກອນ, ລາຍຮັບຈາກພາສີ, ລາຍຮັບຄຸ້ມຄອງວິສາຫະກິດລັດ, ລາຍຮັບຄຸ້ມຄອງຊັບສິນຂອງລັດ, ລາຍຮັບອື່ນໆ. ດ້ານລາຍຈ່າຍທັງໝົດຄາດຄະເນປະຕິບັດໄດ້ 32.402 ຕື້ກີບ ເທົ່າກັບ 100% ຂອງແຜນການປີເປັນຕົ້ນ: ລາຍຈ່າຍເງິນເດືອນ ແລະ ເງິນອຸດໜູນ, ເງິນນະໂຍບາຍ ແລະ ເງິນຊ່ວຍໜູນ, ເງິນບໍລິຫານ ແລະຊື້ໃໝ່, ເງິນລົງທຶນພາຍໃນ, ເງິນລົງທຶນຕ່າງປະເທດ ແລະ ອື່ນໆ.
ຂ່າວ-ພາບ ໂດຍ: ບຸນທຽມ

ວັນທີອອກຂ່າວ: 
05/05/2017
ວັນທີ່ເກີດຂ່າວ: 
05/05/2017
ສຸກ, 5 ພຶດສະພາ, 2017 - ອັງຄານ, 5 ພຶດສະພາ, 2020
ເອກະສານຂະໜາດ
a358.jpg580.54 KB
a359.jpg910.48 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 22,735,082
  • ເລີ້ມຕັ້ງແຕ່ = 20/03/2009

ປະຕິທິນ

 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31