an image an image

ກະຊວງການເງິນ ປາຖະກະຖາຫວນຄືນວັນກຳມະກອນສາກົນ ຄົບຮອບ 132 ປີ

pulpit rockpulpit rock

ວັນທີ 4 ພຶດສະພາ 2018 ຜ່ານມາ, ທີ່ສະຖາບັນເສດຖະກິດ-ການເງິນ (ສສງ) ສະຫະພັນກໍາມະບານກະຊວງການເງິນ ໄດ້ຈັດປາຖະກະຖາຫວນຄືນວັນກຳມະກອນສາກົນ ຄົບຮອບ 132 ປີ (1/5/1886 -1/5/2018), ໂດຍການປາຖະກະຖາຂອງ ທ່ານ ສົມບູນ ອິນທະປັດຖາ ປະທານສະຫະພັນກຳມະບານ ຫົວໜ້າຫ້ອງການກະຊວງການເງິນ ແລະ ການເຂົ້າຮ່ວມຮັບຟັງຂອງສະມາຊິກກໍາມະບານຈາກບັນດາຫ້ອງການ, ກົມ, ສະຖາບັນ, ພະແນກການອ້ອມຂ້າງ ແລະ ບັນດາວິສາຫະກິດທີ່ຂຶ້ນກັບກະຊວງ.
ການປາຖະກະຖາໃນຄັ້ງນີ້, ແນໃສ່ເຮັດໃຫ້ສະມາຊິກກຳມະບານ, ພະນັກງານ-ລັດຖະກອນ ພາຍໃນ ກະຊວງການເງິນໄດ້ຮັບຮູ້ເຂົ້າໃຈເຖິງມູນເຊື້ອ, ທາດແທ້, ປະຫວັດຄວາມເປັນມາຂອງວັນກຳມະກອນສາກົນ, ການເຕີບໃຫຍ່ຂະຫຍາຍຕົວຂອງຊົນຊັ້ນກຳມະກອນໃນທົ່ວໂລກ ແລະ ຜົນງານການເຄື່ອນໄຫວຂອງກຳມະກອນລາວ ໃນພາລະກິດປະຕິວັດຕໍ່ສູ້ປົດປ່ອຍຊາດກໍຄື ການປົກປັກຮັກສາ ແລະ ສ້າງສາພັດທະນາປະເທດຊາດ.
ໂອກາດນີ້, ທ່ານ ສົມບູນ ອິນທະປັດຖາ ໄດ້ຍົກໃຫ້ເຫັນມູນເຊື້ອປະຫວັດຄວາມເປັນມາຂອງວັນກຳມະກອນສາກົນ ແລະ ຜົນງານການເຄື່ອນໄຫວຂອງກຳມະກອນລາວໃນພາລະກິດປະຕິວັດຕໍ່ສູ້ປົດປ່ອຍຊາດກໍຄື ການປົກປັກຮັກສາ ແລະ ສ້າງສາພັດທະນາປະເທດຊາດ, ຊຶ່ງຊົນຊັ້ນກຳມະກອນໄດ້ຜ່ານຂະບວນວິວັດແຫ່ງການຕໍ່ສູ້ກັບການກົດຂີ່ຂູດຮີດແຮງງານຂອງຊົນຊັ້ນນາຍທຶນຢ່າງໜັກໜ່ວງພາຍໃຕ້ແອກປົກຄອງຂອງລະບອບນາຍທຶນ, ກຳມະກອນຖືກບັງຄັບ ໃຫ້ເຮັດວຽກມື້ໜຶ່ງ 12-15 ຊົ່ວໂມງ ໃນເງື່ອນໄຂການອອກແຮງງານສຸດທີ່ຫຍຸ້ງຍາກລຳບາກ.
ມາໃນ ວັນທີ 1 ພຶດສະພາ 1886 ຊົນຊັ້ນກໍາມະກອນ ແລະ ຊາວຜູ້ອອກແຮງງານໄດ້ລຸກຂຶ້ນຕໍ່ສູ້ປະທ້ວງໃຫ້ພວກນາຍທຶນຫລຸດຊົ່ວໂມງເຮັດວຽກ, ບໍ່ໃຫ້ກຳມະກອນເຮັດວຽກເກີນ 8 ຊົ່ວໂມງຕໍ່ມື້, 8 ຊົ່ວໂມງເຮັດວຽກ, 8 ຊົ່ວໂມງໄດ້ພັກຜ່ອນ, 8 ຊົ່ວໂມງຮໍ່າຮຽນ ແລະ ບັງຄັບໃຫ້ພວກນາຍທຶນຮັບຮອງເອົາສິດທິການເຮັດວຽກຂອງກໍາມະກອນ ມື້ໜຶ່ງ 8 ຊົ່ວ ໂມງ ຖືກຮັບຮອງ ແລະ ຈັດຕັ້ງປະຕິບັດຈົນເຖິງປັດຈຸບັນ.
ໃນໂອກາດດັ່ງກ່າວ, ເພື່ອເປັນການສ້າງຂະບວນການສະເຫລີມສະຫລອງວັນກໍາມະກອນສາກົນຄົບຮອບ132 ປີ ໃຫ້ມີບັນຍາກາດຟົດຟື້ນ, ຍັງໄດ້ສ້າງກິດຈະກຳກິລາເພື່ອຮັດແໜ້ນຄວາມສາມັກຄີພາຍໃນ ແລະ ລັດວິສາຫະກິດທີ່ຂຶ້ນກະຊວງ ຊຶ່ງກິດຈະກຳມີກິລາບານເຕະຊາຍ, ດຶງເຊືອກຊາຍຍິງ ແລະ ຕີບຸ່ນນໍາອີກ.
ພາບ-ຂ່າວ: ຫັດທະພອນ

ວັນທີອອກຂ່າວ: 
11/05/2018
ວັນທີ່ເກີດຂ່າວ: 
04/05/2018
ສຸກ, 4 ພຶດສະພາ, 2018 - ອັງຄານ, 4 ພຶດສະພາ, 2021
ເອກະສານຂະໜາດ
a851.jpg221.13 KB
a852.jpg320.66 KB
a853.jpg190.29 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 28,695,164
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31