an image an image

ກອງປະຊຸມໃຫຍ່ໜ່ວຍພັກຂະແໜງການເງິນ ແຂວງຊຽງຂວາງ ຄັ້ງທີ III

pulpit rock
ກອງປະຊຸມໃຫຍ່ໜ່ວຍພັກຂະແໜງການເງິນແຂວງຊຽງຂວາງ ຄັ້ງທີ III ໄດ້ໄຂຂຶ້ນໃນວັນທີ 15 ພະຈິກ 2017 ຜ່ານມາ, ທີ່ຫ້ອງປະຊຸມພະແນກແຮງງານ ແລະ ສະຫວັດດີການສັງຄົມ ໂດຍການເປັນປະທານຂອງທ່ານ ຄຳພູມີ ບົວລະພິມ ເລຂາຄະນະພັກຮາກຖານ ຫົວໜ້າພະແນກການເງິນແຂວງຊຽງຂວາງໂດຍການເຂົ້າຮ່ວມຂອງ ທ່ານ ສາຍເງິນ ຈັນທະສົມບູນ ຄະນະຈັດຕັ້ງແຂວງຊຽງຂວາງ, ມີຜູ້ຕາງໜ້າຈາກຫ້ອງວ່າການປົກຄອງແຂວງ, ພະແນກສ່ວຍສາອາກອນແຂວງ, ຄັງເງິນແຫ່ງຊາດປະຈຳແຂວງ, ມີສະມະຊິກພັກສໍາຮອງ, ສົມບູນເຂົ້າຮ່ວມຢ່າງພ້ອມພຽງ.
ໃນກອງປະຊຸມຕາງໜ້າແຕ່ລະໜ່ວຍພັກກໍ່ໄດ້ຜ່ານບົດລາຍງານວຽກງານຮອບດ້ານຂອງແຕ່ລະໜ່ວຍພັກໃນໄລຍະຜ່ານມາເປັນຕົ້ນແມ່ນດ້ານດີ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລະຍະຜ່ານມາຊື່ງເຫັນບັນດາສະຫາຍໃນໜ່ວຍພັກເອົາໃຈໃສ່ຊີ້ນຳ-ນຳພາຢ່າງແຂງແຮງ ແລະ ເປັນແບບຢ່າງໃຫ້ແກ່ໝູ່ມະຫາຊົນ, ນອກຈາກດ້ານດີກໍ່ຍັງມີຂໍ້ຄົງຄ້າງບາງດ້ານທີ່ຕ້ອງໄດ້ເອົາໃຈໃສ່ປັບປຸງແກ້ໄຂເປັນຕົ້ນແມ່ນບັນດາກົດລະບຽບຂອງພັກ, ວຽກງານກໍ່ສ້າງພັກ-ພະນັກງານ, ເຊື່ອມຊຶມບັນດາແນວທາງນະໂຍບາຍ, ມະຕິ, ຄຳສັ່ງ ແລະ ນິຕິກໍາຕ່າງໆກ່ຽວກັບວຽກງານພັກໃຫ້ມີຄວາມເຂົ້າໃຈຢ່າງເລີກເຊິ່ງ ແລະ ຈັດຕັ້ງປະຕິບັດໃຫ້ສອດຄ່ອງກັບແນວທາງທີ່ກໍານົດໄວ້.
ນອກນັ້ນ, ກອງປະຊຸມຍັງໄດ້ປ່ອນບັດຄັດລືອກເອົາຄະນະໜ່ວຍພັກຊຸດໃໝ່ຂອງແຕ່ລະໜ່ວຍເຊິ່ງຜົນອອກມາຄື : ທ່ານ ຄຳມຸ່ຍ ວົງຄະໄຊ ເປັນເລຂາໜ່ວຍພັກສ່ວຍສາອາກອນ, ທ່ານ ສາຍສະໝອນ ເປັນຮອງເລຂາໜ່ວຍພັກ ແລະ ນາງ ຄຳມີ ສີສົມບູນ ເປັນຄະນະໜ່ວຍພັກ; ໜ່ວຍພັກບໍລິຫານກວດກາ - ບັນຊີ ມີສະມາຊິກປ່ອນບັດທັງໝົດ 17 ສະຫາຍ ຜົນອອກມາແມ່ນ ທ່ານ ບົວເພັງ ສຸລິນາ ເປັນເລຂາໜ່ວຍພັກ, ທ່ານ ພອນສະຫັວນ ອຸປະລາວັນ ເປັນຮອງເລຂາໜ່ວຍ ແລະ ທ່ານ ນາງ ສີມາລີ ອຳພອນໄຊ ເປັນຄະນະ; ໜ່ວຍພັກງົບປະມານ - ຊັບສິນ ສະມາຊິກປ່ອນບັດທັງໝົດ 18 ສະຫາຍ ຜົນອອກມາແມ່ນ ທ່ານ ບຸນສົມ ພົມມະນີຈັນ ເປັນເລຂາໜ່ວຍພັກ, ທ່ານ ສອນໄຊ ພໍລະສິມ ເປັນຮອງເລຂາໜ່ວຍພັກ ແລະ ທ່ານ ນາງ ຈັນທີ ທານິພອນ ເປັນຄະນະ; ໜ່ວຍພັກຄັງເງິນແຫ່ງຊາດ ມີສະມາຊິກປ່ອນບັດທັງໝົດ 12 ສະຫາຍ ຜົນອອກມາແມ່ນ ທ່ານ ຄຳຫຼ້າ ນັນທະລາດ ເປັນເລຂາໜ່ວຍພັກ, ທ່ານ ນາງ ອຳພາ ຈິດຕະວົງ ເປັນຮອງເລຂາໜ່ວຍພັກ ແລະ ທ່ານ ສີທະວອນ ທຳພິລັດ ເປັນຄະນະໜ່ວຍພັກ.
ໃນໂອກາດດັ່ງກ່າວ, ທ່ານ ສາຍເງິນ ຈັນທະສົມບູນ ໄດ້ໂອ້ລົມຕໍ່ກອງປະຊຸມ ແລະ ຍ້ອງຍໍຕໍ່ຜົນງານທີ່ສະມາຊິກທຸກສະຫາຍສາມາດປະຕິບັດໄດ້ພ້ອມນັ້ນທ່ານຍັງເນັ້ນໃຫ້ສະມາຊິກພັກທຸກສະຫາຍຈົ່ງຖືເອົາວຽກງານສ່ວນລວມສູງກວ່າວຽກງານສ່ວນຕົວ, ເອົາໃຈໃສ່ປະຕິບັດວຽກງານວິຊາສະເພາະເວົ້າລວມ, ເວົ້າສະເພາະກໍ່ຄືວຽກງານການຈັດເກັບລາຍຮັບເຂົ້າງົບປະມານໃຫ້ບັນລຸຕາມຄາດໝາຍທີ່ວາງໄວ້.
ພາບ-ຂ່າວ: ພະແນກການເງິນແຂວງຊຽງຂວາງ

ວັນທີອອກຂ່າວ: 
24/11/2017
ວັນທີ່ເກີດຂ່າວ: 
24/11/2017
ສຸກ, 24 ພະຈິກ, 2017 - ອັງຄານ, 24 ພະຈິກ, 2020
ເອກະສານຂະໜາດ
a697.jpg63.36 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,321 8,325
THB 254.89 256.80
EUR 9,762 9,811
JPY 72.70 74.15
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 15/12/2017

Counter

  • ຜູ້ເຂົ້າຊົມທັງໝົດ = 24,837,153
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31