an image an image

ກອງປະຊຸມໂຕະມົນສຸມໃສ່ປຶກສາຫາລືເລັ່ງໃສ່ການພັດທະນາ

pulpit rock
ກອງປະຊຸມໂຕະມົນແມ່ນເວທີທີ່ສໍາຄັນຢ່າງຍິ່ງ ເຊິ່ງສ້າງໂອກາດໃຫ້ແກ່ລັດຖະບານ ແລະ ຄູ່ຮ່ວມພັດທະນາ, ພາກສ່ວນກ່ຽວຂ້ອງໃນລະດັບສູນກາງ ແລະ ທ້ອງຖິ່ນໄດ້ມີການທົບທວນປຶກສາຫາລືປະເດັນບັນຫາຕ່າງໆ, ສ້າງຄວາມເຂົ້າໃຈ ແລະ ໄດ້ໃຫ້ຄໍາໝັ້ນສັນຍາຮ່ວມກັນ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດພາຍໃຕ້ຄວາມເປັນເຈົ້າການຂອງລັດຖະບານ.
ກອງປະຊຸມໂຕະມົນປະຈໍາປີ 2017 ແມ່ນໄດ້ຈັດຂຶ້ນໃນວັນທີ 22-23 ພະຈິກນີ້ ທີ່ແຂວງຈໍາປາສັກ ລະຫວ່າງລັດຖະບານ ສປປ ລາວ ແລະ ຄູ່ຮ່ວມພັດທະນາພາຍໃຕ້ຫົວຂໍ້ (ເພີ່ມທະວີການເປັນຄູ່ຮ່ວມໃນການຈັດຕັ້ງປະຕິບັດແຜນພັດທະນາເສດຖະກິດແຫ່ງຊາດ 5 ປີຄັ້ງທີ VIII, ເພື່ອບັນລຸເປົ້າໝາຍການຫລຸດພົ້ນອອກຈາກສະຖານະພາບດ້ອຍພັດທະນາ ແລະ ເປົ້າໝາຍການພັດທະນາແບບຍືນຍົງ, ໂດຍການເຂົ້າຮ່ວມເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ມີທ່ານ ປອ ບຸນຖອງ ດີວິໄຊ ເຈົ້າແຂວງຈໍາປາສັກ, ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ທ່ານ ນາງ ຄາຣິນາ ອິມໂມເນັນ ຜູ້ປະສານງານອົງການສະຫະປະຊາຊາດ ແລະ ທ່ານ ຮ່າວ ລ່ຽງ ຊູ ຜູ້ອໍານວຍການສໍານັກງານສໍາລັບພາກພື້ນອາຊີ ແລະ ປາຊີຟິກ ອົງການສະຫະປະຊາຊາດພ້ອມດ້ວຍລັດຖະມົນຕີ, ຮອງລັດຖະມົນຕີຈາກບັນດາກະຊວງຕ່າງໆທີ່ກ່ຽວຂ້ອງເຂົ້າຮ່ວມ.
ກອງປະຊຸມດັ່ງກ່າວໄດ້ສຸມໃສ່ປຶກສາຫາລື 4 ຫົວຂໍ້ກ່ຽວກັບການລົງທຶນໃສ່ການພັດທະນາສີມືແຮງງານ ແລະ ການພັດທະນາຊັບພະຍາກອນມະນຸດ, ການລົງທຶນທີ່ມີຄຸນນະພາບຂອງເອກະຊົນ, ສໍາລັບການພັດທະນາການຮ່ວມມືແບບໃຕ້-ໃຕ້ການຮູ່ວມມືແບບສາມລ່ຽມ ແລະ ການຫລຸດພົ້ນອອກຈາກສະຖານະພາບປະເທດດ້ອຍພັດທະນາ ແລະ ການເເຊື່ອມສານເປົ້າໝາຍການພັດທະນາແບບຍືນຍົງ, ນອກຈາກນັ້ນຍັງໄດ້ປຶກສາຫາລືກ່ຽວກັບຄວາມຄືບໜ້າຂອງການຈັດຕັ້ງປະຕິບັດວຽກງານ ໃນປີ 2017 ພ້ອມທັງຖອດຖອນບົດຮຽນ, ຄົ້ນຄວ້າ ກໍານົດບູລິມະສິດສໍາລັບປີ 2018 ໃນປີໜ້າຈະໄດ້ມີການດໍາເນີນກາງສະໄໝການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີຄັ້ງທີ VIII ໄລຍະ 2016-2020 ແລະ ເປັນປີທໍາອິດຂອງ ສປປ ລາວ ໃນການກະກຽມບົດລາຍງານແບບສະໝັກໃຈກ່ຽວກັບເປົ້າໝາຍການພັດທະນາຍືນຍົງ ເພື່ອລາຍງານຕໍ່ກອງປະຊຸມລະດັບສູງຂອງອົງການສະຫະປະຊາຊາດ, ພ້ອມນັ້ນກໍ່ຈະໄດ້ປະເມີນສະຖານະພາບ ໃນການຫລຸດພົ້ນອອກຈາກປະເທດດ້ອຍພັດທະນາ, ເຊິ່ງ ສປປ ລາວໄດ້ວາງເປົ້າໝາຍການຫລຸດພົ້ນໃຫ້ໄດ້ພາຍໃນປີ 2020.
ໃນວາລະກອງປະຊູມແມ່ນໄດ້ນໍາພາບັນດາຄູ່ຮ່ວມພັດທະນາຢ້ຽມຢາມໂຄງການເກັບກູ້ລະເບີດ ໂຄງການປູກກາເຟຂອງສະຫະກອນການຜະລິດກາເຟ ສູນພັດທະນາສີມືແຮງງານ ຂອງແຂວງພາກໄຕ້ ແລະ ໄດ້ຈັດງານວາງສະແດງຜົນງານການຮ່ວມມືເພື່ອພັດທະນາຂອງໜ່ວຍງານຂະແໜງການ ແລະ ພະແນກການອ້ອມຂ້າງແຂວງ ເວົ້າລວມແລ້ວ ມາຮອດປັດຈຸບັນ ກະຊວງແຜນການ ແລະການລົງທຶນໄດ້ສົມທົບກັບພາກສ່ວນທີ່ກ່ຽວຂ້ອງສາມາດກະກຽມດ້ານເນື້ອໃນ ສະຖານທີ່ ແລະ ດ້ານອື່ນມີຄວາມພ້ອມຮອບດ້ານ.

ວັນທີອອກຂ່າວ: 
24/11/2017
ວັນທີ່ເກີດຂ່າວ: 
23/11/2017
ພະຫັດ, 23 ພະຈິກ, 2017
ເອກະສານຂະໜາດ
a709.jpg251.82 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,321 8,325
THB 254.89 256.80
EUR 9,762 9,811
JPY 72.70 74.15
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 15/12/2017

Counter

  • ຜູ້ເຂົ້າຊົມທັງໝົດ = 24,836,885
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31