an image an image

ກອງປະຊຸມແນະນໍາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2018

pulpit rock
ກອງປະຊຸມແນະນຳການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2018 ໄດ້ຈັດຂຶ້ນໃນວັນທີ 27 ທັນວາ 2017 ທີ່ຫໍປະຊຸມແຫ່ງຊາດ (ຫລັກ6) ໂດຍການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ແລະ ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ມີບັນດາລັດຖະມົນຕີ ຮອງລັດຖະມົນຕີ, ຮອງເຈົ້າແຂວງ ແລະ ຂະແໜງການກ່ຽວຂ້ອງທັງສູນກາງ ແລະ ທ້ອງຖິ່ນເຂົ້າຮ່ວມ.
ທ່ານ ສົມດີ ດວງດີ ກ່າວວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2017 ເປັນຊ່ວງໄລຍະບາດລ້ຽວອັນສໍາຄັນ, ຄຽງຄູ່ກັນນັ້ນ ກໍ່ຍັງໄດ້ມີການເລີ່ມຈັດຕັ້ງປະຕິບັດຫລາຍດ້ານທີ່ເປັນອັນໃໝ່ ເພື່ອສ້າງພື້ນຖານໃຫ້ແກ່ການຈັດຕັ້ງປະຕິບັດແຜນພັດທະນາເສດຖະກິດ-ສັງ ຄົມ ແລະ ແຜນງົບປະມານໃນຕໍ່ໜ້າ.
ຜ່ານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດໃນໄລຍະຜ່ານມາ, ເຫັນວ່າມີຫລາຍດ້ານຍັງຫຍຸ້ງຍາກ ແລະ ທ້າທາຍສູງ, ແຕ່ພາຍໃຕ້ການຊີ້ນໍາ-ນໍາພາຢ່າງໃກ້ຊິດຂອງພັກ -ລັດຖະບານ, ລວມທັງຄວາມຕັດສິນໃຈສູງຂອງບັນດາຂະແໜງການທັງໃນຂັ້ນສູນກາງ ແລະ ທ້ອງຖິ່ນໃນຂອບເຂດທົ່ວປະເທດໄດ້ເຮັດໃຫ້ເສດຖະກິດຍັງຂະຫຍາຍໂຕຢ່າງຕໍ່ເນື່ອງ ແລະ ມີບາດກ້າວຫັນປ່ຽນຢ່າງຕັ້ງໜ້າ.
ສໍາລັບແຜນງົບປະມານແຫ່ງລັດໃນໄລຍະ 11 ເດືອນກ່ວາທີ່ຜ່ານມາ (ຜົນສະຫລຸບເບື້ອງຕົ້ນຮອດວັນທີ 21 ທັນວາ 2017) ສາມາດປະຕິບັດໄດ້ທັງໝົດ 85% ຂອງແຜນການປີ, ລາຍຮັບພາຍໃນໄດ້ 87,71% ຂອງແຜນການປີ; ສ່ວນດ້ານລາຍຈ່າຍປະຕິບັດໄດ້ 84,40% ຂອງແຜນການປີ ແລະ ຄາດຄະເນໝົດປີລາຍຮັບງົບປະມານທັງໝົດຈະປະຕິບັດໄດ້ບໍ່ຕໍ່າກ່ວາ 95% ຂອງແຜນການປີ, ສ່ວນດ້ານລາຍຈ່າຍງົບປະມານທັງໝົດຄາດຄະເນປະຕິບັດ 96,65%.
ສຳລັບແຜນພັດທະນາເສດຖະກິດ-ສັງຄົມແຫ່ງຊາດປີ 2018 ຈະຕ້ອງສູ້ຊົນໃຫ້ລວມຍອດມູນຄ່າຜະລິດ ຕະພັນພາຍໃນ (GDP) ເພີ່ມຂຶ້ນໃນລະດັບ 7% ເສດຖະກິດມະຫາພາກມີສະເຖຍລະພາບໂດຍພື້ນຖານ. ສືບຕໍ່ສຸມໃສ່ການພັດທະນາຊົນນະບົດ ແລະ ແກ້ໄຂຄວາມທຸກຍາກ ເພື່ອເຮັດໃຫ້ການພັດທະນາກ້າວເຂົ້າໄປສູ່ຄຸນນະພາບທີ່ແທ້ຈິງ.
ພ້ອມດຽວກັນນີ້, ໃນປີ 2018 ສືບຕໍ່ຈັດຕັ້ງປະຕິບັດ 10 ມາດຕະການໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດປະຈໍາປີ 2018 ທີ່ກະຊວງແຜນການ ແລະ ການລົງທຶນໄດ້ສະເໜີຕໍ່ກອງປະຊຸມສະພາແຫ່ງຊາດສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII.

ວັນທີອອກຂ່າວ: 
29/12/2017
ວັນທີ່ເກີດຂ່າວ: 
27/12/2017
ພຸດ, 27 ທັນວາ, 2017 - ອາທິດ, 27 ທັນວາ, 2020
ເອກະສານຂະໜາດ
a772.jpg432.54 KB
a773 (2).jpg863.61 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,856,073
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30