an image an image

ກອງປະຊຸມສໍາມະນາກ່ຽວກັບການສະໜອງທຶນຕາມຕ່ອງໂສ້ມູນຄ່າ

pulpit rock
ໃນວັນທີ 29-30 ພຶດສະພາ 2017 ຜ່ານມາ ທີ່ໂຮງແຮມ ລາວພລາຊາ ໄດ້ຈັດກອງປະຊຸມສໍາມະນາກ່ຽວກັບການສະໜອງທຶນຕາມຕ່ອງໂສ້ມູນຄ່າ, ໂດຍການຮ່ວມມືລະຫວ່າງກະຊວງການເງິນ, ອົງການການເງິນສາກົນ IFC ແລະ ສະມາຄົມທະນາຄານລາວ ໃຫ້ກຽດເປັນປະທານຮ່ວມຂອງ ທ່ານ ນາງ ກະເສີມສີ ພົມມະວົງສາ ຫົວໜ້າກົມຄຸ້ມຄອງຊັບສິນຂອງລັດ ກະຊວງການເງິນ, ມີ ທ່ານ ພູໂຂງ ຈັນທະຈັກ ປະທານສະມາຄົມທະນາຄານລາວ ແລະ ທ່ານ ພົງສະຫວັນ ພົມກອງ ຫົວໜ້າຫ້ອງການ ອົງການການເງິນສາກົນ (IFC) ພ້ອມທັງ ບັນດາພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ນາງ ກະເສີມສີ ພົມມະວົງສາ ໄດ້ໃຫ້ຮູ້ວ່າ: ສປປ ລາວ ມີເປົ້າໝາຍໃນການພັດທະນາປະເທດ, ໂດຍເນັ້ນໃສ່ການຫລຸດຜ່ອນຄວາມທຸກຍາກຂອງພໍ່ແມ່ປະຊາຊົນ, ສ້າງເສດຖະກິດໃຫ້ເຕີບໂຕ ໃນອັດຕາສະເລ່ຍ 7,5% ຕໍ່ປີຂຶ້ນໄປ ແລະ ເພື່ອຮັບປະກັນໃຫ້ບັນລຸຜົນສໍາເລັດສະຫັດສະວັດແຫ່ງການພັດທະນາ ແລະ ສາມາດຫລຸດພົ້ນອອກຈາກການເປັນປະເທດດ້ອຍພັດທະນາໃນປີ 2020 ໂດຍການດໍາເນີນນະໂຍບາຍ ແລະ ມາດຕະການຕ່າງໆເຊັ່ນ: ການສົ່ງເສີມໃນຂະແໜງການທີ່ມີທ່າແຮງດ້ານເສດຖະກິດ ໂດຍສະເພາະກໍາລັງໃຫ້ການຊ່ວຍເຫລືອແກ່ບັນດາວິສາຫະກິດຂະນາດໃຫ່ຍ, ກາງ, ນ້ອຍ ແລະ ຈຸລະພາກທີ່ຢູ່ໃນ ສປປ ລາວ ໃຫ້ສາມາດເຂົ້າເຖິງສິນເຊື່ອ, ການສົ່ງເສີມການກູ້ຢືມໂດຍການນໍາໃຊ້ສັງຫາລິມະຊັບ ເຮັດໃຫ້ບັນດາຫົວໜ່ວຍທຸລະກິດສາມາດເຂົ້າເຖິງແຫລ່ງທຶນທີ່ຕົນຕ້ອງການ ເພື່ອການເຕີບໂຕ, ການຂະຫຍາຍທຸລະກິດ ແລະ ການສ້າງວຽກເຮັດງານທໍາ.
ທ່ານ ພູໂຂງ ຈັນທະຈັກ ຍັງໃຫ້ຮູ້ຕື່ມວ່າ: ໃນສະພາບການທີ່ເສດຖະກິດມີການເຕີບໃຫ່ຍຂະຫຍາຍຕົວຂຶ້ນ ແລະ ການບໍລິການທີ່ຫລາກຫລາຍຂອງບັນດາທະນາຄານ, ປັດຈຸບັນ ແມ່ນມີຄວາມຈໍາເປັນຢ່າງຍິ່ງທີ່ຕ້ອງສ້າງຄວາມສາມາດ ໃຫ້ແກ່ບັນດາພະນັກງານ ໃນແຕ່ລະຂັ້ນຂອງ ທະນາຄານ ແລະ ໃນພາກສ່ວນທີ່ກ່ຽວຂອ້ງໃນຂະແໜງການເງິນໃຫ້ເຂົ້າໃຈເຖິງຫລັກການສະໜອງທຶນເຂົ້າໃນຕ່ອງໂສ້ມູນຄ່າ. ສະນັ້ນ, ຄະນະຮັບຜິດຊອບ ກໍຄືການຮ່ວມມືທາງດ້ານວິຊາການລະຫວ່າງກະຊວງການເງິນ, ອົງການການເງິນສາກົນ IFC ແລະ ສະມາຄົມທະນາຄານລາວ ຈຶ່ງໄດ້ຈັດກອງປະຊຸມສໍາມະນາດັ່ງກ່າວຂຶ້ນ ເຊິ່ງໄດ້ມີການເຊື້ອເຊີນເອົາຊ່ຽວຊານສາກົນ ເຊິ່ງເປັນຜູ້ທີ່ມີປະສົບການຫຼາຍປີ ໃນວຽກງານການທະນາຄານ, ການສໍາມະນາ ແລະ ການເງິນ, ການຄຸ້ມຄອງການເງິນ ແລະ ຄວາມສ່ຽງ ມາເປັນນັກວິທະຍາກອນໃຫ້ຄວາມຮູ້ແກ່ນັກສໍາມະນາກອນໃນຄັ້ງນີ້.
ການຈັດກອງປະຊຸມສໍາມະນາໃນຄັ້ງນີ້ ແມ່ນໄດ້ຮັບຟັງ, ແລກປ່ຽນບົດຮຽນໃນຫລາຍບັນຫາເປັນຕົ້ນຂໍ້ມູນທີ່ສໍາຄັນຂອງການສະໜອງທຶນຕາມຕ່ອງໂສ້ມູນຄ່າ, ຄວາມເຂົ້າໃຈຕໍ່ກັບຕ່ອງໂສ້ມູນຄ່າ ທັງນີ້, ກໍ່ເປັນການສ້າງໂອກາດໃຫ້ຜູ້ເຂົ້າຮ່ວມທັງພາກລັດ ແລະ ບັນດາທະນາຄານໃຫ້ມີຄວາມຮູ້ຄວາມສາມາດເພື່ອປັບປຸງ ແລະ ນໍາປະສົບການທີ່ໄດ້ຈາກຊ່ຽວຊານນໍາໄປຜັນຂະຫຍາຍ ແລະ ນໍາໃຊ້ເຂົ້າໃນວຽກງານຕົວຈິງຢ່າງມີປະສິດທິຜົນ ແລະ ຫວັງວ່າກອງປະຊຸມສໍາມະນາໃນຄັ້ງນີ້ຈະປະສົບຜົນສໍາເລັດຕາມລະດັບຄາດໝາຍທີ່ກໍານົດໄວ້.
ພາບ/ຂ່າວ: ອາພັດສະລາ

ວັນທີອອກຂ່າວ: 
02/06/2017
ວັນທີ່ເກີດຂ່າວ: 
30/06/2017
ສຸກ, 2 ມິຖຸນາ, 2017 - ອັງຄານ, 2 ມິຖຸນາ, 2020
ເອກະສານຂະໜາດ
a400.jpg298.12 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 22,160,344
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30