an image an image

ກອງປະຊຸມການສ້າງແຜນກໍານົດພະນັກງານນໍາພາ-ຄຸ້ມຄອງ ຂັ້ນສູນກາງຄຸ້ມຄອງຂອງກະຊວງການເງິນ

pulpit rockpulpit rock
ໂດຍປະຕິບັດຕາມມະຕິຂອງກົມການເມືອງ ສູນກາງພັກ ສະບັບເລກທີ 032/ກມສພ, ລົງວັນທີ 03 ມັງກອນ 2018 ວ່າດ້ວຍວຽກສ້າງແຜນກໍານົດພະນັກງານນໍາພາ-ຄຸ້ມຄອງຂັ້ນສູນກາງຄຸ້ມຄອງຂອງກະຊວງການເງິນ ແລະ ປະຕິບັດຕາມແຜນດໍາເນີນກອງປະຊຸມການສ້າງແຜນກໍານົດພະນັກງານນໍາພາ-ຄຸ້ມຄອງ ສະບັບເລກທີ 096/ກບພ,ກງ ລົງວັນທີ 25 ມິຖຸນາ 2018.
ໃນລະຫວ່າງວັນທີ 5-6 ກໍລະກົດ 2018 ທີ່ຫໍປະຊຸມແຫ່ງຊາດ (ຫຼັກ 6) ກະຊວງການເງິນ, ໄດ້ຈັດກອງປະຊຸມການສ້າງແຜນກໍານົດພະນັກງານນໍາພາ-ຄຸ້ມຄອງຂັ້ນສູນກາງຄຸ້ມຄອງຂອງກະຊວງການເງິນ, ໂດຍການເປັນປະທານຂອງທ່ານ ສົມດີ ດວງດີ ກໍາມະການສູນກາງພັກ ຮອງນາຍົກລັດຖະມົນຕີ ເລຂາຄະນະພັກ ລັດຖະມົນຕີກະຊວງການເງິນ, ມີທ່ານ ວັນໄຊ ຟອງສະຫວັນ ຮອງຫົວໜ້າຄະນະຈັດຕັ້ງສູນກາງພັກ, ມີທ່ານ ຮອງລັດຖະມົນຕີກະຊວງການເງິນ, ຫົວໜ້າກົມ, ຮອງກົມ, ຫົວໜ້າຫ້ອງການ, ຫົວໜ້າພະແນກ-ຮອງພະແນກ ແລະ ພະນັກງານ-ລັດຖະກອນທົ່ວກະຊວງການເງິນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໂອກາດນີ້, ທ່ານ ສົມດີ ດວງດີ ໄດ້ມີຄຳເຫັນວ່າ: ກອງປະຊຸມໃນຄັ້ງນີ້ຈັດຂຶ້ນເພື່ອສ້າງແຜນກໍານົດພະນັກງານນໍາພາ-ຄຸ້ມຄອງຂັ້ນສູນກາງຄຸ້ມຄອງຂອງກະຊວງການເງິນ ເພື່ອເປັນບ່ອນອີງໃນການບໍາລຸງກໍ່ສ້າງພະນັກງານຂັ້ນຫົວໜ້າກົມຂຶ້ນໄປ ແລະ ສ້າງແຜນກໍານົດພະນັກງານນໍາພາ-ຄຸ້ມຄອງຂັ້ນກະຊວງການເງິນຄຸ້ມຄອງ ເພື່ອກໍ່ສ້າງພະນັກງານສືບທອດ, ປ່ຽນແທນແຕ່ລະຕໍາແໜ່ງທີ່ຫວ່າງໃນກະຊວງການເງິນໃນຕໍ່ໜ້າອີກດ້ວຍ.
ພ້ອມກັນນັ້ນ, ຍັງໄດ້ຮັບຟັງການສະຫຼຸບຕີລາຄາໂດຍຫຍໍ້ການຈັດຕັ້ງປະຕິບັດວຽກງານສ້າງແຜນກໍານົດພະນັກ ງານນໍາພາ-ຄຸ້ມຄອງໃນໄລຍະຜ່ານມາ. ສະນັ້ນ, ເພື່ອໃຫ້ການສ້າງແຜນກໍານົດພະນັກງານນໍາພາ-ຄຸ້ມຄອງໃນຕໍ່ໜ້າບັນລຸຕາມເນື້ອໃນຈິດໃຈຂອງມະຕິກົມການເມືອງສູນກາງພັກຄະນະພັກ, ຄະນະນໍາຈະໄດ້ເຊື່ອມຊຶມກໍາແໜ້ນກ່ຽວກັບເນື້ອໃນ, ວິທີການສ້າງແຜນກໍານົດເພື່ອພ້ອມກັນຈັດຕັ້ງປະຕິບັດໃຫ້ມີຄວາມເປັນເອກະພາບໃນທົ່ວຂະໜງການເງິນ ແລະ ມີຜົນສໍາເລັດເປັນຢ່າງດີ, ເຊື່ອມຊຶມເອກະສານສໍາຄັນເຊັ່ນ: ມະຕິຂອງກົມການເມືອງສູນກາງພັກ ສະບັບເລກທີ 032/ກມສພ, ລົງວັນທີ 03 ມັງກອນ 2018 ວ່າດ້ວຍວຽກງານສ້າງແຜນກໍານົດພະນັກງານນໍາພາ-ຄຸ້ມຄອງ, ເຊື່ອມຊຶມມະຕິຂອງກົມການເມືອງສູນກາງພັກ ສະບັບເລກທີ 030/ກມສພ, ລົງວັນທີ 03 ມັງກອນ 2018 ວ່າດ້ວຍມາດຕະຖານຂອງພະນັກງານນໍາພາ-ຄຸ້ມຄອງ ແລະ ຄໍາແນະນໍາຂອງຄະນະຈັດຕັ້ງສູນກາງພັກ ເລກທີ292/ຄຈສພ, ລົງວັນທີ 26 ເມສາ 2018 ກ່ຽວກັບການຈັດຕັ້ງປະຕິບັດ ມະຕິຂອງກົມການເມືອງສູນກາງພັກ ວ່າດ້ວຍມາດຕະຖານຂອງພະນັກງານນໍາພາ-ຄຸ້ມຄອງ, ວຽກງານຄຸ້ມຄອງພະນັກງານ ແລະ ວຽກງານການສ້າງແຜນກໍານົດພະນັກງານນໍາພາ-ຄຸ້ມຄອງ.
ຄຽງຄູ່ກັນນີ້, ໃນກອງປະຊຸມການສ້າງແຜນກໍານົດພະນັກງານນໍາພາ-ຄຸ້ມຄອງຂັ້ນສູນກາງຄຸ້ມຄອງຂອງກະຊວງການເງິນໄດ້ມີການເຜີຍແຜ່ມາດຖານຂອງພະນັກງານນໍາພາ-ຄຸ້ມຄອງຂັ້ນສູນກາງຄຸ້ມຄອງ ເພື່ອໃຫ້ພະນັກງານສະມາຊິກພັກແຕ່ລະຂັ້ນທີ່ເຂົ້າມາທາບທາມ ເປັນບ່ອນອີງໃນການເລືອກເຟັ້ນເອົາເປົ້າໝາຍບຸກຄະລາກອນ ເຂົ້າໃນແຜນກໍານົດພະ ນັກງານນໍາພາຄຸ້ມຄອງແຕ່ລະຂັ້ນໃຫ້ໄດ້ມາດຕະຖານຢ່າງຄົບຖ້ວນ. ໃນການທາບທາມແມ່ນໄດ້ແບ່ງອອກເປັນ III ຮອບ ເຊິ່ງຮອບທີ I ເປົ້າໝາຍທາບທາມແມ່ນຄະນະບໍລິຫານງານພັກກະຊວງ, ຫົວໜ້າກົມ, ຮອງຫົວໜ້າກົມ ແລະ ທຽບເທົ່າ, ຄະນະພັກຮາກຖານ, ຄະນະໜ່ວຍພັກຮາກຖານ, ຫົວໜ້າພະແນກ ແລະ ທຽບເທົ່າ, ຮອບທີ II ເປົ້າໝາຍທາບທາມແມ່ນຄະນະບໍລິຫານງານພັກກະຊວງ, ຫົວໜ້າກົມ, ຮອງຫົວໜ້າກົມ ແລະ ທຽບເທົ່າ ແລະ ສໍາລັບຮອບທີ III ເປົ້າໝາຍທາບທາມແມ່ນຄະນະບໍລິຫານງານພັກກະຊວງຈໍານວນ 15 ທ່ານ.
ສ່ວນໃນວັນທີ 6 ກໍລະກົດ 2018 ທີ່ຫ້ອງປະຊຸມຊັ້ນ 4 ກະຊວງການເງິນ, ໄດ້ດໍາເນີນກອງປະຊຸມການທາບທາມ ແລະ ລາຍງານໂດຍສັງເຂບຜົນຂອງການທາບທາມ ຮອບທີ I ແລະ ດໍາເນີນການທາບທາມ, ຮອບທີ I ໂດຍແມ່ນເປົ້າໝາຍຄະນະບໍລິຫານພັກກະຊວງ, ຫົວໜ້າກົມ, ຮອງກົມ ແລະ ທຽບເທົ່າ, ສ່ວນການທາບທາມຮອບທີ III ແມ່ນຄະນະບໍລິຫານພັກກະຊວງ 15 ສະຫາຍ.
ຂ່າວ-ພາບ: ອາພັດສາລາ, ສຸວັນໄຊ

ວັນທີອອກຂ່າວ: 
06/07/2018
ວັນທີ່ເກີດຂ່າວ: 
05/07/2018
ສຸກ, 6 ກໍລະກົດ, 2018
ເອກະສານຂະໜາດ
a871.jpg322.68 KB
a872.jpg188.47 KB
a873.jpg450.39 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 32,462,023
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30