an image an image

ກອງຄຸ້ມຄອງພາສີ II ປະຕິບັດລາຍຮັບໄດ້ແລ້ວ 11,7 ຕື້ກວ່າກີບ

pulpit rock
ການຈັດຕັ້ງປະຕິບັດແຜນງົບປະມານແຫ່ງລັດໃນ 4 ເດືອນປີ 2018, ນັບແຕ່ວັນທີ 01 ມັງກອນ-ວັນທີ 30 ເມສາ 2018 ກອງຄຸ້ມຄອງພາສີ II (ແຂວງອຸດົມໄຊ, ແຂວງຜົ້ງສາລີ) ສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 11,7 ຕື້ກວ່າກີບ ເທົ່າກັບ 29,70% ຂອງແຜນການປີ. ໃນນັ້ນ, ດ່ານພາສີທ້ອງຖິ່ນພູຫຼັກຄຳ ປະຕິບັດລາຍຮັບໄດ້ເດັ່ນກວ່າໝູ່, ຮອງລົງມາແມ່ນດ່ານພາສີສາກົນປາງຫົກ, ດ່ານພາສີທ້ອງຖິ່ນປ່າຄາ, ກອງກວດກາພາສີປະຈໍແຂວງອຸດົມໄຊ ແລະ ດ່ານພາສີສາກົນລານຕູ້ຍ ແຂວງຜົ້ງສາລີ.
ທ່ານ ບຸນເພັງ ສຸພັດທອນ ຫົວໜ້າກອງຄຸ້ມຄອງພາສີ II (ແຂວງອຸດົມໄຊ, ແຂວງຜົ້ງສາລີ) ໃຫ້ສໍາພາດຕໍ່ທີມຂ່າວການເງິນວ່າ: ກອງຄຸ້ມຄອງພາສີ II ຂຶ້ນກັບກົມພາສີ ກະຊວງການເງິນ ໂດຍກົງຊີ້ນຳວຽກງານວິາສະເພາະ, ປະຕິບັດໜ້າທີ່ປະສານສົມທົບກັບອົງການປົກຄອງທ້ອງຖິ່ນ, ບັນດາຂະແໜງການກ່ຽວຂ້ອງເວົ້າລວມເວົ້າສະເພາະແມ່ນການອຳ ນວຍຄວາມສະດວກໃນການສົ່ງອອກ-ນຳເຂົ້າສິນຄ້າ, ເຄື່ອງຂອງຜ່ານດ່ານພາສີຊາຍແດນ, ຄຸ້ມຄອງການນຳເຂົ້າສິນຄ້າ, ເຄື່ອງຂອງທີ່ໄດ້ຮັບນະໂຍບາຍສົ່ງເສີມການລົງທຶນໃນຂັ້ນທ້ອງຖິ່ນ, ຕ້ານ ແລະ ສະກັດກັ້ນການລັກລອບສິນຄ້າໜີພາສີທຸກຮູບແບບ.
ສຳລັບການຈັດຕັ້ງປະຕິບັດແຜນງົບປະມານແຫ່ງລັດປີ 2018 (ວັນທີ 01 ມັງກອນ-ວັນທີ 30 ເມສາ 2018) ກອງຄຸ້ມຄອງພາສີ II ໄດ້ເອົາໃຈໃສ່ສຶກສາອົບຮົມການເມືອງແນວຄິດເປັນຕົ້ນຕໍໃຫ້ຄະນະດ່ານ, ພະນັກງານວິຊາການປະຈຳດ່ານພາສີຊາຍແດນ, ກອງກວດກາພາສີປະຈຳແຂວງໃຫ້ເຂົ້າໃຈ, ເຊື່ອມຊຶມ ແລະ ກຳແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມີຄວາມສາມັກຄີເປັນເອກະພາບ, ເຮັດວຽກແບບລວມສູນປະຊາທິປະໄຕເປັນໝູຄະນະ ແລະ ແບ່ງຄວາມຮັບຜິດຊອບໃຫ້ລະອຽດ, ມີແບບແຜນວີທີເຮັດວຽກ, ແບບແຜນການນຳພາທີ່ດີ, ໄດ້ເອົາໃຈໃສ່ຜັນຂະຫຍາຍລະບຽບກົດໝາຍ, ມະຕິ, ຄຳສັ່ງຂອງຂັ້ນເທິງກ່ຽວກັບວິຊາສະເພາະໃຫ້ພະນັກງານ ແລະ ບັນດານັກທຸລະກິດເຂົ້າໃຈຢ່າງຈະແຈ້ງເຮັດໃຫ້ການຈັດເກັບລາຍຮັບເຂົ້າງົບປະມານແຫ່ງລັດປີ 2018 ໄດ້ທັງໝົດ 11,7 ຕື້ກວ່າກີບ ເທົ່າກັບ 29,70% ຂອງແຜນການປີ.
ໃນນີ້, ດ່ານພາສີທ້ອງຖິ່ນພູຫລັກຄໍາປະຕິບັດລາຍຮັບໄດ້ 4,1 ຕື້ກວ່າກີບ ເທົ່າກັບ 32,47% ຂອງແຜນການປີ, ດ່ານພາສີສາກົນປາງຫົກ 3 ຕື້ກີບ ເທົ່າກັບ 26,65% ຂອງແຜນການປີ, ດ່ານພາສີທ້ອງຖິ່ນປ່າຄາ 2,8 ຕື້ກວ່າກີບ ເທົ່າກັບ 28,21% ຂອງແຜນການປີ, ກອງກວດກາພາສີ ປະຈຳແຂວງອຸດົມໄຊ 1,1 ຕື້ກວ່າກີບ ເທົ່າກັບ 60,92% ຂອງແຜນການປີ, ດ່ານພາສີສາກົນລານຕູ້ຍ 671 ລ້ານກວ່າກີບ ເທົ່າກັບ 43,97% ຂອງແຜນການປີ, ຊຶ່ງລາຍຮັບສ່ວນໃຫຍ່ໄດ້ມາຈາກການນໍາເຂົ້າສິນຄ້າປະເພດເຄື່ອງອຸປະໂພກ-ບໍລິໂພກກວມເອົາ 42%, ເຄື່ອງກໍ່ສ້າງ 26%, ຄ່າຊັກພິເສດ 13%, ເຄື່ອງໄຟຟ້າ 11%, ຄ່າທໍານຽມ 7%, ຄ່າປັບໃໝ່-ຂາຍເຄື່ອງຮີບ 1%, ຂະນະທີ່ການນຳເຂົ້າ-ສົ່ງອອກ ທີ່ຍົກເວັ້ນພາສີ-ອາກອນຕາມນະໂຍບາຍສົ່ງເສີມການລົງທຶນມີມູນຄ່າລວມຍອດທັງໝົດສູງເຖິງ 50 ຕື້ກວ່າກີບ, ໃນນີ້ມີການສົ່ງອອກເຄື່ອງເຟີນີເຈີສຳເລັດຮູບ, ການສົ່ງອອກຜົນຜະລິດກະສິກໍາເຊັ່ນ: ຢາງພາລາ, ໃບຊາແຫ້ງ, ກ້ວຍ, ອ້ອຍ, ໝາກເພັດ, ໝາກເດືອຍ ແລະ ໝາກຖົ່ວ ຊຶ່ງມີມູນຄ່າສູງເຖິງ 20,2 ຕື້ກວ່າກີບ, ສ່ວນການນຳເຂົ້າເຄື່ອງກໍ່ສ້າງໂຄງການໄຟຟ້ານ້ຳອູ 7, ໂຄງການໄຟຟ້ານ້ຳອູ 4 ແລະ ການລົງທຶນອື່ນໆຢູ່ຂັ້ນແຂວງມູນຄ່າ 30 ຕື້ກວ່າກີບ.
ທ່ານ ບຸນເພັງ ສຸພັດທອນ ຫົວໜ້າກອງຄຸ້ມຄອງພາສີ II ຍັງໄດ້ເນັ້ນຕື່ມອີກວ່າ: ເຖິງແມ່ນການຈັດເກັບລາຍຮັບເຂົ້າງົບປະມານມີບາງດ່ານພາສີສາກົນໄດ້ເກີນແຜນການງວດ, ແຜນການປີ, ແຕ່ຖ້າທຽບໃສ່ໃນໄລຍະດຽວກັນຂອງປີຜ່ານ ມາຫຼຸດລົງ 34,29% ທັງນີ້, ກໍ່ຍ້ອນວ່າບໍລິມາດສິນຄ້າສົ່ງອອກ-ນຳເຂົ້າແມ່ນຫຼຸດລົງຈາກປີຜ່ານມາ, ການນຳເຂົ້າເຄື່ອງກໍ່ສ້າງຂອງບັນດາໂຄງການລົງທຶນແມ່ນຍົກເວັ້ນພາສີ-ອາກອນ.
ສະນັ້ນ, ເພື່ອບັນລຸເປົ້າໝາຍແຜນການຂອງກອງຄຸ້ມຄອງພາສີ II ວາງໄວ້ໃນປີ 2018 ຕ້ອງເກັບລາຍຮັບເຂົ້າງົບປະມານແຫ່ງລັດຈຳນວນ 39,7 ຕື້ກວ່າກີບ ຫຼື ລື່ນແຜນການປີ, ຈະຕ້ອງໄດ້ເພີ່ມທະວີຊີ້ນຳ-ນຳພາວຽກງານການເມືອງແນວຄິດ, ເອົາໃຈໃສ່ປັບປຸງກົນໄກວຽກງານຕ້ານ ແລະ ສະກັດກັ້ນລັກລອບໜີພາສີ, ເຂັ້ມງວດປະຕິບັດຄຳສັ່ງເລກທີ 15/ນຍ, ເພີ່ມທະວີການກວດກາ-ການຈັດຕັ້ງປະຕິບັດວຽກງານພາສີໃນກອງ, ເອົາໃຈໃສ່ສ້າງກົນໄກການຄຸ້ມຄອງການນຳເຂົ້າພາຫານະຢ້ຽມຢາມທ່ອງທ່ຽວລະບອບ ບ53, ສືບຕໍ່ປະສານສົມທົບກັບອົງການປົກຄອງທ້ອງຖິ່ນ, ເອົາໃຈໃສ່ກວດກາສິນຄ້າຢູ່ດ່ານພາສີຊາຍແດນໃຫ້ມີຄວາມເຂັ້ມງວດ, ໃຫ້ຖືຕ້ອງເພື່ອເປັນຂໍ້ມູນໃນການຈັດເກັບລາຍຮັບເປັນຕົ້ນ: ຊະນິດສິນຄ້າ, ຈຳນວນ, ລະຫັດ, ແຫຼ່ງກຳເນີດ ແລະ ອື່ນໆ.

ພາບ-ຂ່າວ: ກະຊວງການເງິນ

ວັນທີອອກຂ່າວ: 
11/05/2018
ວັນທີ່ເກີດຂ່າວ: 
11/05/2018
ສຸກ, 11 ພຶດສະພາ, 2018 - ອັງຄານ, 11 ພຶດສະພາ, 2021
ເອກະສານຂະໜາດ
a856.jpg232.15 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 27,355,228
  • ເລີ້ມຕັ້ງແຕ່ = 20/03/2009

ປະຕິທິນ

 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31